IBRANI 3:5 - PEJANJIAN EMPAI CERITAU ILUAK

⁵ Musatu pekerjau ghuma Allah diau ta'at. Diau ngiciakka setu diau ka dinyatauka Allah masau diau ka datang.

IBRANI 3:5 ပူးပေါင်းရင်းမြစ်များ

MATIUS 24:45

Katau Yesus agi, “Budak diau manau, diau pacak dipercayaui mangku diau dijadika tuanau kepalak jak di gegalau buda'au, supayau ngenju'i ughangtu makanan padau masaunyau?

MATIUS 25:21

‘Iluakla,’ katau tuanautu. ‘Kaba anak-buaku diau iluak ngan pacak dipercayaui. Setu diau keciak kaba pacak dipercayaui, mangku aku ka nyeraka setu diau besak ngan kaba. Mela, masuak ngan ngikut beriang-riang ngan aku.’

LUKAS 12:42

Katau Tuhan, “Jadila luak budak diau iluak ngan pacak dipercayaui, mangku diau dijadika tuanau kepalak jak di gegalau buda'au, supayau ngenju'i ughangtu makanan padau masaunyau.

LUKAS 24:27

Mangku Yesus ngiciak nerangka ngan ughangtu ceritau diau ditulis di Injil ngiciakka diriAu jak di kitab Musa ngan gegalau kitab nabi.

LUKAS 24:44

Udim itu Yesus bekatau ngan ughangtu, “Inila kici'anKu diau la Kukiciakka ngan kamu, timpau Aku gi seghundak ngan kamu, bansau gegalaunyau diau tetulis dalam kitab Taurat, kitab Nabi ngan kitab Masmur mesti tejadi.”

YUHANIS 5:39

Kapu dighi melajaghi Kitab Injil, sangkauan kapu dighi carau inila bulia idup empai selelamaunyau. Injiltu nceritauka Aku,

RASUL 28:23

Mangku ughangtu netapka aghiau endak betemu ngan Paulus. Aghi diau ditetapkatu banyak nian jemau datang ke bada Paulus. Jak di akap enggut malam Paulus ngiciakka ngan nerangka ceritau Allah endak merinta. Makai ayat-ayat kitab Musa ngan kitab nabi-nabi diau beusaha, supayau ughangtu percayau ngan Yesus.

RASUL 7:37

Musa itu pulau ngiciak ngan jemau Israiltu, ‘Sughang nabi luak akuni ka dienjuakka Allah jak di bangsau kamuni.’

RUM 3:21

Mbak kini Allah la nunjuakka jalan, mangku manusiau dibenaghka Allah. Caraunyautu nidau bediau sangkut-pautau ngan ukum Taurat. La dikiciakka dalam ukum Taurat ngan kitab nabi-nabi,

1 KURINTUS 4:2

Diau penting, supayau pekerjautu pacak dipercayaui.

1 TIMUTIUS 1:12

Aku beterimau-kasia ngan Yesus Keristus Tuhan kitau. Diautu nguatka aku bekerjau batan endak Diau, karnau Diau nganggap aku pantas ngerjauka titu.

IBRANI 1:1

Timpau senitu Allah la rajin ngajung nabi-nabi ngiciak ngan niniak puyang kitau makai serbau carau.

IBRANI 3:2

Diautu ta'at ngan Allah diau milia Diau endak bekerjau batan endak Diau, luak pulau Musa senitu ta'at ngerjauka tugasau di ghuma Allah.

IBRANI 3:4

Nyela bilang ghuma adau jemau diau mbuatau. Mangku diau mbuat gegalaunyau Allah itula.

IBRANI 8:5

Kerjau imam diau dikerjauka ughangtu sebenaghau cuman mbayangka setu diau adau di sergau. Itu la dikiciakka Allah ngan Musa, masau diau endak negakka kima Tuhan. Katau Allah ngan diau, “Ingatkala, gegalaunyau mesti kaba kerjauka nurut cuntau diau la ditunjuakka ngan kaba di pucuak gunung.”

IBRANI 9:24

Keristus nidau masuak ke bada suci diau dibuat manusiau diau cuman gambar jak di bada suci diau sebenaghau. Diautu masuak sergau nian, mangku mbak kini Diau ngadap Allah batan endak kepentingan kitau.

PENGINA'AN 15:3

Ughangtu benyanyi nyanyika nyanyian Musa, budak Allahtu, ngan nyanyian Anak Bebiri. Muniau luak ini, “Tuhan, Allah diau Mahakuasau. Gegalau kerjau Dighi besak nianan ngan nyelia. Dighitu Rajau gegalau bangsau. Carau Dighi adil ngan benagh galau.