IBRANI 11:13 - PEJANJIAN EMPAI CERITAU ILUAK

¹³ Gegalau jemautu percayau mangku mati, nidau nerimau setu diau dijanjika Allahtu, cuman ngina'au jak di jawua mangku riang. Ughangtu ngaku'i, bansau ughangtu jemau asing ngan merantau di deniauni.

IBRANI 11:13 ပူးပေါင်းရင်းမြစ်များ

MATIUS 13:17

Ingatkala, banyak nabi ngan jemau diau ta'at ngan Allah endak nginak setu diau kamu kinak, anyautu nidau kina'an. Ughangtu endak ndengagh setu diau kamu dengagh, anyautu nidau kedengaghan.”

YUHANIS 12:41

Yesaya la ngiciak luak itu, karnau la nginak kuasau Yesus, mangku dikiciakkanyau.

YUHANIS 8:56

Abraham, bak kapu dighi, injiak nianan ka nginak aghi Aku datang, mangku la ngina'au, diau injiak.”

RUM 4:21

Diau percayau nian, bansau Allah pacak ngerjauka setu diau la dijanjikaNyautu.

RUM 8:24

Kitau diselamatka karnau ngaghapka Allah. Anyautu amun setu diau kitau aghapka la kina'an, titu ukan diaghapka agi. Sapau masia ngaghapka setu diau la kina'an?

2 KURINTUS 4:18

Kami nidau nyanauka setu diau kina'an, tapitu setu diau nidau kina'an, karnau diau kina'an jerang ajau, diau nidau kina'an selelamaunyau.

2 KURINTUS 5:6

Mangku kami maju meghasau tegua, empuak kami keruan, semasau kami gi mendam di badan kamini, kami gi jawua jak di ghuma diau ka kami tunggu ngan Tuhan.

IPISUS 2:19

Mangku kamu ukan agi jemau asing ngan jemau luagh. Mbak kini kamu semegi ngan umat Allah, kamu njadi anak Allah.

IBRANI 11:14

Jemau diau ngiciak luak itu nyatauka, bansau diau dang ndalak bada diau njadi ha'au.

IBRANI 11:17

Karnau percayau, mangku Abraham ngenjuakka Isak njadi kerban, masau diuji Allah. Ngan Abraham itula Allah bejanji, mangku diau pulau rila nyeraka ana'au diau gi sughang itula,

IBRANI 11:27

Karnau percayau, mangku Musa ninggalka Mesir, nidau takut dimarai rajau. Diau maju ajau luak nginak Allah diau nidau kina'antu.

IBRANI 11:39

Gegalau ughangtu diceritauka di Injil karnau percayau. Anyautu ughangtu lum nerimau setu diau dijanjikatu,

1 PITRUS 1:1

Jak di aku, Pitrus, rasul Yesus Keristus, batan endak jemau diau dipilia dijadika umat Allah diau tesebar di rantauan di daira Puntus, Galatia, Kapadukia, Asia ngan Bitinia.

1 PITRUS 1:17

Amun kamu bedu'a, kamu ngiciakka Allah itu Bapak. Allah ngukum gegalau jemau nurut peremba'au sesughangan, nidau milia rupau. Mangku kamu mesti meregaui Diau, selamau kamu gi adau di deniau ini.

1 PITRUS 2:11

Kantin-kantinku diau kusayangi. Kamu jemau pendatang ngan perantau di deniau ini. Karnau itu aku mintak nian, supayau kamu jangan nuruti serilau manusiau diau maju beperang melawan rua.

1 YUHANIS 3:19

Ngan carau luak itula kitau keruan, bansau kitau temasuak jemau diau asal jak di Allah diau benagh, mangku kitau tenang di adapan Allah.