IBRANI 3:7 - PEJANJIAN EMPAI CERITAU ILUAK

⁷ Mangku luak la dikiciakka Rua Allah, “Amun kamu ndengagh suarau Allah mbak kini,

IBRANI 3:7 ပူးပေါင်းရင်းမြစ်များ

MATIUS 17:5

Diau gi ngiciak luak itu, adau aban terang tughun ngan mbayangi ughangtu, mangku jak di dalam aban itu tedengagh suarau diau bekatau, “Inila AnakKu diau Kusayangi. Diau melemakka atiKu. Dengaghkala Diautu.”

MATIUS 22:43

Katau Yesus agi, “Amun luak itu, ngapau Daud diau dikuasaui Rua Allah ngiciakka Diau ‘Tuhan’? Karnau Daud bekatau,

MARKUS 12:36

Daud diajung Rua Allah bekatau, ‘Allah bekatau ngan Tuhanku, Duduakla di sebela kananKu, enggut Aku mbuat musua Kaba tunduak nyemba Kaba.’

YUHANIS 10:16

Masia adau agi bebiri lain ngan Aku diau nidau masuak sangkaran ini. Bebiri itu mesti Kubatak pulau, mangku bebiritu ka ndengaghka suarauKu. Gegalau bebiritu ka njadi seghundak ngan sughang tukang sayia.

YUHANIS 10:27

Gegalau bebiriKu ndengaghka suarauKu. Aku keruan diau, mangku gegalaunyau ngikut Aku.

YUHANIS 10:3

Penunggu sangkaran mbukakka duaghau, mangku tukang sayia masuak. Bebiri ka ndengagh suaraunyau, dipantaunyau bebiriau ngan namaunyau sikuak-sikuak, mangku dibata'inyau keluagh.

YUHANIS 5:25

Percayaula, masaunyau ka sampai, mbak kini la sampai, jemau mati ka ndengagh suarau Anak Allah, mangku jemau diau ndengaghkanyau ka idup.

RASUL 1:16

“Ui, adiak-sanak, setu diau ditulis dalam Injil mesti tejadi. Senitu Rua Allah ngan Daud ngiciakka Yudas diau ngajung jemau nangkap Yesustu.

RASUL 28:25

Mangku pendapat ughangtu nidau semegi. Antak ka ughangtu pegi jak di situ, Paulus ngiciak luak ini, “Nyela nian, katau Rua Allah diau dikiciakka nabi Yesaya ngan niniak puyang kapu dighi.

RASUL 8:29

Rua Allah bekatau ngan Pilipus, “Pegila, masighi pelangkin itu.”

IBRANI 10:15

Ceritau itu la dikiciakka Rua Allah ngan kitau, katauNyau,

IBRANI 3:13

Anyautu sangi tegughila kamu idang aghi, semasau gi pacak dikiciakka “mbak kini”, supayau jangan adau jak di kamu diau ngeghaska atiau karnau ditipuka dusau.

IBRANI 3:15

Ini diau ditulis di Injil, “Amun mbak kini kamu ndengagh suarau Allah, jangan ngeghaska ati luak niniak puyang kamu, masau ughangtu melawan Allah.”

IBRANI 4:7

Allah la netapka aghi lain diau dikiciakka “mbak kini”. La lamau udim itu Allah ngajung Daud ngiciakkanyau luak itu tadi, “Mbak kini amun kamu ndengagh suarau Allah, jangan ngeghaska ati kamu.”

IBRANI 9:8

Ngan carau luak itu Rua Allah nyatauka, bansau jalan masuak ke bada diau Mahasucitu lum tebukak, selamau bada sebela mukau kimatu gi adau.

2 PITRUS 1:21

karnau nidau kekela nabi ngiciakka titu ngan kenda'au sendighi. Anyautu ughangtu dikuasaui Rua Allah mangku ngiciakka katau jak di Allah.

PENGINA'AN 3:20

Kina'ila, Aku betegak di mukau duaghau ngan nggagur. Amun adau jemau ndengagh suarauKu ngan mbukakka duaghau, Aku ka masuak betemu ngan diau. Mangku Aku makan ngan diau, diau ngan Aku.