IBRANI 11:7 - PEJANJIAN EMPAI CERITAU ILUAK

⁷ Karnau percayau, mangku Nua nerimau petunjuak jak di Allah ceritau setu diau ka jerang agi tejadi diau lum kina'an. Nuatu ta'at ngan Allah, mangku diau mbuat sebua kapal besak endak nyelamatka diriau ngan anak-biniau. Ngan carau luak itu Nua itu dibenaghka, karnau percayau nian, tapitu deniau diukum.

IBRANI 11:7 ပူးပေါင်းရင်းမြစ်များ

MATIUS 2:12

Mangku ughangtu baliak ke nenggeriau wuan jalan lain, karnau Allah la ngiciakka ngan ughangtu dalam mimpi, supayau jangan ngulang njenguak Herudis.

MATIUS 24:15

“Kamu ka nginak ‘Keja'atan diau ngancurka’ betegak di bada suci, luak la dikiciakka nabi Daniil. Jemau diau mbacau ini peratikala tuapau retiau.

MATIUS 24:25

Dengaghkala Aku la ngiciakkanyau ngan kamu, antak ka titu tejadi.

MATIUS 24:38

Antak ka ayiak merampus itu, jemau makan ngan minum, nika ngan dinikaka, enggut Nua masuak perawu besak.

MATIUS 3:7

Banyak pulau jemau Parisi ngan jemau Saduki datang endak dibaptis. Anyautu satu nginak ughangtu datang, Yuhanis bekatau, “Ui, kamutu jemau ja'at luak ulagh. Sapau diau ngiciakka, bansau kamu pacak lepas jak di ukuman Allah diau ka datangtu?

LUKAS 17:26

Amun Anak Manusiau datang nanti, deniau ka semegi ngan saman Nua:

RUM 1:17

Karnau ngan ceritau iluaktu diancakka caraunyau Allah mbuat manusiau seilu'an agi ngan diriAu. Caraunyau ngan percayau ngan Allah, jak di penembai enggut udim. Titu dikiciakka di Injil luak ini, “Jemau dibenaghka karnau percayau ka idup.”

RUM 10:6

Anyautu ceritau carau jemau dibenaghka karnau percayau ngan injil dikiciakka luak ini, “Nidau nanti kaba ngiciak dalam ati, ‘Sapau ka nayiak ke sergau?’ ” Retiau endak ngajung Keristus tughun.

RUM 3:22

bansau jemau pacak dibenaghka Allah, amun percayau ngan Yesus Keristus. Itula carau Allah mbenaghka gegalau jemau diau percayau ngan Keristus, karnau Allah nidau mbidaka jemau,

RUM 4:11

Sunattu cuman njadi tandau, bansau diau dibenaghka Allah karnau percayau antak ka besunat. Mangku diau njadi bapak gegalau jemau percayau diau nidau besunat, mangku ughangtu dibenaghka karnau percayau.

RUM 4:13

Allah bejanji ngan Abraham ngan pengadaunyau, bansau deniau njadi ha'au. Allah bejanji luak itu ukan karnau Abraham ta'at ngan ukum Taurat, tapitu karnau diau percayau mangku dibenaghka Allah.

RUM 9:30

Amun luak itu, tuapau kesimpulan kitau? Tuapau pacak kitau kiciakka? Ini: bansau jemau bangsau lain diau nidau beusaha endak dibenaghka Allah, la dibenaghka karnau percayau.

GALATIA 5:5

Anyautu kaminila ngaghapka, bansau kami ka dibenaghka Allah, karnau Rua Allah nulung kami percayau ngan Keristus.

PILIPI 3:9

ngan seghundak ngan Diau. Aku nidau agi dibenaghka karnau kerjaukunila ngan ta'at ngan ukum Taurat. Mbak kini aku dibenaghka karnau percayau ngan Keristus. Allahtu diau mbenaghka jemau karnau percayau ngan Keristus.

IBRANI 11:1

Amun percayau nian, kitau yakin nian ngan setu diau kitau aghapka, kitau yakin nian ngan setu diau nidau kitau kinak.

IBRANI 12:25

Karnau itu, sepepadaula, jangan adau diau enggup ndengagh diau ngiciaktu. Jemau diau enggup ndengaghka jemau diau ngiciakka katau Allah di deniauni nidau pacak melaghika diriau jak di ukuman. Apau agi kitau diau ndengaghka diau ngiciak jak di sergau. Amun kitau enggup ndengaghkaNyau, manau ka adau kitau nidau diukum.

IBRANI 5:7

Masau Yesus adau di deniauni, Diau bedu'a sampai nangis, mintak ngan Allah diau pacak ngilakkaNyau jak di mati. Mangku Diau didengaghka, karnau Diau nunduak takut ngan Allah.

IBRANI 8:5

Kerjau imam diau dikerjauka ughangtu sebenaghau cuman mbayangka setu diau adau di sergau. Itu la dikiciakka Allah ngan Musa, masau diau endak negakka kima Tuhan. Katau Allah ngan diau, “Ingatkala, gegalaunyau mesti kaba kerjauka nurut cuntau diau la ditunjuakka ngan kaba di pucuak gunung.”

1 PITRUS 3:20

diautu rua jemau diau nidau ta'at ngan Allah timpau Nua. Masau itu Allah nunggu ngan ngaligh, masau Nua mbuat kapalau. Cuman jemau diau adau di kapaltu, gegalaunyau delapan ughang, diau diilakka karnau ayiak merampus.

2 PITRUS 1:1

Jak di Simun Pitrus, budak ngan rasul Yesus Keristus, batan endak jemau diau percayau semegi luak kami, karnau la dibenaghka Allah ngan Yesus Keristus, Rajau Penyelamat kitau.

2 PITRUS 2:5

Luak itu pulau deniau timpau senitu nidau Allah enangka bibas jak di ukuman. Allah mbuat ayiak merampus di deniau, mangku jemau diau ja'at mati galau. Cuman Nua delapan beghanak diselamatka, karnau Nua ngiciakka ceritau diau benagh.

2 PITRUS 3:6

mangku ngan ayiak pulau deniau senitu dibenasauka ngan ayiak diau merampustu.