2 TIMUTIUS 1:8 - PEJANJIAN EMPAI CERITAU ILUAK

⁸ Karnau itu jangan kaba takut nceritauka Tuhan kitau ngan jangan pulau maluan aku dijilka karnau bekerjau batan endak Diau, tapitu kaba mesti ngikut sengsarau karnau ceritau iluak. Allah ka nulung kaba.

2 TIMUTIUS 1:8 ပူးပေါင်းရင်းမြစ်များ

MARKUS 8:38

Kinak luak itu, amun jemau maluan ngaku'i Aku ngan kici'anKu di pugan jemau idup mbak kini diau nidau ta'at ngan bedusau, Anak Manusiau pulau ka maluan ngaku'i jemautu, masau Diau datang nanti ngan kuasau Bapa'Au dikantini malaikat-malaikat suci.”

LUKAS 9:26

Karnau amun jemau maluan ngaku'i Aku ngan ajaghanKu, Anak Manusiau pulau ka maluan ngaku'i jemau itu, masau Diau ka datang agi nanti ngan kuasauNyau ngan kuasau Bapa'Au ngan malaikat-malaikat suci.

YUHANIS 15:27

Mangku kamu pulau mesti ngiciakka Aku, karnau kamuni la seghundak ngan Aku jak di senitu.

YUHANIS 19:35

Jemau diau nginak titu diautu ngiciakkanyau, supayau kamu percayau pulau. Kici'annyau itu benagh ngan diau keruan, bansau titu benagh.

RASUL 5:41

Rasul itu pegi jak di pengadilantu ngan riang, karnau pantas sengsarau karnau namau Yesus.

RUM 1:16

Aku percayau nian ceritau iluak itu, karnau di ceritau iluaktu adau kuasau Allah diau nyelamatka gegalau jemau diau percayau, jemau Yahudi kudai, mangku jemau bangsau lain pulau.

RUM 16:25

Tepujila Allah! Diau bekuasau neguaka kamu nurut ceritau iluak jak di Allah diau kuceritauka ngiciakka Yesus Keristus. Aku ngiciakka titu nurut setu diau dinyatauka Allah ceritau rencanau Allah diau buabad-abad nidau dikeruani jemau.

RUM 8:36

Dalam Injil ditulis luak ini, “Sesaghian kami adau dalam bayau maut karnau Dighi. Kami dibuati luak bebiri diau endak disembelia.”

RUM 9:33

Ceritau batutu la ditulis dalam Injil luak ini, “Keruanila, di Siun la Kutepiakka sebua batu diau mbuat jemau tuantuak ngan telabua. Mangku bilang jemau diau percayau ngan Diau nidau ka dimaluka.”

1 KURINTUS 1:6

Itu tandaunyau, bansau ceritau Keristus la meghesap dalam ati kamu.

2 KURINTUS 6:7

Kami ngiciakka ceritau jak di Allah ngan kuasau Allah. Perembak kami diau iluak njadi pakaian kami endak nyerang ngan mbenaghka diri kami.

IPISUS 3:1

Itula sebapau akuni, Paulus, dijilka karnau Yesus Keristus batan endak kepentingan kamu diau ukan jemau Yahudi.

IPISUS 3:13

Karnau itu aku mintak nian, supayau kamu jangan ghegak karnau sengsarauku batan endak kamu. Gegalaunyautu batan endak keilu'an kamu.

IPISUS 4:1

Itula sebapau, aku sughang kawalan diau dikawalka karnau bekerjau batan endak Tuhan. Mangku aku mintak nian, supayau kamu diau la dipilia Allah idup sesuai ngan piliantu.

IPISUS 4:17

Karnau itu demi namau Tuhan aku mintak nian, supayau kamu jangan agi idup luak jemau diau nidau keruan Allah ngan maju merupuakka setu diau nidau begati.

PILIPI 1:7

Gegalau kamu maju adau di atiku. Nyela, sepantasau aku bepeghasauan luak itu tuadap kamu. Gegalau kamu la nulung aku ngan kerjauku diau dienjuakka Allah ngan aku, empuak masau aku dijilka, empuak masau aku na'anka ngan mbenaghka ceritau iluak itu.

PILIPI 3:10

Diau kukenda'itu ngeruani Diau ngan kuasauNyau diau ngidupka Diau jak di mati. Aku endak ngikut sengsarau ngan Diau ngan njadi seghundak ngan Diau dalam kematianNyau.

PILIPI 4:13

Gegalaunyautu pacak kutanggung, karnau kuasau diau dienjuakka Keristus ngan aku.

KULUSI 1:11

Mangku kamu diteguaka ngan kuasau Allah diau agung endak nanggungka gegalaunyau ngan ngaligh ngan riang.

KULUSI 1:24

Mbak kini aku riang sengsarau batan endak kamu. Mangku ngan sengsarautu aku nepati di badanku setu diau lum ditanggung Keristus batan endak jemau Keristen. Ughangtu umpamau badanAu.

1 TESALUNIKA 3:4

Masau kami gi adau guak kamu, kami la ngiciakka, bansau kitau ka sengsarau. Nyela, titu la tejadi, luak kamuni keruan.

1 TIMUTIUS 2:6

Diau la nyeraka diriAu endak mbibaska gegalau jemau jak di dusau. Luak itu Allah mbuktika masau diau tepat, bansau Diau endak, supayau gegalau jemau diselamatka.

2 TIMUTIUS 1:10

Mbak kini Allah nyatauka keilu'anNyautu ngan kitau, karnau Penyelamat kitau Yesus Keristus la datang. Yesustu la ngalaka kuasau maut ngan ngenjuakka idup selelamaunyau, amun kitau percayau ngan ceritau iluak.

2 TIMUTIUS 1:12

Itula sebapau aku nanggungka gegalaunyautu, tapitu aku nidau maluan, karnau aku keruan diau kupercayauitu. Aku yakin, bansau setu diau la dipercayauka ngan aku pacak Diau jagaui enggut aghi kiamat.

2 TIMUTIUS 1:16

Kapu Unesipurus la rajin meriangka atiku. Aku bedu'a, supayau Tuhan iluak ngan diau. Empuak aku di jil, diau nidau maluan ngan setu diau kughasauitu.

2 TIMUTIUS 2:3

Ikutla sengsarau luak tentera Yesus Keristus diau ta'at.

2 TIMUTIUS 2:8

Ingatkala ceritau Yesus Keristus, pengadau Daud, diau la idup agi jak di mati luak ceritau iluak diau kukiciakkatu.

2 TIMUTIUS 2:9

Ikak ngiciakka ceritau iluaktu aku sengsarau, lagi dirantai luak bandit. Anyautu katau Allah nidau pacak dirantai.

2 TIMUTIUS 4:17

Anyautu Tuhan la nulung ngan neguaka aku, mangku aku pacak ngiciakka gegalau ceritau iluak itu, mangku didengagh gegalau jemau diau ukan jemau Yahudi. Mangku aku luput jak di ukuman mati.

2 TIMUTIUS 4:5

Empuak luak itu kaba mesti nguasaui diri, empuak luak manau kila. Tanggungkala ngan ngaligh. Kerjaukala tugas kaba endak ngiciakka ceritau iluak jak di Allah. Kerjaukala titu iluak-iluak batan endak Allah.

1 PITRUS 1:5

Gegalaunyautu batan endak kamu, karnau kamu percayau ngan Allah, mangku kamu dijagaui kuasau Allah, supayau kamu nerimau keselamatan diau dinyatauka masau pengabisan saman.

1 YUHANIS 4:14

Kami la nginak Anak Allah, mangku kami ngiciakka ngan jemau lain, bansau Diau diajung Allah Bapak njadi Rajau Penyelamat deniauni.

YUDAS 1:24

Allah pacak njagaui kamu, supayau jangan bebuat dusau. Diau pacak mbata'i kamu ngan riang ngan nidau becacat ke badaHau diau agung.

PENGINA'AN 1:2

Yuhanistu la nceritauka gegalaunyau diau la tekinak. Mangku inila ceritaunyau ngiciakka katau Allah diau dinyatauka Yesus Keristus.

PENGINA'AN 1:9

Aku Yuhanis, kantin kamu diau semegi nanggungau luak diau dighasauka bilang anak-bua Keristus. Kitauni maju ta'an sengsarau karnau njadi umatAu. Aku dicapakka ke pulau Patmus, karnau aku ngiciakka katau Allah ngan ngiciakka Yesus Keristus.

PENGINA'AN 12:11

Ughangtu la ngalaka diau ngan dagha Anak Bebiritu, dikalaka ngan ceritau iluak jak di Allah diau dikiciakka ughangtu. Ughangtu rila nyeraka nyawaunyau enggut mati.

PENGINA'AN 19:10

Mangku aku nunduak nyemba diau, anyautu diau bekatau, “Jangan luak ini! Jangan nyemba aku! Aku pulau budak semegi ngan kaba ngan kantin-kantin kaba diau maju percayau ngan Yesus. Sembala Allah!” Karnau ceritau diau dikiciakka nabi ceritau benagh diau dinyatauka Yesustu.