2 TIMUTIUS 2:12 - PEJANJIAN EMPAI CERITAU ILUAK

¹² Amun kitau beta'an, kitau ka merinta ngan Diau. Amun kitau nidau endak ngaku'i Diau, Diau pulau nidau ngaku'i kitau.

2 TIMUTIUS 2:12 ပူးပေါင်းရင်းမြစ်များ

MATIUS 10:33

Anyautu jemau diau nidau ngaku'i Aku di adapan manusiau, nidau pulau ka Kuaku'i di adapan BapakKu diau di sergau.”

MATIUS 26:35

Pitrus nimbal, “Empuak aku mati serempak ngan Dighi, aku nidau ka bekatau, bansau aku nidau keruan Dighi.” Gegalau anak-buaHau diau lain ngiciak luak itu pulau.

MATIUS 26:75

Mangku Pitrus teghingat setu diau la dikiciakka Yesus ngan diau, “Antak ka ayam bekukuak, kaba la tigau kali nidau ngaku'i Aku.” Mangku Pitrus ngeluagh jak di situ nangis sesedanan.

MARKUS 10:33

katauNyau, “Dengaghkala mbak kini kitau pegi ngancamka Yerusalim. Mangku Anak Manusiau ka diseraka ngan imam-imam bepangkat tinggi ngan guru-guru ukum Taurat, mangku Diau ka diukum mati. Ughangtu ka nyeraka Diau ngan jemau diau nidau keruan Allah.

MARKUS 8:38

Kinak luak itu, amun jemau maluan ngaku'i Aku ngan kici'anKu di pugan jemau idup mbak kini diau nidau ta'at ngan bedusau, Anak Manusiau pulau ka maluan ngaku'i jemautu, masau Diau datang nanti ngan kuasau Bapa'Au dikantini malaikat-malaikat suci.”

LUKAS 12:9

Anyautu jemau diau nidau ngaku'i Aku di adapan manusiau, diau pulau nidau ka diaku'i di adapan malaikat-malaikat Allah.

LUKAS 22:29

Bapak la ngenjuakka ngan Aku kuasau endak merinta. Luak itu pulau Akuni ka ngenjuakka kuasau itu ngan kamu,

LUKAS 22:30

mangku kamu ka minum-makan serempak ngan Aku, amun Aku la njadi rajau. Mangku kamu ka duduak di kerusi rajau ngadili duau belas bangsau jemau Israil.

LUKAS 9:26

Karnau amun jemau maluan ngaku'i Aku ngan ajaghanKu, Anak Manusiau pulau ka maluan ngaku'i jemau itu, masau Diau ka datang agi nanti ngan kuasauNyau ngan kuasau Bapa'Au ngan malaikat-malaikat suci.

RASUL 14:22

Di kuta itu duau rasultu neguaka ati jemau diau percayau ngan Yesus ngan ngajung ughangtu, supayau maju percayau. Rasultu bekatau, “Kitau mesti sengsarau kudai, mangku kitau pacak njadi angguta umat Allah.”

RUM 5:17

Gegalau jemau mati ikak dusau sughang jemau tadi. Besakla akibat diau dikerjauka sughang jemau lainau, diautu Yesus Keristus. Karnau Diautu Allah la ngenjuakka keilu'an ngan banyak jemau, dienjuakka ajau, mangku jemau pacak seilu'an ngan Allah. Mangku jemautu ka idup ngan menang karnau Yesus Keristus.

RUM 8:17

Mangku karnau kitau ana'Au, kitau pulau behak nerimau setu diau dijanjika Allah batan endak ana'Au. Kitau ka nerimau pulau luak Keristus setu diau la disediauka Allah batan endak Diau. Karnau, amun kitau sengsarau ngan Diau, kitau pulau ka diagungka ngan Diau.

PILIPI 1:28

Kamu mesti maju beghani, jangan takut ngan lawan kamu. Ngan carau luak itu kamu ka njadi tandau ngan ughangtu, bansau ughangtu ka kala. Kamutu ka menang, karnau Allah ngenjuakka kemenangan ngan kamu.

1 TIMUTIUS 5:8

Amun adau jemau diau nidau nyayia denga-sana'au, apau agi jemau seghumahau, jemautu ngelipat ngan lebia ja'at jak di jemau diau nidau percayau.

YUDAS 1:4

Adau jemau diau masuak di guak kamu ngan nidau dikeruani. Ughangtu jemau ja'at, nyala-gunauka ceritau keilu'an Allah endak nuruti serilau ngan nidau ngaku'i Yesus Keristus, awuak Diau sughang itula Penguasau ngan Tuhan kitau. Jak di senitu ukuman ughangtu la ditetapka.

PENGINA'AN 1:6

mangku njadika kitau sebangsau, njadi imam diau bekerjau batan endak Allah, Bapa'Au. Yesus Keristustu agung ngan bekuasau selelamaunyau. Amin.

PENGINA'AN 1:9

Aku Yuhanis, kantin kamu diau semegi nanggungau luak diau dighasauka bilang anak-bua Keristus. Kitauni maju ta'an sengsarau karnau njadi umatAu. Aku dicapakka ke pulau Patmus, karnau aku ngiciakka katau Allah ngan ngiciakka Yesus Keristus.

PENGINA'AN 2:13

Aku keruan bada kaba. Bada kaba di bada iblis. Empuak luak itu, kaba maju ngaku'i Aku. Kaba maju percayau ngan Aku, pulau masau Antipas, anak-buaKu diau tekun, dibunua di bada kaba, di bada iblistu.

PENGINA'AN 20:4

Mangku aku nginak kerusi-kerusi rajau ngan jemau diau duduak di pucu'autu dienju'i kuasau endak ngakimi. Aku pulau nginak jiwa jemau diau la dipancung liaghau karnau nceritauka Yesus ngan ngiciakka katau Allah. Ughangtu nidau nyemba benatang ngan patungautu ngan pulau nidau nerimau tandaunyau di keningau ngan di tanganau. Ughangtu idup agi mangku merinta luak rajau serempak ngan Keristus selamau seribu taun.

PENGINA'AN 20:6

Mujurla ngan riangla jemau diau ngikut diidupka dulu sekali. Kematian diau keduau nidau bekuasau di ughangtu. Ughangtu ka njadi imam Allah ngan imam Keristus, mangku merinta luak rajau serempak ngan Diau selamau seribu taun.

PENGINA'AN 3:10

Kaba la nuruti kici'anKu endak nantika Aku ngan tekun. Karnau itu Aku ka njagaui kaba jak di masau penanggungan, masau gegalau jemau di deniau ka dicubaui.

PENGINA'AN 3:21

Jemau diau menang ka Kududuakka sebada duduak ngan Aku, luak Aku pulau la menang mangku duduak sebada duduak ngan BapakKu.

PENGINA'AN 3:8

Aku keruan gegalau kerjau kaba. Kina'ila, Aku la mbuka'i kaba duaghau, mangku sughang kiala nidau pacak ngatupkanyau. Aku keruan kekuatan kaba nidau sebeghapau. Anyautu kaba nuruti ajaghanKu ngan maju ngaku'i Aku.

PENGINA'AN 5:10

Dighi la njadika ughangtu sutiak bangsau, njadi imam endak bekerjau batan endak Allah. Mangku ughangtu ka merinta luak rajau di deniau.”