IBRANI 5:7 - PEJANJIAN EMPAI CERITAU ILUAK

⁷ Masau Yesus adau di deniauni, Diau bedu'a sampai nangis, mintak ngan Allah diau pacak ngilakkaNyau jak di mati. Mangku Diau didengaghka, karnau Diau nunduak takut ngan Allah.

IBRANI 5:7 ပူးပေါင်းရင်းမြစ်များ

MATIUS 27:46

Kekirau jam tigau petang Yesus tegauk, katauNyau, “Eli, eli, lama sabaktani!” Retiau, “AllahKu, AllahKu, ngapau Dighi ninggalka Aku?”

MATIUS 27:50

Udim itu Yesus tegauk agi, mangku nyawauNyau abis.

MARKUS 15:34

Mangku la petang tegauk Yesus ngan suarau bias, kataunyau, “Elui, elui, lama sabaktani!” Retiau, “AllahKu, AllahKu, ngapau Dighi ninggalka Aku?”

MARKUS 15:37

Mangku Yesus tegauk agi ngan suarau bias. La udim itu putus nyawauNyau.

LUKAS 23:46

Mangku Yesus tegauk, katauNyau, “Bak, Aku nyeraka nyawauKu ngan Dighi.” Udim ngiciak luak itu, nyawauNyau putus.

YUHANIS 1:14

Pirman itu la njadi manusiau diau iluak nian ngan kitau. Di Diau kitau nginak diau benagh ceritau Allah. Diau mendam ngan kitau. Kitau la nginak keagunganNyau, keagungan diau dienjuakka ngan Diau, karnau Diautu Anak Bapak diau sughang itula.

YUHANIS 11:35

Mangku Yesus nangis.

YUHANIS 11:42

Aku keruan Dighi maju ndengaghka du'aKu, anyautu Aku ngiciakka ini batan endak jemau banyak diau adau di sini, supayau ughangtu percayau, bansau Dighitu ngajung Aku.”

YUHANIS 17:1

La udim ngiciak luak itu, Yesus ncungak ke langit, mangku bekatau, “Bak, masaunyau la sampai, agungkala Anak Dighi, mangku Anak Dighi ngagungka Dighi pulau.

RUM 8:3

Setu diau nidau pacak dikerjauka ukum Taurat karnau kitau manusiau bedusau la dikerjauka Allah. Diau la ngajung Ana'Au datang ke deniau nyerupaui manusiau biasau, njadi kerban batan dusau manusiau, mangku dusau diukum ngan diabiskaNyau.

GALATIA 4:4

Anyautu la sampai masaunyau diau ditetapka Allah, mangku Diau ngajung ana'Au ke deniau. Diautu dilahirka sughang jemau tinau, mangku idup ta'at ngan ukum Taurat.

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

IBRANI 10:10

Yesus Keristus la ngerjauka kendak Allah ngan nyeraka diriAutula njadi kerban. Mangku kitau la diberesiaka karnau kerbantu diau dikerbanka cuman sekali ajau.

IBRANI 10:5

Itula sebapau masau Keristus datang ke deniau, Diau bekatau ngan Allah, “Kerban ngan enju'an nidau Dighi kenda'i. Tapitu Dighi ngenjuakka badan ngan Aku.

IBRANI 11:7

Karnau percayau, mangku Nua nerimau petunjuak jak di Allah ceritau setu diau ka jerang agi tejadi diau lum kina'an. Nuatu ta'at ngan Allah, mangku diau mbuat sebua kapal besak endak nyelamatka diriau ngan anak-biniau. Ngan carau luak itu Nua itu dibenaghka, karnau percayau nian, tapitu deniau diukum.

IBRANI 12:28

Itula sebapau kitau mesti beterimau-kasia ngan Allah, karnau kitau la nerimau bada di manau Allah merinta diau nidau pacak diambiak jak di kitau. Kitau mesti meregaui ngan nyemba Allah ngan takut ngan carau diau dikenda'iNyau diau melemakka atiAu.

IBRANI 13:20

Allah la ngidupka Yesus, Tuhan kitau, jak di mati. Mangku karnau Diau matitu, Diau njadi tukang sayia kitau diau agung. DaghaHautu pulau ngesahka janji diau dijanjika Allah ngan kitau. Aku bedu'a, supayau Allah diau ngenjuakka damai ndandani kamu ngan serbau diau iluak, mangku kamu pacak ngerjauka kenda'Au.

IBRANI 2:14

Jemau diau dikiciakka anak-buaHautu manusiau diau ka mati. Mangku Yesus njadi semegi ngan jemau, idup luak jemau, mangku karnau Diau matitu Iblis diau nguasaui mauttu la dikalaka.

1 YUHANIS 4:3

Mangku jemau diau nidau ngaku'i Yesus, jemautu nidau bediau Rua Allah. Diautu adau rua jak di Musua Keristus. Kamu la ndengagh, bansau rua itu ka datang. Mbak kini diau la adau di deniauni.

2 YUHANIS 1:7

Banyak tukang mbu'ung la ngidari jagat. Ughangtu nidau ngaku'i, bansau Yesus Keristus datang ke deniau nyerupaui jemau. Jemau luak itu tukang mbu'ung ngan musua Keristus.