2 YUHANIS 1:2 - PEJANJIAN EMPAI CERITAU ILUAK

² karnau Allah diau benagh adau dalam ati kitau mangku ka maju adau ngan kitau selelamaunyau.

2 YUHANIS 1:2 ပူးပေါင်းရင်းမြစ်များ

YUHANIS 14:16

Aku ka mintakka ngan Bapak, mangku Diau ka ngenju'i kamu Penulung lain diau ka adau guak kamu selelamaunyau.

YUHANIS 15:7

Amun kamu maju mendam di Aku ngan kici'anKu maju di ati kamu, pintakla tuapau kila kamu endak, mangku kamu ka dienju'i.

1 KURINTUS 9:23

Gegalaunyautu kukerjauka karnau ceritau iluak jak di Allah, supayau aku bulia bagian jak di Allah.

2 KURINTUS 4:5

Ceritau diau kami kiciakkatu ukan nceritauka kaminila. Ceritautu nceritauka Yesus Keristus, bansau Diautu Tuhan, mangku kamini njadi budak kamu karnau Keristus.

KULUSI 3:16

Ajaghan Keristus mesti bekerjau dalam ati kamu ngan carau diau iluak. Mangku sangi ajaghila ngan sangi retika ngan bepengertian nian. Nyanyikala masmur ngan pujian ngan lagu ruhani batan endak Allah sampai beterimau-kasia dalam ati.

2 TIMUTIUS 1:5

Karnau aku teghingat kaba percayau nian ngan Keristus semegi luak niniak kaba Luis ngan mak kaba Iuniki, mangku aku yakin kaba percayau pulau luak itu.

2 PITRUS 1:12

Karnau itu aku maju ngingatka gegalaunyautu ngan kamu, empuak kamu la ngeruaninyau ngan percayau nian ngan ceritau jak di Allah diau la kamu terimautu.

1 YUHANIS 1:8

Amun kitau bekatau, kitau nidau bedusau, kitau mbudika kitau sendighi, mangku kitau nidau idup seghundak ngan Allah.

1 YUHANIS 2:14

Aku nulis ngan kamu, anak-buaku, karnau kamu keruan Bapak. Aku nulis ngan kapu dighi, tuau-tuau, karnau kapu dighi keruan Diau la adau jak di penembai. Aku nulis ngan kamu, memudau, karnau kamu tegua, katau Allah adau di ati kamu ngan kamu la ngalaka diau ja'at itu.

1 YUHANIS 2:17

Deniau ngan gegalau setu diau adau di dalamau diau diibauka manusiau ka lengit. Anyautu jemau diau ngerjauka kendak Allah maju idup selelamaunyau.