IBRANI 13:20 - PEJANJIAN EMPAI CERITAU ILUAK

²⁰ Allah la ngidupka Yesus, Tuhan kitau, jak di mati. Mangku karnau Diau matitu, Diau njadi tukang sayia kitau diau agung. DaghaHautu pulau ngesahka janji diau dijanjika Allah ngan kitau. Aku bedu'a, supayau Allah diau ngenjuakka damai ndandani kamu ngan serbau diau iluak, mangku kamu pacak ngerjauka kenda'Au.

IBRANI 13:20 ပူးပေါင်းရင်းမြစ်များ

MATIUS 26:28

Inila daghaKu diau neguaka janji Allah. Dagha itu ditumpaka batan endak ngampuni dusau banyak jemau.

MARKUS 14:24

Katau Yesus, “Inila daghaKu diau neguaka janji Allah, diau melilia batan endak banyak jemau.

LUKAS 22:20

Luak itu pulau udim makan dienjuakkaNyau mangkuak anggur ngan bekatau, “Mangkuak ini umpamau pejanjian Allah diau empai diau diteguaka ngan daghaKu diau melilia batan endak kamu.

YUHANIS 10:11

Akunila tukang sayia bebiri diau iluak lagi ngarap. Tukang sayia bebiri diau iluak ngenjuakka nyawaunyau batan endak bebiriau.

YUHANIS 10:14

Akunila tukang sayia bebiri diau iluak lagi ngarap. Aku keruan bebiriKu, bebiriKu keruan Aku.

RASUL 13:30

Anyautu Allah ngidupkaNyau agi jak di mati.

RASUL 17:31

Diau la netapka aghi endak ngadili deniau ini ngan adil. Titu ka dikerjauka Sughang diau dipilia Allah. Mangku Allah la mbuktika titu ngan ngidupka Jemau itu jak di mati.”

RASUL 2:24

Anyautu Allah ngidupka Diau jak di mati, dilepaskaNyau jak di sengsarau maut, karnau nidau ka adau Diau maju dalam kuasau mauttu.

RASUL 2:32

Yesus itula diau Allah idupka agi jak di mati. Kami gegalaunyau la ngina'au nian ngan ngiciakkanyau.

RASUL 3:15

Luak itula kapu dighi mbunua Diau, awuak Diautu pacak ngenjuakka idup nian ngan jemau. Allah la ngidupka Diau jak di mati. Kamini la ngina'Au mangku ngiciakkanyau.

RASUL 4:10

Kapu dighi ngan bangsau kitau pulau mesti keruan galau, bansau jemau ini ghadu karnau kuasau Yesus Keristus, jemau Nasarit itu. Yesus itu diau la kapu dighi pakuka di kayu salip la diidupka Allah jak di mati.

RASUL 5:30

Yesus itu diau kamu bunua ngan pakuka di kayu salip la diidupka Allah diau niniak puyang kitau semba.

RUM 10:7

“Ngan, ‘Sapau ka tughun ke deniau jemau mati?’ ” Retiau endak ngajung Keristus nayiak jak di deniau jemau mati.

RUM 15:33

Aku bedu'a, supayau Allah diau ngenjuakka damai ngan manusiau nyertaui gegalau kamu. Amin.

RUM 16:20

Allah ngenjuakka damai ngan manusiau. Diau ka cepat ngancurka kuasau iblis ngan nunduakka diau ngan kamu. Yesus, Tuhan kitau, maju iluak ngan kamu.

RUM 8:11

Amun Rua Allah diau la ngidupka Keristus jak di mati adau dalam kamu, mangku Allah diau ngidupka Keristus jak di matitu ka ngidupka badan kamu pulau, karnau RuaHau adau dalam kamu.

1 KURINTUS 14:33

karnau Allah enggup kekacauan, tapitu Diau galak damai. Di manau-manau, amun jemau percayau betunggal,

1 KURINTUS 15:15

Lagi tenyatau kamini mbu'ung ngan ceritau Allah, karnau kami ngiciakka, bansau Allah la ngidupka Keristus jak di mati, awuak Diau nidau ngulang idup, amun nyela jemau mati nidau ngulang idup.

1 KURINTUS 6:14

Allah la ngidupka Tuhan Yesus jak di mati. Luak itu pulau kitau ka diidupka ngan kuasau Allah.

2 KURINTUS 13:11

Mangku, kantin-kantinku, kamu mesti riang ngan beusaha, supayau sempernau. Terimaula gegalau petuaku. Kamu mesti suijauan ngan idup bedamai sughang ngan diau lain. Mangku Allah ka nyayangi kamu ngan ngenjuakka damai ngan kamu.

2 KURINTUS 4:14

Kami keruan, bansau Allah diau la ngidupka Tuhan Yesus ka ngidupka kami pulau ngan Yesus. Diau ka mbata'i kami ngan kamu pulau ke adapanNyau.

GALATIA 1:1

Batan endak kantin-kantin kami jemau Keristen di perupinsi Galatia. Aku, Paulus, sughang rasul nulis surat ini. Aku njadi rasul ukan karnau dikenda'i manusiau ukan pulau karnau diajung jemau, tapitu karnau kendak Yesus Keristus ngan Allah Bapak diau la ngidupka Diautu jak di mati. Gegalau kantin kitau diau adau seghundak ngan aku bepesan ngan kamu.

IPISUS 1:20

diau ngidupka Keristus jak di mati, dienjuakkaNyau bada diau bekuasau di sebela kanan Allah di sergau.

PILIPI 4:9

Kerjaukala setu diau la kamu pelajaghi ngan terimau jak di aku, diau kamu dengagh ngan diau kamu kinak di aku. Mangku Allah diau ngenjuakka damai ka adau guak kamu.

KULUSI 2:12

Masau kamu dibaptis, kamu dikuburka seghundak ngan Keristus. Mangku masau itu pulau kamu diidupka agi seghundak ngan Diau, karnau percayau ngan kuasau Allah diau la ngidupka Keristus jak di mati.

1 TESALUNIKA 1:10

Ughangtu ngiciakka pulau ceritau kamu ngaghapka Anak Allah datang jak di sergau, diautu Yesus diau la diidupka Allah jak di mati. Yesus itula diau nyelamatka kitau jak di mara Allah diau ka datangtu.

1 TESALUNIKA 5:23

Aku bedu'a, supayau Allah ngenjuakka kamu damai ngan njadika kamu jemau diau idup nian batan endak Allah. Aku bedu'a, supayau Allah njagaui gegalau idup kamu, rua ngan jiwa kamu, mangku amun Tuhan kitau Yesus Keristus datang agi, kamu nidau bediau cacatau.

2 TESALUNIKA 3:16

Kami bedu'a, supayau Tuhan maju ngenjuakka damai ngan kamu, empuak luak manau ajau. Aku bedu'a, supayau Tuhan nyertaui gegalau kamu.

IBRANI 10:22

Karnau itu mela kitau ngadap Allah ngan ati diau sebenagh-benaghau ngan maju percayau, karnau ati kitau la diberesiaka jak di sala kitau, badan kitau la dibasua ngan ayiak diau beresia.

IBRANI 10:29

Apau agi jemau diau nijak-nijakka Anak Allah, jemau diau nggelakka dagha pejanjian Allah, itu kematian Keristus diau mberesiaka jak di dusau. Jemau itu nggelakka keilu'an Rua Allah. Beghatla ukuman jemautu.

IBRANI 9:20

sampai bekatau, “Inila dagha diau ngesahka pejanjian Allah batan endak kamu diau mesti kamu turuti.”

1 PITRUS 1:21

Karnau Diau kamu percayau ngan Allah diau la ngidupkaNyau jak di mati ngan ngagungkaNyau, mangku kamu percayau ngan ngaghapka Allah itula.

1 PITRUS 2:25

Senitu kamu luak bebiri diau sesat. Mbak kini kamu la ngulang ngikut tukang sayia diau njagaui jiwa kamu.

1 PITRUS 5:4

Mangku amun Keristus, tukang sayia bebiri diau agungtu, datang nanti, kamu ka nerimau adia menang diau alap nianan diau nidau ka beghuba.