IBRANI 13:18 - PEJANJIAN EMPAI CERITAU ILUAK

¹⁸ Majula du'aka kami. Kami yakin ati keciak kami beresia, karnau kami maju endak ngerjauka setu diau iluak.

IBRANI 13:18 ပူးပေါင်းရင်းမြစ်များ

RASUL 23:1

Paulus ngina'i angguta pengadilan, mangku bekatau, “Ui, kapu dighi. Enggut mbak kini aku nidau meghasau besala dalam atiku di adapan Allah.”

RASUL 24:16

Karnau itu aku beusaha, supayau aku maju idup ngan ati beresia di adapan Allah ngan manusiau.

RUM 12:17

Jangan balaska ja'at ngan ja'at. Kerjaukala diau dianggap gegalau jemau iluak.

RUM 13:13

Kitau mesti iluak-iluak luak jemau diau idup dalam terang. Jangan bereruyalan, jangan memabu'an, jangan menaugawia, jangan nuruti serilau, jangan belagau, jangan sengit.

RUM 15:30

Karnau kitau semegi percayau ngan Keristus ngan kitau sangi sayangi karnau Rua Allah, mangku aku mintak nian, supayau kamu ndu'aka aku.

2 KURINTUS 1:12

Kami bangga, karnau diyakinka ati keciak kami, bansau gegalaunyau diau kami kerjauka di deniau ini terutamau ngan kamu, la kami kerjauka ngan jujur ngan beresia di adapan Allah. Kami ngerjaukanyau ukan ngan pengertian manusiau, tapitu ngan kekuatan jak di Allah.

PILIPI 4:8

Mangku, kantin-kantinku, rupuakkala setu diau begunau ngan pantas dipuji, gegalaunyau diau benagh, diau diregaui, diau adil, diau beresia, diau alap ngan iluak.

KULUSI 4:3

Du'akala pulau kami, supayau kami pacak ngiciakka ceritau resiau Keristus. Ikak aku ngerjauka titu, aku dijilka.

1 TESALUNIKA 4:12

Amun kamu ngerjauka titu, kamu nidau tegantung ngan jemau, mangku kamu diregaui jemau diau nidau percayau pulau.

1 TESALUNIKA 5:25

Mangku du'aka pulau kami.

2 TESALUNIKA 3:1

Mangku, kantin-kantinku, du'aka kami. Bedu'ala, supayau katau Allah cepat tesiar mangku diterimau ngan iluak, luak diau la tejadi guak kamu senitu.

1 TIMUTIUS 1:5

Tujuan petuaku ini, supayau pacak sangi sayangi ngan ati iluak ngan ati keciak beresia ngan percayau nian ngan Tuhan.

1 PITRUS 2:12

Carau idup kamu di guak jemau diau nidau keruan Allah mesti iluak nian. Mangku amun ughangtu ngiciakka kamu jemau ja'at, ughangtu maju nginak perembak kamu diau iluaktu, mangku ughangtu ka muji Allah masau Tuhan datang.

1 PITRUS 3:16

Kerjaukala titu ngan iluak ngan meregaui pendapat jemau. Ati keciak kamu mesti beresia, mangku amun kamu dikiciakka ja'at ikak ngerjauka diau iluak karnau percayau ngan Keristus, mangku jemau diau ngiciakka setu diau ja'attu ka maluan nian.

1 PITRUS 3:21

Gegalaunyautu umpamau baptisan diau mbak kini nyelamatka kamu. Baptisantu ukan batan endak mberesiaka badan jak di gegalaunyau diau kumua, anyautu njadi janji ngan Allah jak di ati keciak diau iluak. Baptisantu nyelamatka kamu, karnau Yesus Keristus la idup jak di mati