IBRANI 10:26 - PEJANJIAN EMPAI CERITAU ILUAK

²⁶ Amun kitau sajauka bedusau, empuak la keruan diau benagh, nidau bediau agi kerban endak ngabiska dusau itu.

IBRANI 10:26 ပူးပေါင်းရင်းမြစ်များ

LUKAS 12:47

Budak diau tau kendak tuanau, anyautu nidau bedandan ngan nidau ngerjauka kendak tuanau, diau ka dilagaui banyak nian.

YUHANIS 13:17

Kamu la keruan gegalaunyauni. Riang kamu, amun dikerjauka.

YUHANIS 9:41

Timbal Yesus, “Misalau kapu dighi butau, kapu dighi nidau bedusau. Anyautu karnau kapu dighi ngiciak, ‘Kami nginak’, kapu dighi maju dalam dusau.”

2 TESALUNIKA 2:10

Diau ka makai gegalau mecam tipuan diau ja'at ngan jemau diau ka benasau. Ughangtu ka benasau nian, karnau ughangtu enggup nerimau, nidau meregaui ceritau benagh jak di Allah diau pacak nyelamatka ughangtu.

1 TIMUTIUS 1:13

Empuak senitu aku madakka, nganiayau ngan nggelakka Diau, aku la disialkaNyau, karnau masau itu aku lum percayau, mangku nidau keruan setu diau kukerjaukatu.

1 TIMUTIUS 2:4

Diau endak, supayau gegalau jemau ngeruani diau benagh ngan diselamatka.

YAKUBUS 4:17

Karnau itu jemau diau keruan setu diau iluak diau mesti dikerjaukanyau, anyautu nidau ngerjaukanyau, jemautu bedusau.

1 YUHANIS 5:16

Amun kamu nginak kantin kamu diau Keristen ngerjauka dusau diau nidau ka ndatangka kematian, du'aka ngan Allah, mangku Diau ka ngenjuakka idup ngan jemautu; nyela, jemau diau mbuat dusau nidau ndatangka kematian. Adau pulau dusau diau ndatangka kematian. Ceritau itu nidau kukiciakka, bansau diau mesti bedu'a ngan Allah.