IBRANI 2:9 - PEJANJIAN EMPAI CERITAU ILUAK

⁹ Diau kitau kinak itu Yesus diau bekuasau. Gi jerang ajau kuasauNyau dibuat kurang jak di kuasau malaikat, supayau Diau sengsarau ngan mati batan endak gegalau manusiau, karnau Allah sayang ngan kitau. Mbak kini kitau nginak Diau la dienjuakka pangkat tinggi diau agung ngan diregaui, karnau Diau la sengsarau enggut mati.

IBRANI 2:9 ပူးပေါင်းရင်းမြစ်များ

MATIUS 16:28

Keruanila, jak di kamuni di sini adau diau nidau ka mati, amun lum nginak Anak Manusiau datang luak rajau.”

MATIUS 6:28

Mangku ngapau kamu ghegak ngan setu diau endak dipakai? Kina'ila bungau gheghumputan di padang. Diau tumbua nidau bekerjau ngan nidau pulau betenun.

MARKUS 9:1

Katau Yesus agi, “Keruanila, adau jak di kamu di sini diau nidau ka mati, amun lum nginak Allah merinta ngan kuasau.”

LUKAS 9:27

Keruanila, jak di kamuni adau diau nidau ka mati, amun lum nginak Allah merinta luak rajau.”

YUHANIS 1:29

Pagi di aghiau Yuhanis nginak Yesus datang njenguak diau, mangku Yuhanis bekatau, “Kina'ila, itu Anak Bebiri diau disediauka Allah endak ngabiska dusau deniau.

YUHANIS 10:17

Bapak nyayangi Aku, karnau Aku ngenjuakka nyawauKu, mangku Aku ka nerimaunyau agi.

YUHANIS 12:32

Amun Aku la dinayiakka jak di deniau, Aku ka ngajak gegalau jemau njenguak Aku.”

YUHANIS 3:16

Karnau Allah sayang nian ngan deniauni, mangku Diau la ngenjuakka Ana'Au diau gi sughang itula, supayau bilang jemau diau percayau ngan Diau nidau benasau, tapitu bulia idup empai selelamaunyau.

YUHANIS 8:51

Ngenian katauKu ini: Jemau diau nuruti kici'anKu nidau ka mati selelamaunyau.”

YUHANIS 8:52

Jemau Yahuditu bekiciak agi, “Mbak kini kami keruan Kabani diarung iblis nian. Abraham la mati, luak itu pulau gegalau nabi, anyautu Kaba ngiciakka, ‘Jemau diau nuruti kici'anKu nidau ka mati selelamaunyau.’

RASUL 2:33

Diau diangkat Allah di sebela kananAu, mangku nerimau Rua Allah diau la dijanjika Bapak. Mangku setu diau la kapu dighi dengagh ngan kinak mbak kini, itu Rua Allah diau la dienjuakka ngan kami.

RASUL 3:13

Allah niniak puyang kitau Abraham, Isak ngan Yakub la ngagungka Buda'Au Yesus. Yesus itula diau kapu dighi seraka ngan penguasau enggup nerimau Diau, empuak Pilatustu endak melepaskaNyau.

RUM 5:18

Jadi, dusau sughang jemau mbuat gegalau jemau diukum. Luak itu pulau kerjau sughang jemau diau ngerjauka kendak Allah mbuat gegalau jemau dilepaska jak di dusaunyau, mangku dienjuakka idup.

RUM 5:8

Anyautu Allah nyatauka sayangAu ngan kitau, karnau Keristus mati batan endak kitau, masau kitau gi jemau bedusau.

RUM 8:3

Setu diau nidau pacak dikerjauka ukum Taurat karnau kitau manusiau bedusau la dikerjauka Allah. Diau la ngajung Ana'Au datang ke deniau nyerupaui manusiau biasau, njadi kerban batan dusau manusiau, mangku dusau diukum ngan diabiskaNyau.

RUM 8:32

Allahtu rila nyeraka Ana'Au batan endak kitau galau. Baghia Diau nidau ngenjuakka ngan kitau gegalaunyau diau lainau.

2 KURINTUS 5:15

Keristus la mati batan endak gegalau jemau, mangku jemau diau idup nidau agi idup batan endak diriau, tapitu batan endak Keristus diau la mati ngan la diidupka agi batan endak ughangtu.

2 KURINTUS 5:21

Keristustu nidau bedusau. Anyautu Allah ngajung Diau nanggungka dusau kitau, supayau kitau dibenaghka karnau seghundak ngan Keristus.

GALATIA 4:4

Anyautu la sampai masaunyau diau ditetapka Allah, mangku Diau ngajung ana'Au ke deniau. Diautu dilahirka sughang jemau tinau, mangku idup ta'at ngan ukum Taurat.

1 TIMUTIUS 2:6

Diau la nyeraka diriAu endak mbibaska gegalau jemau jak di dusau. Luak itu Allah mbuktika masau diau tepat, bansau Diau endak, supayau gegalau jemau diselamatka.

IBRANI 1:9

“Kaba riang ngan setu diau benagh ngan meluatka setu diau nidau benagh. Itula sebapau Aku, Allah Kaba, milia Kaba. Aku meregaui Kaba, mangku riangla Kaba sangkan kantin-kantin Kaba.”

IBRANI 10:5

Itula sebapau masau Keristus datang ke deniau, Diau bekatau ngan Allah, “Kerban ngan enju'an nidau Dighi kenda'i. Tapitu Dighi ngenjuakka badan ngan Aku.

IBRANI 11:5

Karnau percayau, mangku Inuk nidau mati. Diau tuangkat, dibatak guak Allah. Nidau sughang kia nginak diau agi, karnau la tuangkat. Antak ka diau tuangkattu, la dikiciakka, bansau diautu melemakka ati Allah.

IBRANI 12:2

Mela kitau ngerjauka titu ngan maju merupuakka Yesus. Diau itula mbuat kitau percayau, mangku Diautu pulau nulung kitau maju percayau. Yesustu ta'an sengsarau, nidau nyanauka, bansau mati di kayu saliptu setu diau maluka. Diau cuman ngingatka riang diau ka dighasaukaNyau nanti. Mbak kini Diau duduak di sebela kanan Allah.

IBRANI 2:7

Gi jerang ajau Dighi mbuat kuasaunyau kurang jak di kuasau malaikat. Mangku dienjuakka ngan diau pangkat tinggi diau agung ngan diregaui,

IBRANI 7:25

Itula sebapau selelamaunyau Yesus pacak nyelamatka jemau diau masighi Allah, diantat ngan Diau. Diautu adau selelamaunyau endak mintak ngan Allah batan endak ughangtu.

IBRANI 8:3

Bilang imam besak kerjaunyau ngenjuakka ngan Allah enju'an ngan kerban. Luak itu pulau Imam Besak kitau, Diautu mesti adau setu diau endak dikerbanka.

1 PITRUS 1:21

Karnau Diau kamu percayau ngan Allah diau la ngidupkaNyau jak di mati ngan ngagungkaNyau, mangku kamu percayau ngan ngaghapka Allah itula.

1 YUHANIS 2:2

Karnau Yesus Keristus njadi kerban, mangku dusau kitau pacak diabiska. Ukan dusau kitau ajau, tapitu pulau dusau gegalau umat manusiau.

PENGINA'AN 19:12

MatauNyau luak maghak api. Di pucuak pala'Au banyak gitar emas. Di Diau ditulis namau diau nidau dikeruani sughang kiala lain jak di Diau itula.

PENGINA'AN 5:9

Ughangtu benyanyi nyanyika nyanyian empai, kataunyau, “Dighi pantas ngan behak nerimau gulungan kitabtu ngan mbukak sigilau, karnau Dighi la disembelia. Mangku ngan dagha Dighi jemau jak di gegalau jungku, basau, pemili ngan bangsau la dibeli batan endak Allah.