GALATIA 3:2 - PEJANJIAN EMPAI CERITAU ILUAK

² Cubau kiciakka ngan aku diau sutiak ini: Apu kamu nerimau Rua Allah karnau na'ati ukum Taurat, apu karnau ndengagh ceritau iluak jak di Allah ngan percayau ngan Keristus?

GALATIA 3:2 ပူးပေါင်းရင်းမြစ်များ

RASUL 15:8

Allah keruan ati manusiau. Diau nunjuakka, mbak bansau Diau nerimau ughangtu ngan ngenjuakka ngan ughangtu Rua Allah, luak dienjuakkaNyau ngan kitau pulau.

RASUL 2:38

Pitrus nimbal, “Ubaila perembak kapu dighi jak di dusau ngan mintak dibaptis ngan namau Yesus Keristus, mangku dusau kapu dighi diabiska, mangku kapu dighi ka dienju'i Rua Allah.

RASUL 8:15

La sampai di situ, ughang duautu bedu'a du'aka jemau Samariatu, mangku bulia Rua Allah,

RUM 1:17

Karnau ngan ceritau iluaktu diancakka caraunyau Allah mbuat manusiau seilu'an agi ngan diriAu. Caraunyau ngan percayau ngan Allah, jak di penembai enggut udim. Titu dikiciakka di Injil luak ini, “Jemau dibenaghka karnau percayau ka idup.”

1 KURINTUS 9:21

Luak itu pulau ngan jemau diau nidau idup nurut ukum Taurat, aku luak jemau diau nidau idup nurut ukum Taurat. Itu nidau bereti, aku idup di luagh ukum Allah, karnau aku idup nurut ukum Keristus. Aku ngerjauka titu, supayau pacak menangka ughangtu batan endak Keristus.

2 KURINTUS 11:4

Rupaunyau kamu riang nerimau jemau diau datang guak kamu ngan ngiciakka ceritau Yesus diau lain, ukan Yesus diau kami kiciakka ngan kamu. Kamu pulau endak nerimau rua ngan ceritau diau lain nian ngan Rua Allah ngan ceritau iluak diau kamu terimau jak di kami.

GALATIA 3:14

Yesus Keristus ngerjauka titu, supayau keilu'an Allah diau dijanjikaNyau ngan Abrahamtu dienjuakka pulau ngan jemau ukan Yahudi. Ngan carau luak itu gegalau kitau diau percayau nerimau Rua diau dijanjika Allah.

GALATIA 3:3

Ngapau kamu bigal nian? Kamu la mulai idup empai ngan Rua Allah. Baghia mbak kini kamu endak maju idup enggut udim ngan usaha kamu sendighi?

GALATIA 3:5

Allah ngenjuakka RuaHau ngan kamu ngan mbuat banyak tandau nyelia di guak kamu. Apu Allah ngerjauka titu karnau kamu na'ati ukum Taurat, apu karnau ndengagh ceritau iluaktu ngan percayau ngan Keristus?

IBRANI 2:4

Lagi pulau Allah neguaka kici'an ughangtu ngan tandau nyelia ngan nyatauka kuasauNyau ngan ngenjuakka Rua Allah ngan jemau nurut kenda'Au.

IBRANI 4:2

Ceritau iluak itu la dikiciakka ngan kitau luak diau la dikiciakka ngan ughangtu. Anyautu nidau bediau gatiau ceritautu dikiciakka, amun jemau diau ndengaghau nidau percayau.

IBRANI 6:4

Adau jemau diau senitu la nerimau terangAu ngan meghasauka keilu'an Allah ngan nerimau kuasau Rua Allahtu.

1 PITRUS 1:12

Ngan nabi-nabi itu la dikiciakka, bansau setu diau ughangtu kerjauka ukan batan endak kepentingan ughangtula, tapitu batan endak kamu. Setu diau kamu dengagh mbak kini jak di jemau diau ngiciakka ceritau iluak nceritauka Yesus Keristus. Ughangtu ngiciakka itu ngan kamu ngan kuasau Rua Allah diau dienjuakka jak di sergau. Malaikat-malaikat pulau endak ngeruani ceritau diau dikiciakka ughangtu.