IBRANI 13:7 - PEJANJIAN EMPAI CERITAU ILUAK

⁷ Ingatkala pengulu kamu diau ngiciakka ceritau jak di Allah ngan kamu. Peratikala carau idupau ngan carau diau mati. Penaula carau ughangtu percayau.

IBRANI 13:7 ပူးပေါင်းရင်းမြစ်များ

MATIUS 24:45

Katau Yesus agi, “Budak diau manau, diau pacak dipercayaui mangku diau dijadika tuanau kepalak jak di gegalau buda'au, supayau ngenju'i ughangtu makanan padau masaunyau?

LUKAS 12:42

Katau Tuhan, “Jadila luak budak diau iluak ngan pacak dipercayaui, mangku diau dijadika tuanau kepalak jak di gegalau buda'au, supayau ngenju'i ughangtu makanan padau masaunyau.

LUKAS 5:1

Yesus dang betegak di tepi danau Genesarit, jemau banyak bererincitan endak ndengaghka ceritau jak di Allah.

LUKAS 8:11

Inila retiau umpamau tadi: Benia ibarat kici'an Allah.

RASUL 13:46

Ngan beghani Paulus ngan Barnabas ngiciak terang-terangan, kataunyau, “Katau Allah mesti dikiciakka ngan kapu dighi kudai. Anyautu kapu dighi nidau nerimaunyau, mangku kapu dighi nidau dianggap pantas bulia idup selelamaunyau. Mangku kami pegi ke bangsau lain.

RASUL 14:23

Di bilang kumpulan jemau Keristen duau rasultu netapka pengulu-pengulu batan endak ughangtu. Mangku sampai puasau ngan bedu'a rasultu nyeraka pengulutu ngan Tuhan diau ughangtu percayauitu.

RASUL 4:31

La udim ughangtu bedu'a, bada ughangtu betunggal begugak, gegalau ughangtu dikuasaui Rua Allah, mangku ughangtu ngiciakka ceritau Allah ngan beghani nianan.

RUM 10:17

Jadi, jemau percayau karnau ndengagh, mangku jemau ndengagh karnau adau diau ngiciakka ceritau Keristustu.

1 KURINTUS 10:13

Amun kamu dicubaui, ingatkala, bansau jemau lain pulau meghasaukanyau luak itu. Allah nepati janjiau. Diau nidau ngenangka kamu dicubaui lebia jak di kekuatan kamu. Masau kamu dicubaui, masau itu pulau Diau ngenjuakka jalan keluagh ngan kamu ngan neguaka kamu mangku pacak ta'an.

1 KURINTUS 11:1

Penaula aku, luak aku pulau menau Keristus.

1 KURINTUS 4:16

Karnau itu aku ngajung kamu menau aku.

PILIPI 3:17

Kantin-kantinku, penaula aku. Kami la ngenjuakka penauan diau iluak. Karnau itu ikutkala jemau diau menau kami.

1 TESALUNIKA 1:6

Kamu la menau idup kami ngan idup Tuhan. Empuak kamu sengsarau nian, kamu nerimau ceritau iluak diau kami kiciakkatu ngan riang. Riang itu jak di Rua Allah.

1 TESALUNIKA 2:13

Adau semecam agi diau mbuat kami beterimau-kasia ngan Allah. Masau kami ngiciakka ngan kamu ceritau jak di Allah, kamu ndengagh ngan nerimau ceritautu, ukan luak kici'an manusiau, tapitu luak ceritau jak di Allah. La nyela nian katau Allah. Diautu dang bekerjau dalam ati kamu diau percayau.

2 TESALUNIKA 3:7

Kamutu keruan, kamu mesti menau carau kami. Kami nidau malas, masau kami adau di guak kamu.

2 TESALUNIKA 3:9

ukanau karnau kami nidau behak mintak tulung ngan kamu, anyautu kami endak njadi penauan batan endak kamu.

1 TIMUTIUS 3:5

Amun jemau nidau pacak ngurus ghuma-tanggaunyau, luak manau diau pacak ngurus Ghuma Allah?

IBRANI 13:17

Ta'ati pengulu kamu ngan tunduak ngan ughangtu, karnau ughangtu maju njagaui kamu ngan nanggung-jawabkanyau ngan Allah. Amun kamu ta'at, ughangtu pacak bekerjau ngan riang. Amun nidau, ughangtu bekerjau ngan dayi mangut, mangku carautu nidau nulung kamu.

IBRANI 13:24

Sampaikala pesan kami ngan gegalau pengulu kamu ngan gegalau jemau Keristen. Adau pulau pesan jak di kantin-kantin kitau di Italia.

IBRANI 6:12

Kami enggup kamu njadi malas. Kami endak, supayau kamu idup luak jemau diau nunggu ngan ngaligh endak nerimau setu diau dijanjika Allah, karnau percayau ngan Diau.

1 PITRUS 4:11

Jemau diau beketuba mesti ngiciakka katau Allah. Jemau diau nulungi jemau mesti ngerjaukanyau ngan kekuatan jak di Allah, mangku Allah maju diregaui karnau Yesus Keristus. KuasauNyau ngan keagunganNyau nidau ka udim-udim selelamaunyau. Nyela nian.

PENGINA'AN 1:9

Aku Yuhanis, kantin kamu diau semegi nanggungau luak diau dighasauka bilang anak-bua Keristus. Kitauni maju ta'an sengsarau karnau njadi umatAu. Aku dicapakka ke pulau Patmus, karnau aku ngiciakka katau Allah ngan ngiciakka Yesus Keristus.

PENGINA'AN 20:4

Mangku aku nginak kerusi-kerusi rajau ngan jemau diau duduak di pucu'autu dienju'i kuasau endak ngakimi. Aku pulau nginak jiwa jemau diau la dipancung liaghau karnau nceritauka Yesus ngan ngiciakka katau Allah. Ughangtu nidau nyemba benatang ngan patungautu ngan pulau nidau nerimau tandaunyau di keningau ngan di tanganau. Ughangtu idup agi mangku merinta luak rajau serempak ngan Keristus selamau seribu taun.

PENGINA'AN 6:9

La udim itu Anak Bebiritu mbukak sigil diau kelimau. Mangku aku nginak di bawa bada bekerban adau jemau diau dibunua karnau ta'at ngan ngiciakka katau Allah.