IBRANI 2:14 - PEJANJIAN EMPAI CERITAU ILUAK

¹⁴ Jemau diau dikiciakka anak-buaHautu manusiau diau ka mati. Mangku Yesus njadi semegi ngan jemau, idup luak jemau, mangku karnau Diau matitu Iblis diau nguasaui mauttu la dikalaka.

IBRANI 2:14 ပူးပေါင်းရင်းမြစ်များ

MATIUS 16:17

Katau Yesus ngan diau, “Riangla kaba Simun anak Yuna, karnau ukan manusiau diau ngiciakka titu ngan kaba, tapitu Bapakku diau di sergau.

MATIUS 25:41

Mangku Rajau itu ka bekatau ngan jemau di sebela kidauNyau, ‘Laratla jak di adapanKu! Kamu jemau keparat. Pegila ke dalam api diau nidau ka padam-padam, diau disediauka batan endak Iblis ngan anak-buahau.

YUHANIS 1:14

Pirman itu la njadi manusiau diau iluak nian ngan kitau. Di Diau kitau nginak diau benagh ceritau Allah. Diau mendam ngan kitau. Kitau la nginak keagunganNyau, keagungan diau dienjuakka ngan Diau, karnau Diautu Anak Bapak diau sughang itula.

YUHANIS 12:24

Ngenian katauKu ini: Amun semughak padi nidau ditugalka ke tana, mangku nidau busuak, diau ka maju semughak itula. Anyautu amun mughaktu busuak karnau tumbua, mangku ka banyak asilau.

RUM 14:9

Keristus la mati ngan idup agi, mangku Diau njadi Tuhan jemau diau mati ngan jemau diau idup.

RUM 8:3

Setu diau nidau pacak dikerjauka ukum Taurat karnau kitau manusiau bedusau la dikerjauka Allah. Diau la ngajung Ana'Au datang ke deniau nyerupaui manusiau biasau, njadi kerban batan dusau manusiau, mangku dusau diukum ngan diabiskaNyau.

1 KURINTUS 1:28

Allah milia diau dianggap deniau inau ngan diau nidau bediau retiau, supayau diabiska diau diregaui deniau.

1 KURINTUS 15:50

Diau endak kukiciakka ngan kamu luak ini: Badan diau dijadika jak di dagha ngan daging nidau pacak bulia bada di sergau, mangku badan diau ka busuaktu nidau pacak idup selelamaunyau.

GALATIA 4:4

Anyautu la sampai masaunyau diau ditetapka Allah, mangku Diau ngajung ana'Au ke deniau. Diautu dilahirka sughang jemau tinau, mangku idup ta'at ngan ukum Taurat.

KULUSI 2:15

Diau la mbuat gegalau rua diau bekuasau ngan merinta nidau bekuasau agi. Ruatu dijadikaNyau tuntunan gegalau jemau, masau Diau nggiring ruatu njadi kawalan karnau menang.

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

2 TIMUTIUS 1:10

Mbak kini Allah nyatauka keilu'anNyautu ngan kitau, karnau Penyelamat kitau Yesus Keristus la datang. Yesustu la ngalaka kuasau maut ngan ngenjuakka idup selelamaunyau, amun kitau percayau ngan ceritau iluak.

IBRANI 10:10

Yesus Keristus la ngerjauka kendak Allah ngan nyeraka diriAutula njadi kerban. Mangku kitau la diberesiaka karnau kerbantu diau dikerbanka cuman sekali ajau.

IBRANI 10:5

Itula sebapau masau Keristus datang ke deniau, Diau bekatau ngan Allah, “Kerban ngan enju'an nidau Dighi kenda'i. Tapitu Dighi ngenjuakka badan ngan Aku.

IBRANI 2:17

Itula sebapau Diau mesti njadi semegi nian ngan manusiau, mangku Diau njadi Imam Besak diau iluak ngan nyialka jemau ngan pacak dipercayaui, bekerjau batan endak Allah. Mangku dusau manusiau pacak diabiska.

IBRANI 2:18

Mangku mbak kini Diau pacak nulung jemau diau dicubaui, karnau Diau pulau la sengsarau ngan dicubaui.

IBRANI 4:15

Imam Besak kitautu pacak meghasauka kekilapan kitau, karnau Diau pulau dicubaui ngan gegalaunyau, anyautu nidau bedusau.

IBRANI 9:15

Karnau kerjau Keristustu Allah mbuat pejanjian diau empai, mangku jemau diau la dipilia Allah pacak nerimau setu diau la dijanjikaNyautu. Keristus la mati endak mbibaska jemau jak di salahau diau dibuat masau pejanjian diau dulu masia dipakai.

1 PITRUS 1:20

Keristustu la dipilia antak ka deniau dijadika. Mangku masau pengabisan ini Diau datang ke deniau batan endak kamu.

PENGINA'AN 1:18

Akunila idup. Aku la mati, anyautu kina'ila akuni idup selelamaunyau. Akuni megang kunci kematian ngan bada rua jemau mati.

PENGINA'AN 12:9

Mangku nagau besaktu dicapakka keluagh. Diautu ulagh tuau diau dikiciakka Iblis ngan Sitan diau nyesatka gegalau deniau. Mangku diau diumbanka ke deniau. Luak itu pulau anak-buahautu.

PENGINA'AN 2:10

Nidau nanti takut ngan setu diau mesti kaba tanggungka. Ingatkala separau jak di kamu ka dimasuakka iblis dalam jil endak nguji kamu. Kamu ka sengsarau selamau sepulua aghi. Kamu mesti tekun enggut mati, mangku Aku ka ngenjuakka ngan kamu idup selelamaunyau njadi adia menang ngan kamu.

PENGINA'AN 20:2

Malaikattu nangkap nagau, ulagh tuautu, diautu Iblis ngan Sitan, dikebat selamau seribu taun,