IBRANI 4:12 - PEJANJIAN EMPAI CERITAU ILUAK

¹² Katau Allahtu bekuasau ngan ngenjuakka idup. Tajamla katautu sangkan pedang bematau duau. Diau nusuak dalam nian endak nceghaika jiwa ngan rua, sendi-sendi ngan beghesi, mangku diau ngeruani serilau ngan rupu'an ati jemau.

IBRANI 4:12 ပူးပေါင်းရင်းမြစ်များ

LUKAS 8:11

Inila retiau umpamau tadi: Benia ibarat kici'an Allah.

YUHANIS 12:48

Jemau diau nidau nerimau Aku ngan nidau nuruti kici'anKu, akimau la adau. Kici'anKu diau la Kukiciakka, itula diau ka ngukumau masau aghi kiamat.

YUHANIS 6:51

Akunila makanan diau ngenjuakka idup diau datang jak di sergau. Jemau diau makan makanan ini ka idup selelamaunyau. Makanan diau ka Kuenjuakka nyela dagingKu diau ka Kuenjuakka batan ngenjuakka idup ngan deniauni.”

RASUL 2:37

Satu ndengagh kici'annyautu, ughangtu nyesal nian ngan bingung, mangku betanyau ngan Pitrus ngan rasul lainau, “Tuapau diau mesti kami kerjauka?”

RASUL 4:31

La udim ughangtu bedu'a, bada ughangtu betunggal begugak, gegalau ughangtu dikuasaui Rua Allah, mangku ughangtu ngiciakka ceritau Allah ngan beghani nianan.

RASUL 5:33

Ndengagh kici'antu, ughangtu mara kematila endak mbunua rasul-rasul itu.

RASUL 7:38

Musatu adau ngan jemau Israil diau betunggal di padang bungin. Diautu adau di situ ngan malaikat di Bukit Sinai ngan niniak puyang kitau. Diautu nerimau katau Allah diau nunjuakka jalan idup, mangku disampaika ngan kitau.

RUM 1:16

Aku percayau nian ceritau iluak itu, karnau di ceritau iluaktu adau kuasau Allah diau nyelamatka gegalau jemau diau percayau, jemau Yahudi kudai, mangku jemau bangsau lain pulau.

1 KURINTUS 1:24

Batan endak jemau diau la dipilia Allah, empuak jemau Yahudi empuak jemau ukan Yahudi, ceritau itu nyatauka kuasau Allah ngan pengertian Allah.

2 KURINTUS 2:17

Kami nidau luak banyak jemau diau ndalak untung ngan ngiciakka katau Allah. Tujuan kami iluak, karnau kami diajung Allah endak ngiciakka ceritau itu luak semestiau di adapan Allah, karnau kami seghundak ngan Keristus.

2 KURINTUS 4:2

Kami enggup nggunauka carau gelap diau maluka. Kami nidau nipuka jemau ngan nidau ngubai katau Allah. Kami ngiciakka kendak Allah ngenianau. Mangku teserala ngan jemau endak nilai kami dalam ati keciak di adapan Allah.

IPISUS 5:13

Anyautu gegalaunyau diau diancakka terang kina'an, karnau terang nginakka gegalaunyau.

IPISUS 5:26

Diau ngerjauka titu endak mberesiaka ughangtu ngan ajaghanNyau ngan ayiak baptisan, mangku pacak diseraka ngan Allah.

IPISUS 6:17

Ambiakla keselamatan njadi tupi besi ngan katau Allah njadi pedang diau dienjuakka Rua Allah.

1 TESALUNIKA 2:13

Adau semecam agi diau mbuat kami beterimau-kasia ngan Allah. Masau kami ngiciakka ngan kamu ceritau jak di Allah, kamu ndengagh ngan nerimau ceritautu, ukan luak kici'an manusiau, tapitu luak ceritau jak di Allah. La nyela nian katau Allah. Diautu dang bekerjau dalam ati kamu diau percayau.

1 TESALUNIKA 5:23

Aku bedu'a, supayau Allah ngenjuakka kamu damai ngan njadika kamu jemau diau idup nian batan endak Allah. Aku bedu'a, supayau Allah njagaui gegalau idup kamu, rua ngan jiwa kamu, mangku amun Tuhan kitau Yesus Keristus datang agi, kamu nidau bediau cacatau.

IBRANI 13:7

Ingatkala pengulu kamu diau ngiciakka ceritau jak di Allah ngan kamu. Peratikala carau idupau ngan carau diau mati. Penaula carau ughangtu percayau.

IBRANI 6:5

Jemautu la keruan, bansau Katau Allahtu iluak ngan la meghasauka kuasau diau ka nyatau di masau diau ka datangtu.

YAKUBUS 1:18

Nurut kenda'Autula Diau njadika kitau ngan pirmanAu diau benagh. Diau ngerjauka titu, supayau kitau bulia bada diau iluak sekali jak di gegalaunyau diau la dijadikaNyau.

1 PITRUS 1:23

Karnau katau Allah diau idup selelamaunyau kamu la dijadika manusiau empai diau adau ukan karnau manusiau diau ka mati, tapitu karnau Bapak diau selelamaunyau.

PENGINA'AN 1:16

Tangan kananAu ngecakka tujua bintang. Jak di mulutAu adau pedang tajam diau bematau duau. DayiAu besinagh-sinagh luak matau-aghi dang tengaghi.

PENGINA'AN 19:15

Di mulut Jemau tadi adau sebila pedang tajam. Ngan pedangtu Diau ka ngalaka bangsau-bangsau. Diau ka nyayia ughangtu ngan tungkat besi. Mangku Diau ka ngancit anggur di kilangan anggur. Titu mara Allah diau Mahakuasau.

PENGINA'AN 19:21

Mangku gegalau jemau lain dibunua ngan pedang diau di mulut Jemau diau di pucuak kudautu. Mangku gegalau burung la nyagu makan daging ughangtu.

PENGINA'AN 2:16

Karnau itu, ubaila jak di dusau kamu! Amun nidau, Aku ka cepat datang njenguak kamu, mangku Aku ka merangi ughangtu ngan pedang diau adau di mulutKu.

PENGINA'AN 2:23

Anak-buahau ka Kubunua, mangku gegalau jemau Keristen ka keruan, bansau Akunila diau ngeruani ati ngan rupu'an jemau. Bilang kamu ka Kubalas nurut kerjau kamu sesughangan.

PENGINA'AN 20:4

Mangku aku nginak kerusi-kerusi rajau ngan jemau diau duduak di pucu'autu dienju'i kuasau endak ngakimi. Aku pulau nginak jiwa jemau diau la dipancung liaghau karnau nceritauka Yesus ngan ngiciakka katau Allah. Ughangtu nidau nyemba benatang ngan patungautu ngan pulau nidau nerimau tandaunyau di keningau ngan di tanganau. Ughangtu idup agi mangku merinta luak rajau serempak ngan Keristus selamau seribu taun.