IBRANI 13:17 - PEJANJIAN EMPAI CERITAU ILUAK

¹⁷ Ta'ati pengulu kamu ngan tunduak ngan ughangtu, karnau ughangtu maju njagaui kamu ngan nanggung-jawabkanyau ngan Allah. Amun kamu ta'at, ughangtu pacak bekerjau ngan riang. Amun nidau, ughangtu bekerjau ngan dayi mangut, mangku carautu nidau nulung kamu.

IBRANI 13:17 ပူးပေါင်းရင်းမြစ်များ

LUKAS 16:2

Mangku diau mantau tukang nyimpani tancitu, mangku bekatau ngan diau, ‘Aku la ndengagh ceritau kaba. Mbak kini tulisla galau diau masuak diau ngeluagh, mangku serakala ngan aku. Kaba endiak pacak agi njadi tukang nyimpani tanciku.’

RASUL 20:28

Jagauila diri kapu dighi ngan jagauila pulau gegalau jemau Keristen diau la dipercayauka Rua Allah ngan kapu dighi, supayau dijagaui, karnau kapu dighi la dijadika tukang sayia jemau Keristen. Allahtu diau njadika ughangtu hak Allah, karnau Ana'Autu la mati batan endak ughangtu.

RUM 14:12

Gegalau kitau mesti nanggung-jawabka gegalau kerjau kitau ngan Allah.

1 KURINTUS 16:16

Aku ngajung kamu nian, supayau kamu nurut nian ajaghan jemau luak itu ngan jemau lainau diau bekerjau ngan diau ngenian.

IPISUS 5:21

Kamu mesti sangi ta'ati. Ngan carau luak itula kamu meregaui Keristus.

PILIPI 1:4

Mangku dang aku ndu'aka gegalau kamu, aku bedu'a ngan ati riang.

PILIPI 2:12

Kantin-kantinku diau kusayangi, kamu maju ta'at ngan aku, masau aku guak kamu, mangku mbak kini masau aku jawua, kamu mesti lebia ta'at agi. Beusahala maju, supayau keselamatan kamu njadi nyatau. Kerjaukala titu ngan takut ngan meregaui Allah.

PILIPI 2:16

masau kamu ngiciakka ceritau diau ngenjuakka idup. Amun kamu idup luak itu, mangku aku pacak mbanggaka kamu, masau Yesus Keristus datang agi. Itu njadi buktiau, bansau pejuanganku ukan nidau begunau ngan kerjauku adau asilau.

PILIPI 2:29

Terimaula diau ngan riang luak kantin kamu dalam Tuhan ngan regauila gegalau jemau luak diau.

PILIPI 3:18

Aku la rajin ngiciakka ngan kamu, mbak kini kukiciakka agi sampai nangis, banyak jemau idup njadi musua salip Keristus.

PILIPI 4:1

Karnau itu, kantin-kantinku diau kusayangi, majula percayau nian ngan Tuhan. Aku ghindu nian ngan kamu. Kamula mbuat aku riang ngan bangga.

2 TESALUNIKA 3:14

Amun adau jemau diau enggup nuruti setu diau kami kiciakka dalam surat ini, sepepadaula ngan jemautu. Jangan sekantin ngan diau, mangku diau maluan.

1 TIMUTIUS 5:17

Pengulu diau iluak kerjaunyau pantas diregaui duau kali lipat, terutamau jemau diau rajin beketuba ngan ngajagh.

IBRANI 13:24

Sampaikala pesan kami ngan gegalau pengulu kamu ngan gegalau jemau Keristen. Adau pulau pesan jak di kantin-kantin kitau di Italia.

IBRANI 13:7

Ingatkala pengulu kamu diau ngiciakka ceritau jak di Allah ngan kamu. Peratikala carau idupau ngan carau diau mati. Penaula carau ughangtu percayau.

YAKUBUS 4:7

Karnau itu tunduakla ngan Allah ngan lawanla Iblis, mangku diau ka larat jak di guak kamu.

1 PITRUS 5:5

Luak itu pulau kamu diau gi mudau, tunduakla ngan jemau tuau, mangku gegalau kamu sangi tulungila ngan nganggap jemau lain lebia penting. Karnau di Injil ditulis luak ini, “Allah melawan jemau geduak, tapitu nyayangi jemau ngensian.”