IBRANI 10:39 - PEJANJIAN EMPAI CERITAU ILUAK

³⁹ Kitauni jemau diau percayau mangku bulia idup, ukan jemau diau ngelipat mangku benasau.

IBRANI 10:39 ပူးပေါင်းရင်းမြစ်များ

MARKUS 16:16

Jemau diau percayau ngan dibaptis ka selamat. Anyautu jemau diau nidau percayau ka diukum.

LUKAS 11:26

Mangku diau pegi ngajak tujua kantinau diau lebia ja'at agi. Rua itu masuak mendam di ghumatu, mangku udim-udimau jemautu lebia pansan jak di senitu.”

YUHANIS 17:12

Masau Aku gi adau guak ughangtu, Aku la nyayia ughangtu ngan kuasau namau Dighi, namau diau la Dighi namauka ngan Aku. Aku la njagaui ughangtu, mangku nidau sughang kia jak di ughangtu benasau lain jak di jemau diau semestiau benasau, mangku setu diau ditulis dalam Injil ditepati.

YUHANIS 20:31

Tapitu gegalaunyau diau temasuak di sini la ditulis, supayau kamu percayau, Yesus itula Keristus, Rajau Penyelamat, Anak Allah, mangku supayau kamu bulia idup, karnau percayau ngan Diau.

YUHANIS 5:24

Kici'anKu ini benagh: Jemau diau ndengagh ngan nuruti kici'anKu, mangku percayau ngan Allah diau ngajung Aku, jemautu la ngempu idup empai selelamaunyau. Diau nidau ka diukum. Diau la ngalia jak di mati ke idup.

YUHANIS 6:40

Nyela, inila kendak BapakKu: Supayau gegalau jemau diau nginak Ana'Au ngan percayau ngan Diau bulia idup empai selelamaunyau, mangku Akunila ngidupkanyau masau aghi kiamat.”

1 TESALUNIKA 5:9

Karnau Allah milia kitau ukan batan endak ditimpau mara, tapitu batan endak diselamatka karnau Tuhan kitau Yesus Keristus.

2 TESALUNIKA 2:3

Empuak luak manau, jangan kamu ditipuka jemau, karnau antak ka aghitu sampai, banyak jemau ka ngelipat ngan melawan Allah. Mangku ka adau sughang Jemau Ja'at diau ditetapka masuak ke nerakau.

1 TIMUTIUS 6:9

Anyautu jemau diau endak kayau teguda ngan mecam-mecam serilau diau bigal ngan merusak. Serilau itu mbuat jemau celakau ngan benasau

IBRANI 10:26

Amun kitau sajauka bedusau, empuak la keruan diau benagh, nidau bediau agi kerban endak ngabiska dusau itu.

IBRANI 10:38

Mangku umatKu diau la dibenaghka ka idup karnau percayau. Amun adau diau nidau percayau agi, Aku nidau riang ngan jemau itu.”

IBRANI 11:1

Amun percayau nian, kitau yakin nian ngan setu diau kitau aghapka, kitau yakin nian ngan setu diau nidau kitau kinak.

1 PITRUS 1:5

Gegalaunyautu batan endak kamu, karnau kamu percayau ngan Allah, mangku kamu dijagaui kuasau Allah, supayau kamu nerimau keselamatan diau dinyatauka masau pengabisan saman.

2 PITRUS 3:7

Anyautu langit ngan deniau diau adau mbak kini disayia ngan katau Allah, ka dibenasauka pulau ngan api. Diau gi nunggu enggut masau jemau diau nidau keruan Allah diukum ngan dibenasauka.

1 YUHANIS 5:16

Amun kamu nginak kantin kamu diau Keristen ngerjauka dusau diau nidau ka ndatangka kematian, du'aka ngan Allah, mangku Diau ka ngenjuakka idup ngan jemautu; nyela, jemau diau mbuat dusau nidau ndatangka kematian. Adau pulau dusau diau ndatangka kematian. Ceritau itu nidau kukiciakka, bansau diau mesti bedu'a ngan Allah.

1 YUHANIS 5:5

Sapau pacak ngalaka deniauni? Nyela, jemau diau percayau, bansau Yesusla Anak Allah.

PENGINA'AN 17:11

Mangku benatang diau la adau, mbak kini nidau bediau agitu, rajau diau kedelapan. Diau pulau sughang jak di tujua rajau tadi, mangku diau ka benasau.

PENGINA'AN 17:8

Benatangtu senitu la adau, mbak kini nidau bediau agi, jerang agi ka nimbul jak di jurang maut mangku ajalau ka benasau. Mangku gegalau jemau di deniau, jemau diau namaunyau nidau ditulis di kitab jemau idup jak deniau adau, ka kemangan nginak benatangtu diau senitu la adau, mangku nidau bediau agi, anyautu ka nimbul agi.