2 YUHANIS 1:9 - PEJANJIAN EMPAI CERITAU ILUAK

⁹ Jemau diau nidau nuruti ajaghan Keristus ngan nyimpang jak di situ, jemau itu nidau idup seghundak ngan Allah. Jemau diau maju nuruti ajaghan Keristus, jemautu seghundak ngan Allah Bapak ngan Ana'Au pulau.

2 YUHANIS 1:9 ပူးပေါင်းရင်းမြစ်များ

MATIUS 11:27

Gegalaunyau la Dighi seraka ngan Aku. Nidau bediau sughang kia diau keruan Anak, lain jak di Bapak. Nidau bediau pulau diau keruan Bapak, lain jak di Anak ngan jemau diau dikenda'i Anaktu nyataukanyau.

LUKAS 10:22

Gegalaunyau la dienjuakka Bapak ngan Aku. Nidau bediau sughang kia diau keruan Anak lain jak di Bapak. Nidau bediau pulau diau keruan Bapak lain jak di Anak ngan jemau diau dikenda'i Anak itu nyataukanyau.”

YUHANIS 14:6

Katau Yesus, “Akunila jalan ngeruani Allah ngan idup nian. Nidau sughang kia diau pacak njenguak Bapak, amun nidau karnau Aku.

YUHANIS 15:6

Jemau diau nidau mendam di Aku dicapakka keluagh luak cangka, mangku njadi keghing. La udim ditunggalka jemau, dicapakka ke dalam api, mangku mutung.

YUHANIS 5:23

mangku Anak diregaui gegalau jemau luak Bapak diregaui. Jemau diau nidau meregaui Anak itu, jemautu pulau nidau meregaui Bapak diau ngajung Ana'Au.

YUHANIS 8:31

Mangku Yesus ngiciak ngan jemau Yahudi diau la percayau ngan Diau, katauNyau, “Amun kapu dighi idup nuruti ajaghanKu, kapu dighi njadi anak-buaKu nian.

RASUL 2:42

Ngan rajin jemau diau percayautu belajagh jak di rasul ngan maju seghundak. Ughangtu makan, makan jamuan Tuhan ngan bedu'a seghundak.

KULUSI 3:16

Ajaghan Keristus mesti bekerjau dalam ati kamu ngan carau diau iluak. Mangku sangi ajaghila ngan sangi retika ngan bepengertian nian. Nyanyikala masmur ngan pujian ngan lagu ruhani batan endak Allah sampai beterimau-kasia dalam ati.

TITUS 2:10

jangan maling. Anyautu ughangtu mesti maju iluak ngan ta'at. Mangku ajaghan Allah, Penyelamat kitau, maju dipuji jemau.

IBRANI 3:14

Kitau la bulia bagian ngan Keristus, amun kitau maju tegua percayau enggut mati luak senitu.

IBRANI 6:1

Karnau itu mela kitau jangan ngina'i ajau setu diau diajaghka senitu. Mela kitau belajagh banyak-banyak ceritau ajaghan jak di Keristus. Jangan kitau maju ngajaghka ceritau ngubai jak di kerjau diau nidau begati mangku percayau ngan Allah,

1 YUHANIS 1:3

Setu diau la kami kinak ngan dengagh, itu pulau kami kiciakka ngan kamu, supayau kamu pulau suijauan ngan kami, ngikut idup seghundak ngan Bapak ngan Ana'Au Yesus Keristus.

3 YUHANIS 1:9

Aku la nulis surat ngan jemau Keristen di situ, anyautu Diutrepis endak njadi pengulu jemau Keristen, enggup nuruti aku.