GALATIA 2:4 - PEJANJIAN EMPAI CERITAU ILUAK

⁴ Nyela, adau jemau diau endak masau carau itu. Ughangtu cak jemau Keristen ngan masuak nidau dikeruani luak mematau. Ughangtu endak ngeruani ngan ngalangi kebibasan diau adau di kitau, karnau kitau idup seghundak ngan Yesus Keristus. Ngan carau luak itu ughangtu endak mbudakka kitau agi.

GALATIA 2:4 ပူးပေါင်းရင်းမြစ်များ

LUKAS 5:38

Ayiak anggur diau empai mesti dimasuakka ke dalam kantung diau empai pulau.

RASUL 15:1

Adau bebeghapau jemau jak di Yudia datang ke Antiukia ngajagh jemau Keristen di situ, kataunyau, “Amun kapu dighi nidau disunat nurut ukum Musa, kapu dighi nidau pacak diselamatka.”

RASUL 15:24

Kami la ndengagh ceritaunyau adau jemau jak di kami pegi njenguak kapu dighi ngan ngacauka kapu dighi ngan ajaghannyau. Kami nidau ngajung ughangtu ngerjauka titu.

RASUL 20:30

Lagi jak di kapu dighini pulau ka adau jemau diau ka ngiciakka ceritau diau nidau benagh. Ughangtu ngerjauka titu, mangku jemau diau la percayau ngan Yesus ka sesat ngan ngikut ughangtu.

RUM 8:15

Karnau Rua diau kamu terimau nidau njadika kamu budak, mangku kamu nidau penakut agi. Anyautu Ruatu njadika kamu anak Allah, mangku karnau kuasau Ruatu kitau mantau Allah “Bak, bakku!”

2 KURINTUS 11:13

Ughangtu cak rasul. Ughangtu bekerjau ngan mbu'ungi jemau, ughangtu luluak rasul Keristus.

2 KURINTUS 11:17

Ka kukiciakka kebanggaanku luak jemau bigal. Ukan Tuhan diau ngajung aku ngiciakkanyau. Aku ngiciak luak jemau bigal.

2 KURINTUS 11:20

Kamu nerimau nian, amun jemau mbudakka kamu, amun jemau nguasaui ngan ngambiak untung banyak jak di kamu, amun jemau nganggap diriau lebia jak di kamu ngan beghani nampagh kamu.

2 KURINTUS 11:26

Amun aku bejalan, aku rajin ngadapi bayau, bayau ayiak merampus, bayau perampuk, bayau jak di jemau Yahudi, bayau jak di jemau ukan Yahudi, bayau di kuta, bayau di padang, bayau di laut ngan bayau jak di jemau diau ngiciakka diriau jemau Keristen awuak ukan.

2 KURINTUS 3:17

Karnau Tuhan itu Rua, mangku jemau diau adau Rua Allahtu bibas.

GALATIA 1:7

Sebenaghau nidau bediau injil lain. Anyautu adau jemau diau ngacauka kamu, endak ngubai ceritau iluak jak di Keristus.

GALATIA 4:25

Hagar itula gunung Sinai di nenggeri Arab. Diautu ibarat kuta Yerusalim ngan gegalau jemaunyau diau mbak kini la njadi budak.

GALATIA 4:3

Luak itu pulau kitau: Selamau kitau lum ngerti, kitau dikuasaui rua deniau.

GALATIA 5:1

Kitau mbak kini bibas, karnau Keristus la mbibaska kitau. Karnau itu ta'ankala kebibasan kamu, jangan endak dibudakka agi.

GALATIA 5:10

Empuak luak itu akuni percayau, bansau kamu nidau ka bediau pendapat lain jak di aku, karnau kitau la seghundak karnau Keristus. Mangku jemaunyau, sapau kila diau ngacauka rupu'an kamu, ka diukum Allah.

2 TIMUTIUS 3:6

Adau jak di ughangtu diau masuak ghuma jemau, mangku mikati jemau tinau diau nidau percayau nian ngan banyak dusaunyau ngan dikuasaui bemecam serilau.

YAKUBUS 1:25

Ukum Allah sempernau, adau kuasau endak nyelamatka manusiau. Jemau diau melajaghi, meratikanyau iluak-iluak ngan ngerjauka ukumtu nian, jemautu ka disayangi Allah, mangku gegalaunyau diau dikerjaukanyau ka buasil, karnau ukan cuman ndengagh ajau, mangku nidau teghingat agi,

1 PITRUS 2:16

Idupla luak jemau bibas. Jangan makai kebibasan kamutu batan endak nukupi keja'atan. Anyautu idupla luak budak Allah.

2 PITRUS 2:19

Guru tadi njanjika kebibasan ngan jemau, awuak ughang itula dibudakka kerjau diau merusakka manusiau, karnau amun jemau dikalaka, mangku diau njadi budak setu diau ngalakanyautu.

1 YUHANIS 4:1

Kantin-kantinku diau kusayangi. Jangan percayau ngan gegalau jemau diau ngiciakka, diau adau Rua Allah. Anyautu ujila kudai jemautu, mangku kamu keruan, apa rua diau adau di jemautu asalau jak di Allah apu ukan, karnau banyak nabi tiruan la adau di manau-manau.

YUDAS 1:4

Adau jemau diau masuak di guak kamu ngan nidau dikeruani. Ughangtu jemau ja'at, nyala-gunauka ceritau keilu'an Allah endak nuruti serilau ngan nidau ngaku'i Yesus Keristus, awuak Diau sughang itula Penguasau ngan Tuhan kitau. Jak di senitu ukuman ughangtu la ditetapka.