IBRANI 13:16 - PEJANJIAN EMPAI CERITAU ILUAK

¹⁶ Mangku majula kerjauka diau iluak ngan sangi tulungi, karnau itula kerban diau melemakka ati Allah.

IBRANI 13:16 ပူးပေါင်းရင်းမြစ်များ

LUKAS 18:22

Ndengagh kici'annyautu Yesus bekatau, “Masia adau semecam agi diau mesti kaba kerjauka: Jualkala gegalau retau kaba, enjuakka tanciautu ngan jemau serik, mangku kaba ka bulia retau di sergau. La udim itu datangla ke sini ngikut Aku.”

RASUL 10:38

Kapu dighi la keruan katau Yesus, jemau Nasarittu, mbak bansau Diautu dipilia Allah ngan dienjuakkaNyau Rua Allah ngan kuasau, mangku Diautu pegi ke manau-manau endak ngerjauka setu diau iluak ngan meghadui gegalau jemau diau diarung iblis, karnau Allah nyertaui Diau.

RASUL 9:36

Di Yupi adau sughang tinau jemau percayau, benamau Tabita. Basau Yunani itu Durkas, retiau ghusau. Diau maju ngerjauka setu diau iluak, nulungi jemau serik.

RUM 12:13

Tulungla kantin diau percayau diau nidau bediau tuapau-apau. Terimaula jemau di ghuma kamu ngan riang.

GALATIA 6:10

Empungan gi adau masaunyau, mela kitau iluak ngan gegalau jemau, apau agi ngan kantin-kantin seagamau.

GALATIA 6:6

Jemau diau nerimau ajaghan ceritau Keristus semestiau mbagika ngan guruau gegalaunyau diau iluak diau adau di diau.

IPISUS 4:28

Jemau diau pemaling jangan agi maling. Diau mesti bekerjau nian, mangku bulia pengidupan diau benagh ngan pacak nulung jemau diau kurangan.

PILIPI 4:14

Luak manau kila, iluak pulau kerjau kamu la nulung aku, masau aku nanggung.

PILIPI 4:18

Mbak kini aku la nerimau gegalaunyau, la lebia jak di cukup. Gegalau pengenjuak kamu la kuterimau jak di Epapruditus. Gegalaunyau diau kuendak la adau galau. Pengenjuak kamutu luak kerban diau bembau ghum diau dikerbanka ngan Allah ngan diterimau ngan riang.

1 TESALUNIKA 5:15

Jangan enangka jemau mbalas keja'atan ngan ja'at. Anyautu beusahala maju bebuat iluak sughang ngan diau lain ngan gegalau jemau.

2 TESALUNIKA 3:13

Mangku kamu, jangan kamu puas bebuat iluak.

1 TIMUTIUS 6:18

Ingatkala jemau, supayau kayau ngan kerjau iluak, mura nulung jemau ngan galak ngenjuak.

PILEMUN 1:6

Kitau la disatuka karnau percayau ngan Keristus. Mangku aku bedu'a, supayau kaba tamba ngerti keilu'an diau dienjuakka ngan kitau karnau seghundak ngan Keristus.

IBRANI 6:10

Allah ukan Allah nidau adil. Diau maju teghingat kerjau kamu senitu batan endak Diau. Diau teghingat pulau sayang kamu diau kamu nyatauka ngan carau kamu nulung kantin-kantin diau percayau. Mangku kamu maju ngerjaukanyau enggut mbak kini.

3 YUHANIS 1:11

Kantinku diau kusayangi. Jangan menau diau ja'at. Penaula diau iluak. Jemau diau bebuat iluak asalau jak di Allah. Jemau diau bebuat ja'at nidau ngeruani Allah.