IBRANI 12:24 - PEJANJIAN EMPAI CERITAU ILUAK

²⁴ Kamu ngadap Yesus diau mbuat janji empai ngan dipegheciakka dagha mangku njamin setu diau lebia iluak jak di dagha Abil.

IBRANI 12:24 ပူးပေါင်းရင်းမြစ်များ

MATIUS 23:35

Mangku kapu dighi ka nanggung ukuman pembunuan diau dikerjauka di jemau diau nidau besala, mulai ngan Habel diau nidau besala enggut Sakaria anak Berekia diau kapu dighi bunua di Ghuma Allah di entaghau bada diau suci ngan mija bada bekerban.

MATIUS 26:28

Inila daghaKu diau neguaka janji Allah. Dagha itu ditumpaka batan endak ngampuni dusau banyak jemau.

MARKUS 14:24

Katau Yesus, “Inila daghaKu diau neguaka janji Allah, diau melilia batan endak banyak jemau.

LUKAS 11:51

mulai jak di pembunuan Habel enggut pembunuan Sakaria diau dibunua di entaghau mija bada bekerban ngan Ghuma Allah. Percayaula, jemau mbak kini cengki ka diukum, karnau gegalau perembak itu.

LUKAS 22:20

Luak itu pulau udim makan dienjuakkaNyau mangkuak anggur ngan bekatau, “Mangkuak ini umpamau pejanjian Allah diau empai diau diteguaka ngan daghaKu diau melilia batan endak kamu.

GALATIA 3:20

Pengantarau cuman penting, amun adau duau pihak. Anyautu Allah itu sutiak.

1 TIMUTIUS 2:5

Allah gi sughang. Mangku diau mbuat manusiau seilu'an ngan Allahtu gi sughang pulau, diautu manusiau Yesus Keristus.

IBRANI 10:22

Karnau itu mela kitau ngadap Allah ngan ati diau sebenagh-benaghau ngan maju percayau, karnau ati kitau la diberesiaka jak di sala kitau, badan kitau la dibasua ngan ayiak diau beresia.

IBRANI 11:28

Karnau percayau, mangku Musa mbuat Paska, diajungau supayau dagha dipegheciakka di duaghau ghuma jemau Israil, mangku malaikat kematian nidau mbunua anak tuau ughangtu.

IBRANI 11:4

Karnau percayau, mangku Abil ngenjuakka kerban ngan Allah diau lebia iluak jak di kerban Kain. Itula sebapau Abil diterimau Allah njadi jemau diau benagh, karnau Allah nerimau kerbanau ngan riang. Karnau percayau nian, diau maju ngiciak, empuak la mati.

IBRANI 13:20

Allah la ngidupka Yesus, Tuhan kitau, jak di mati. Mangku karnau Diau matitu, Diau njadi tukang sayia kitau diau agung. DaghaHautu pulau ngesahka janji diau dijanjika Allah ngan kitau. Aku bedu'a, supayau Allah diau ngenjuakka damai ndandani kamu ngan serbau diau iluak, mangku kamu pacak ngerjauka kenda'Au.

IBRANI 7:22

Ngan carau luak itu Yesus njadi jaminan pejanjian diau lebia iluak agi.

IBRANI 8:13

Allah la ngiciakka janji diau empai, mangku janji diau dulu njadi tuau ngan nidau begunau agi. Mangku setu diau la tuau ka gasip lengit.

IBRANI 8:6

Anyautu mbak kini Yesus dapat tugas imam diau jawua lebia penting jak di kerjau imam-imam tadi, karnau pejanjian diau dibuatAu di antarau Allah ngan manusiau jawua lebia penting, karnau setu diau dijanjikatu lebia iluak.

IBRANI 8:8

Anyautu Allah la ngiciakka sala umatAu, mangku Diau bekatau, “Ngenian, masaunyau ka sampai, Aku ka bejanji agi janji diau empai ngan jemau Israil ngan jemau Yahudi.

IBRANI 9:15

Karnau kerjau Keristustu Allah mbuat pejanjian diau empai, mangku jemau diau la dipilia Allah pacak nerimau setu diau la dijanjikaNyautu. Keristus la mati endak mbibaska jemau jak di salahau diau dibuat masau pejanjian diau dulu masia dipakai.

IBRANI 9:19

Musa ngiciakka gegalau perinta Allah ngan jemau Israil. Udim itu diau ngambiak dagha anak sapi ngan dagha kambing lanang diundakka ngan ayiak, mangku dipegheciakka di kitab ukum Taurat ngan di gegalau jemau Israil pakai ghumput isup ngan bulu bebiri abang,

IBRANI 9:21

Mangku kima ngan gegalau dandanan diau dipakai endak sembayang dipegheci'i ngan dagha carau luak itu.

1 PITRUS 1:2

Kamu dipilia luak diau la direncanauka Allah Bapak. Kamu la diberesiaka Rua Allah, supayau kamu idup ta'at ngan Yesus Keristus ngan dibasua ngan daghaHau. Aku bedu'a, supayau Allah iluak nianan ngan kamu, maju ngenjuakka damai.