IBRANI 2:17 - PEJANJIAN EMPAI CERITAU ILUAK

¹⁷ Itula sebapau Diau mesti njadi semegi nian ngan manusiau, mangku Diau njadi Imam Besak diau iluak ngan nyialka jemau ngan pacak dipercayaui, bekerjau batan endak Allah. Mangku dusau manusiau pacak diabiska.

IBRANI 2:17 ပူးပေါင်းရင်းမြစ်များ

RUM 15:17

Karnau aku seghundak ngan Keristus, aku bulia meghasau bangga, karnau bekerjau batan endak Allah.

RUM 5:10

Masau kitau gi bemusuan ngan Allah, kitau la didamaika karnau Ana'Au mati batan endak kitau, apau agi mbak kini kitau diau la seilu'an ngan Allah, cengki kitau ka diselamatka karnau Keristus idup.

IPISUS 2:16

Karnau Diau mati di kayu salip, bemusuan ughangtu diabiskaNyau, mangku ughangtu seghundak, mangku njadi seilu'an ngan Allah.

KULUSI 1:21

Senitu kamu jawua jak di Allah. Kamu melawan Diau, karnau perembak ngan rupu'an kamu ja'at.

IBRANI 10:21

Mangku kitau adau imam diau agung diau njadi kepalak Ghuma Allah.

IBRANI 2:11

Yesus diau mberesiaka jemau jak di dusaunyau ngan jemau diau diberesiakatu gi sughang Bapa'au, Diautu Allah. Itula sebapau Diau nidau maluan ngaku'i ughangtu ading-beghadingAu,

IBRANI 2:14

Jemau diau dikiciakka anak-buaHautu manusiau diau ka mati. Mangku Yesus njadi semegi ngan jemau, idup luak jemau, mangku karnau Diau matitu Iblis diau nguasaui mauttu la dikalaka.

IBRANI 2:16

Mangku ngenian ukan malaikat diau disanaukaNyau, tapitu pengadau Abraham.

IBRANI 3:1

Kantin-kantinku jemau Keristen, kamu pulau dipilia Allah. Rupuakkala nian ceritau Yesus. Diautu diajung Allah njadi Imam Besak di agamau diau kitau percayaui.

IBRANI 3:2

Diautu ta'at ngan Allah diau milia Diau endak bekerjau batan endak Diau, luak pulau Musa senitu ta'at ngerjauka tugasau di ghuma Allah.

IBRANI 3:5

Musatu pekerjau ghuma Allah diau ta'at. Diau ngiciakka setu diau ka dinyatauka Allah masau diau ka datang.

IBRANI 4:14

Mela kitau maju ngandalka ngan kepercayauan kitau, karnau kitau adau Imam Besak diau agung diau la sampai guak Allah, diautu Yesus, Anak Allah.

IBRANI 4:15

Imam Besak kitautu pacak meghasauka kekilapan kitau, karnau Diau pulau dicubaui ngan gegalaunyau, anyautu nidau bedusau.

IBRANI 5:1

Bilang imam besak dipilia jak di guak kantin-kantinau, ditetapka bekerjau batan endak Allah nggentika ughangtu. Tugasau endak ngenjuakka ngan Allah enju'an ngan kerban karnau dusau.

IBRANI 5:10

Mangku Diautu ditetapka Allah njadi Imam Besak nurut carau imam Melkisidik.

IBRANI 5:2

Imamtu adau pulau banyak kekilapan, mangku diau ngerti jemau diau nidau keruan ngan sesat.

IBRANI 5:5

Luak itu pulau Keristus. Diautu nidau ngagungka diriAu njadi Imam Besak, tapitu Allah itula diau milia Diau, katauNyau, “Kabanila AnakKu. Saghini Aku njadi Bak Kaba.”

IBRANI 6:20

Yesus la mbuat jalan batan endak kitau ke bada itu. Diau la masuak ke situ njadi Imam Besak batan endak kitau selelamaunyau nurut carau imam Melkisidik.

IBRANI 7:26

Imam Besak luak Yesus itula diau kitau perluka. Diautu beresia, nidau bediau sala ngan dusauNyau. Diau diasingka jak di jemau bedusau, mangku Diau ditinggika ke bada diau tinggi di sergau.

IBRANI 7:28

Ukum Taurattu senitu netapka jemau diau adau banyak kekilapan njadi imam besak. La udim itu Allah bejanji ngan sumpa, bansau Diau netapka Ana'Au njadi Imam Besak diau sempernau selelamaunyau.

IBRANI 8:1

Inti gegalau kici'an tadi kitau adau Imam Besak diau duduak di sebela kanan Allah diau Mahabesak di sergau.

IBRANI 8:3

Bilang imam besak kerjaunyau ngenjuakka ngan Allah enju'an ngan kerban. Luak itu pulau Imam Besak kitau, Diautu mesti adau setu diau endak dikerbanka.

IBRANI 9:11

Anyautu Keristus la datang njadi Imam Besak batan endak setu diau iluak diau ka datangtu. Kima Tuhan, bada Diau ngerjauka tugasAutu, lebia agung ngan lebia sempernau. Kimatu nidau dibuat manusiau, retiau asalau ukan jak di deniauni.