2 TIMUTIUS 4:8 - PEJANJIAN EMPAI CERITAU ILUAK

⁸ Mbak kini adia menang la nunggu aku, karnau idupku la dibenaghka Allah. Masau aghi kiamat, Tuhan akim diau adil ka nyeraka adiatu ngan aku. Ukan aku ajau diau ka nerimau adiatu, tapitu gegalau jemau diau nungguka nian Tuhan datang.

2 TIMUTIUS 4:8 ပူးပေါင်းရင်းမြစ်များ

MATIUS 24:36

“Nidau bediau diau keruan, kebilau masaunyau ngan aghiau. Malaikat di sergau nidau keruan, Anak Allah pulau nidau, cuman Bapak ajau keruan.

MATIUS 7:22

Masau aghi kiamat banyak jemau ka bekatau ngan Aku, ‘Tuhan, Tuhan, ngan namau Tuhan kami la ngiciakka katau Allah. Ngan namau Tuhan kami la melaratka iblis. Lagi ngan namau Tuhan kami la banyak mbuat tandau nyelia.’

LUKAS 10:12

Ingatkala, masau aghi kiamat banyakla tanggungan jemau kuta itu sangkan jemau Sudum.”

RUM 2:5

Anyautu kamu maju melawan, enggup beghuba. Karnau itu kamu itula diau mbuat ukuman kamu tamba beghat masau aghi kiamat nanti, amun Allah nyatauka maraHau ngan ukumanNyau diau adil,

RUM 8:23

Ukan itu ajau, kitau pulau nyempit dalam ati. Kitau la nerimau Rua diau dienjuakka Allah njadi pengenjuak diau dulu sekali. Kitau masia nunggu Allah mbibaska kitau njadika kitau ana'Au.

1 KURINTUS 2:9

Luak itula diau ditulis dalam Injil, “Setu diau nidau kekela dikinak ngan didengagh manusiau, ngan nidau pulau kekela dirupuakka manusiau, titu disediauka Allah batan endak jemau diau nyayangiNyau.”

1 KURINTUS 3:13

Mangku kerjau bilang jemau ka kina'an, masau Keristus ngulang datang nanti, karnau ka dinyatauka ngan api. Aghi itu kerjau bilang jemau ka diuji ngan api, mangku keruan regaunyau.

1 KURINTUS 9:25

Bilang tukang main diau ngikut betanding mesti maju na'an diriau. Jemautu ngerjauka titu endak bulia adia diau nidau ka lamau. Anyautu kitau na'an diri, karnau endak bulia adia diau ta'an lamau.

2 KURINTUS 5:2

Semasau kitau gi adau di anjung ini, kitau madak ngan nyempit, karnau kitau ghindu nian endak mendam di ghuma kitau di sergau.

PILIPI 3:11

Mangku aku ngaghap, aku ka diidupka pulau jak di mati.

KULUSI 1:5

Kamu ngerjauka titu, karnau kamu ngaghapka setu diau disediauka Allah batan endak kamu di sergau. Kamu la ndengagh titu, masau ceritau iluak diau benagh dikiciakka ngan kamu.

1 TESALUNIKA 1:10

Ughangtu ngiciakka pulau ceritau kamu ngaghapka Anak Allah datang jak di sergau, diautu Yesus diau la diidupka Allah jak di mati. Yesus itula diau nyelamatka kitau jak di mara Allah diau ka datangtu.

1 TESALUNIKA 5:4

Anyautu kamuni ukan jemau diau idup di keleman, mangku aghitu nidau nggagauka kamu luak pemaling.

2 TESALUNIKA 2:8

Jemau ja'attu kina'an. Mangku amun Tuhan Yesus datang, Diau ka mbunua Jemau Ja'attu ngan nyawau jak di mulutAu, Diau ka mbenasaukanyau ngan keagunganNyau.

1 TIMUTIUS 6:19

Ngan carau luak itu ughangtu melungguakka retau njadi mudal diau iluak di masau diau ka datang, mangku ka bulia idup nian selelamaunyau.

2 TIMUTIUS 1:10

Mbak kini Allah nyatauka keilu'anNyautu ngan kitau, karnau Penyelamat kitau Yesus Keristus la datang. Yesustu la ngalaka kuasau maut ngan ngenjuakka idup selelamaunyau, amun kitau percayau ngan ceritau iluak.

2 TIMUTIUS 1:12

Itula sebapau aku nanggungka gegalaunyautu, tapitu aku nidau maluan, karnau aku keruan diau kupercayauitu. Aku yakin, bansau setu diau la dipercayauka ngan aku pacak Diau jagaui enggut aghi kiamat.

2 TIMUTIUS 1:18

Diau pulau banyak nulung aku masau di Ipisus. Ceritau itu kaba keruan. Aku bedu'a, supayau Tuhan iluak ngan diau masau aghi kiamat.

2 TIMUTIUS 2:5

Jemau diau ngikut betanding nidau ka dapat juara, amun nidau na'ati peraturan tandingtu.

2 TIMUTIUS 4:1

Yesus Keristus ka datang agi ke deniau endak ngadili jemau diau idup ngan diau mati. Diau ka datang endak merinta luak rajau. Karnau itu aku mintak nian ngan kaba di adapan Allah ngan Yesus Keristus,

TITUS 2:13

Mbak kini kitau dang nungguka aghi diau meriangka diau kitau ngaghapka itu. Aghitu deniau ka nginak keagungan Allah diau Mahabesak ngan Yesus Keristus, Rajau Penyelamat kitau.

IBRANI 12:11

Nyela, amun kitau diukum, kitau nidau riang tapitu nangis. Anyautu ngan kitau diau la diajagh, ukumantu mbuat kitau idup nurut kendak Allah, mangku kitau idup ngan damai.

IBRANI 9:28

Luak itu pulau Keristus ngerbanka diriAu cuman sekali ajau endak ngabiska dusau banyak jemau. Mangku Diau ka datang agi ukan endak nanggungka dusau agi, tapitu endak nyelamatka jemau diau nunggu Diau datang.

YAKUBUS 1:12

Riangla jemau diau ta'an dicubaui, karnau udim diau buasil diujitu, diau ka nerimau upa, itu idup diau la dijanjika Allah ngan jemau diau nyayangi Diau.

1 PITRUS 1:4

Mangku kitau ngaghapka bulia bagian diau disediauka Allah batan endak umatAu. Bagiantu diimpani di sergau, mangku nidau pacak ghemas, busuak ngan luntur.

1 PITRUS 5:4

Mangku amun Keristus, tukang sayia bebiri diau agungtu, datang nanti, kamu ka nerimau adia menang diau alap nianan diau nidau ka beghuba.

PENGINA'AN 1:7

Kina'ila, Diau datang ngan aban! Gegalau matau ka nginak Diau ngan pulau jemau diau la nuja ngan mbunua Diau ngan gegalau bangsau diau adau di deniauni ka nangis berandaian karnau Diau. Nyela nian, amin!

PENGINA'AN 19:11

Mangku aku nginak sergau tebukak, ngenian adau sikuak kudau putia. Jemau diau nayi'inyau benamau “Diau Setia ngan Benagh”. Diautu ngukum ngan beperang adil.

PENGINA'AN 2:10

Nidau nanti takut ngan setu diau mesti kaba tanggungka. Ingatkala separau jak di kamu ka dimasuakka iblis dalam jil endak nguji kamu. Kamu ka sengsarau selamau sepulua aghi. Kamu mesti tekun enggut mati, mangku Aku ka ngenjuakka ngan kamu idup selelamaunyau njadi adia menang ngan kamu.

PENGINA'AN 22:20

Diau ngiciakka gegalaunyauni bekatau, “Nyela, Aku ka cepat datang!” Nyela nian. Datangla Tuhan Yesus!

PENGINA'AN 4:10

duau pulua empat tuau-tuau tadi nunduak di adapan Jemau diau duduak di kerusi rajautu, mangku nyemba Jemau diau idup selelamaunyautu. Mangku ughangtu nyipatka gitarau di guak kerusi rajautu ngan bekatau,

PENGINA'AN 4:4

Di ngepungan kerusi rajautu adau duau pulua empat kerusi agi. Di kerusitu duduak duau pulua empat tuau-tuau diau makai baju putia ngan gitar emas di pala'au.