IBRANI 5:9 - PEJANJIAN EMPAI CERITAU ILUAK

⁹ Mangku la udim Diau njadi sempernau, Diau pacak nyelamatka enggut selelamaunyau jemau diau nurutiNyau.

IBRANI 5:9 ပူးပေါင်းရင်းမြစ်များ

MATIUS 17:5

Diau gi ngiciak luak itu, adau aban terang tughun ngan mbayangi ughangtu, mangku jak di dalam aban itu tedengagh suarau diau bekatau, “Inila AnakKu diau Kusayangi. Diau melemakka atiKu. Dengaghkala Diautu.”

LUKAS 13:32

Yesus nimbal, “Pegila, kiciakka ngan jemau calak itu, ‘Aku ngisitka iblis ngan meghadui jemau buidapan mbak kini ngan pagi. Mangku lusau Aku ka ngudimi kerjauKu.’

YUHANIS 19:30

La udim Yesus ngisap ayiak anggur itu, Diau bekatau, “La udim!” Mangku Diau ngelintuakka pala'Au ngan nyeraka nyawauNyau.

RASUL 3:15

Luak itula kapu dighi mbunua Diau, awuak Diautu pacak ngenjuakka idup nian ngan jemau. Allah la ngidupka Diau jak di mati. Kamini la ngina'Au mangku ngiciakkanyau.

RASUL 4:12

Nidau bediau jemau lain diau pacak nyelamatka lain jak di Diautu, karnau di deniau di guak manusiau nidau bediau sughang kia diau dapat kuasau jak di Allah diau nyelamatka lain jak di Yesus Keristus.”

RASUL 5:32

Kamini la ngeruani ngan ngiciakka gegalau ceritau itu, kami ngan Rua Allah diau dienjuakka Allah ngan gegalau jemau diau na'ati Diau.”

RUM 1:5

Karnau Diau pulau kami disayangi Allah mangku dijadika rasul endak meregaui Keristus ngan mbimbing jemau jak di gegalau bangsau, supayau percayau ngan ta'at ngan Keristus.

RUM 10:16

Anyautu nidau gegalau jemau nerimau ceritau itu. Yesaya la ngiciak, “Tuhan, sapau ka percayau ngan kici'an kamu?”

RUM 15:18

Aku beghani ngiciak luak itu ngiciakka cuman setu diau dikerjauka Keristus karnau aku, supayau mbuat jemau bangsau lain ta'at ngan Allah. Aku ngerjauka titu ngan kici'anku ngan perembakku,

RUM 2:8

Anyautu jemau diau ndalak idup batan endak diau sughang, nidau endak ta'at ngan Allah ngan maju ngerjauka diau ja'at, jemautu ka didawaika Allah nian.

RUM 6:17

Terimau-kasia nian ngan Allah, karnau senitu kamu njadi budak dusau, mbak kini kamu na'ati nian ajaghan diau benagh diau la dikiciakka ngan kamu.

2 KURINTUS 10:5

Kami merusakka setu diau dibuat jemau geduak endak melawan setu diau benagh ceritau Allah. Kami na'an gegalau rupu'an jemau ngan mbuatau ta'at ngan Keristus.

PILIPI 2:12

Kantin-kantinku diau kusayangi, kamu maju ta'at ngan aku, masau aku guak kamu, mangku mbak kini masau aku jawua, kamu mesti lebia ta'at agi. Beusahala maju, supayau keselamatan kamu njadi nyatau. Kerjaukala titu ngan takut ngan meregaui Allah.

2 TESALUNIKA 1:8

Ngan api diau maghak Diau ka tughun endak ngukum jemau diau enggup percayau ngan Allah ngan enggup ta'at ngan ceritau iluak jak di Yesus, Tuhan kitau.

2 TESALUNIKA 2:16

Kami bedu'a, supayau Tuhan kitau Yesus Keristus ngan Allah Bapak kitau melemakka ngan neguaka ati kamu, mangku kamu pacak ngerjauka ngan ngiciakka setu diau iluak. Allah nyayangi kitau. Diau maju neguaka nian ngan ngenjuakka aghapan diau iluak ngan kitau, karnau Allahtu iluak.

2 TIMUTIUS 2:10

Itula sebapau aku nanggungka gegalaunyautu ngan ngaligh batan endak jemau diau dipilia Allah, mangku ughangtu pulau pacak diselamatka Yesus Keristus ngan meghasauka keagunganNyau selelamaunyau.

IBRANI 1:14

Amun luak itu, malaikattu sapau sebenaghau? Ughangtu rua diau bekerjau batan endak Allah, diajungAu nulung jemau diau ka diselamatka.

IBRANI 11:40

karnau Allah merencanauka setu diau lebia iluak batan endak kitau. RencanauNyau, supayau ughangtu njadi sempernau serempak ngan kitau.

IBRANI 11:8

Karnau percayau, mangku Abraham ta'at, masau diau dipilia ngan diajung pegi ke nenggeri diau Allah janjika ngan diau. Mangku Abraham bejalan, nidau keruan ka ke manau diau.

IBRANI 12:2

Mela kitau ngerjauka titu ngan maju merupuakka Yesus. Diau itula mbuat kitau percayau, mangku Diautu pulau nulung kitau maju percayau. Yesustu ta'an sengsarau, nidau nyanauka, bansau mati di kayu saliptu setu diau maluka. Diau cuman ngingatka riang diau ka dighasaukaNyau nanti. Mbak kini Diau duduak di sebela kanan Allah.

IBRANI 2:10

Allah itu njadika gegalaunyau batan endak diriAu. Sepantasau Diau njadika Yesus sempernau ngan carau Diau sengsarau, mangku dibata'Au banyak jemau endak diagungka. Diautu pulau mbukak jalan mangku ughangtu selamat.

IBRANI 2:3

Apau agi ngan ceritau selamat. Hibatla ceritau itu sangkan katau Allah tadi! Amun kitau nidau meratika nian ceritau selamattu, cetau kitau ka diukum. Tuhan itula diau dulu sekali ngiciakka ceritau selamattu, mangku jemau diau la ndengaghau senitu la mbuktika ngan kitau, bansau ceritautu benagh.

IBRANI 9:12

Diautu masuak ke dalam kimatu di bada diau suci sekali cuman sekali ajau. Masau itu Diau mbatak dagha Diautula, ukan dagha kambing lanang, ukan dagha sapi diau endak dikerbanka. Mangku ngan daghaHautu Diau mbibaska kitau selelamaunyau.

IBRANI 9:15

Karnau kerjau Keristustu Allah mbuat pejanjian diau empai, mangku jemau diau la dipilia Allah pacak nerimau setu diau la dijanjikaNyautu. Keristus la mati endak mbibaska jemau jak di salahau diau dibuat masau pejanjian diau dulu masia dipakai.

IBRANI 9:28

Luak itu pulau Keristus ngerbanka diriAu cuman sekali ajau endak ngabiska dusau banyak jemau. Mangku Diau ka datang agi ukan endak nanggungka dusau agi, tapitu endak nyelamatka jemau diau nunggu Diau datang.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

1 YUHANIS 5:20

Kitau keruan, bansau Anak Allah la datang ngan ngenjuakka pengertian ngan kitau, mangku kitau ngeruani Allah diau benagh. Kitau idup seghundak ngan Allah diau benagh ngan idup seghundak ngan Ana'Au Yesus Keristus. Diautu Allah diau benagh ngan ngenjuakka idup sejati selelamaunyau.

YUDAS 1:21

Jagauila diri kamu, mangku kamu nidau nyimpang jak di sayang Allah, sampai nungguka Tuhan kitau Yesus Keristus ngenjuakka ngan kamu idup selelamaunyau, karnau Diau iluak nian.