2 TIMUTIUS 4:17 - PEJANJIAN EMPAI CERITAU ILUAK

¹⁷ Anyautu Tuhan la nulung ngan neguaka aku, mangku aku pacak ngiciakka gegalau ceritau iluak itu, mangku didengagh gegalau jemau diau ukan jemau Yahudi. Mangku aku luput jak di ukuman mati.

2 TIMUTIUS 4:17 ပူးပေါင်းရင်းမြစ်များ

MATIUS 10:19

Amun kamu dibatak endak diadili, jangan kamu ghegak ngan setu diau endak kamu kiciakka, karnau katau diau mesti kamu katauka ka dienjuakka ngan kamu masau itu pulau.

LUKAS 1:1

Tiupilus diau diregaui. Banyak jemau la nulis ceritau diau la tejadi guak kitau.

LUKAS 21:15

Akunila ka ngenjuakka ngan kamu katau-katau ngan kepintaran, mangku nidau sughang kia jak di musua kamu pacak melawan ngan nyalaka kamu.

RASUL 23:11

Malamautu Tuhan betegak guak Paulus ngan bekatau, “Teguakala ati kaba, karnau luak kaba la ngiciakka ceritau Aku di Yerusalim ngan beghani, luak itu pulau kaba mesti ngiciakkanyau nanti di Rum.”

RASUL 9:15

Katau Tuhan, “Pegila ajau, karnau Aku la milia diau bekerjau batan endak Aku, ngiciakka Aku ngan bangsau-bangsau ngan rajaunyau ngan jemau Israil pulau.

RUM 15:31

Bedu'ala, supayau jemau di Yudia diau nidau percayau nidau ngancam aku, supayau kerjauku batan endak Yerusalim diterimau jemau Keristen di situ ngan riang.

2 KURINTUS 12:9

Tuhan nimbal, “Aku nyayangi kaba, jadila batan endak kaba. Amun kaba litak, mangku kuasauku ka nyatau nian.” Karnau itu aku riang nian muji kelita'anku, mangku Keristus njagaui aku ngan kuasauNyau.

IPISUS 3:8

Jak di umat Allah diau inau akuni diau inau sekali. Anyautu Allah la nunjuakka keilu'anNyau ngan aku. Diau pulau ngenjuakka ngan aku kerjau iluaktu endak ngiciakka ngan jemau ukan Yahudi ceritau iluak ngiciakka keilu'an Yesus Keristus diau nidau ka abis-abis.

1 TIMUTIUS 1:12

Aku beterimau-kasia ngan Yesus Keristus Tuhan kitau. Diautu nguatka aku bekerjau batan endak Diau, karnau Diau nganggap aku pantas ngerjauka titu.

2 TIMUTIUS 2:1

Timutius, anakku, kaba mesti kuat karnau keilu'an diau dienjuakka ngan kitau karnau seghundak ngan Yesus Keristus.

2 TIMUTIUS 2:9

Ikak ngiciakka ceritau iluaktu aku sengsarau, lagi dirantai luak bandit. Anyautu katau Allah nidau pacak dirantai.

2 TIMUTIUS 3:11

Kaba la nginak aku dianiayau ngan nanggung. Kaba keruan gegalaunyau diau tejadi di aku di Antiukia ngan Ikunium ngan Listera. Kaba keruan gegalaunyau diau kutanggungka. Anyautu jak di gegalaunyautu Tuhan la ngilakka aku.

2 TIMUTIUS 4:5

Empuak luak itu kaba mesti nguasaui diri, empuak luak manau kila. Tanggungkala ngan ngaligh. Kerjaukala tugas kaba endak ngiciakka ceritau iluak jak di Allah. Kerjaukala titu iluak-iluak batan endak Allah.

TITUS 1:3

Mangku masau diau ditetapkaNyau, Allah nyatauka janjiAu ngan katauNyau. Katau Allahtu la dipercayauka ngan aku, mangku aku ngiciakkanyau, karnau la diajung Allah, Penyelamat kitau.

IBRANI 11:33

Karnau percayau, mangku ughangtu la ngalaka rajau-rajau. Ughangtu ngerjauka setu diau benagh, mangku nerimau setu diau dijanjika. Adau diau nukup mulut setuau.

1 PITRUS 5:8

Sepepadaula ngan maju siap-siagau, karnau Iblis musua kamu. Diau luak setuau bejalan ghatau sampai ngaum endak ndalak mangsaunyau.

2 PITRUS 2:9

Tuhan pacak nyelamatka jemau diau benagh, amun adau pencubauan. Diau pacak pulau na'an jemau diau ja'at endak disiksau di aghi pengadilan nanti,