2 TIMUTIUS 1:12 - PEJANJIAN EMPAI CERITAU ILUAK

¹² Itula sebapau aku nanggungka gegalaunyautu, tapitu aku nidau maluan, karnau aku keruan diau kupercayauitu. Aku yakin, bansau setu diau la dipercayauka ngan aku pacak Diau jagaui enggut aghi kiamat.

2 TIMUTIUS 1:12 ပူးပေါင်းရင်းမြစ်များ

MATIUS 12:21

Mangku gegalau bangsau ka ngaghapka Diau.”

MATIUS 24:36

“Nidau bediau diau keruan, kebilau masaunyau ngan aghiau. Malaikat di sergau nidau keruan, Anak Allah pulau nidau, cuman Bapak ajau keruan.

MATIUS 7:22

Masau aghi kiamat banyak jemau ka bekatau ngan Aku, ‘Tuhan, Tuhan, ngan namau Tuhan kami la ngiciakka katau Allah. Ngan namau Tuhan kami la melaratka iblis. Lagi ngan namau Tuhan kami la banyak mbuat tandau nyelia.’

LUKAS 10:12

Ingatkala, masau aghi kiamat banyakla tanggungan jemau kuta itu sangkan jemau Sudum.”

LUKAS 23:46

Mangku Yesus tegauk, katauNyau, “Bak, Aku nyeraka nyawauKu ngan Dighi.” Udim ngiciak luak itu, nyawauNyau putus.

YUHANIS 17:15

Aku nidau mintak, supayau Dighi ngambiak ughangtu jak di deniauni, anyautu Aku mintak, supayau Dighi njagaui ughangtu jak di diau ja'at.

YUHANIS 6:44

Nidau sughang kia pacak datang njenguak Aku, amun ukan BapakKu diau ngajung Aku mbata'inyau njenguak Aku. Mangku jemau diau njenguak Aku ka Kuidupka masau aghi kiamat.

RASUL 13:46

Ngan beghani Paulus ngan Barnabas ngiciak terang-terangan, kataunyau, “Katau Allah mesti dikiciakka ngan kapu dighi kudai. Anyautu kapu dighi nidau nerimaunyau, mangku kapu dighi nidau dianggap pantas bulia idup selelamaunyau. Mangku kami pegi ke bangsau lain.

RASUL 13:50

Anyautu pengulu-pengulu kuta itu ngan tinau-tinau diau diregaui ngan takut ngan Allah diasung jemau Yahudi, supayau ughangtu nganiayau Paulus ngan Barnabas, mangku ughang duautu dilaratka jak di daira itu.

RASUL 21:13

Anyautu Paulus nimbal, “Ngapau kapu dighi nangis galau? Ngan carau luak itu kapu dighi mbuat aku madak ajau. Karnau aku sukau ukan ajau endak dikebat, tapitu pulau endak mati di Yerusalim karnau namau Tuhan Yesus.”

RASUL 7:59

Setipanus dang disipati, diau bedu'a, kataunyau, “Tuhan Yesus, terimaula ruaku.”

RASUL 9:16

Akunila ka nunjuakka ngan diau banyak sengsarau diau mesti dighasaukanyau karnau Aku.”

RUM 1:16

Aku percayau nian ceritau iluak itu, karnau di ceritau iluaktu adau kuasau Allah diau nyelamatka gegalau jemau diau percayau, jemau Yahudi kudai, mangku jemau bangsau lain pulau.

RUM 9:33

Ceritau batutu la ditulis dalam Injil luak ini, “Keruanila, di Siun la Kutepiakka sebua batu diau mbuat jemau tuantuak ngan telabua. Mangku bilang jemau diau percayau ngan Diau nidau ka dimaluka.”

1 KURINTUS 1:8

Diau pulau ka neguaka ngan njagaui kamu enggut pengabisan, mangku kamu nidau becacat masau aghi Tuhan kitau Yesus Keristus datang.

1 KURINTUS 3:13

Mangku kerjau bilang jemau ka kina'an, masau Keristus ngulang datang nanti, karnau ka dinyatauka ngan api. Aghi itu kerjau bilang jemau ka diuji ngan api, mangku keruan regaunyau.

PILIPI 1:20

Aku endak nian ngan ngaghapka, supayau aku maju ngerjauka diau benagh. Aku ngaghapka, supayau luak jak di senitu mangku pulau mbak kini Keristus diregaui ngan gegalaunyau diau kukiciakka ngan kukerjauka, empuak aku idup empuak aku mati.

PILIPI 3:10

Diau kukenda'itu ngeruani Diau ngan kuasauNyau diau ngidupka Diau jak di mati. Aku endak ngikut sengsarau ngan Diau ngan njadi seghundak ngan Diau dalam kematianNyau.

PILIPI 3:21

Badan kitauni diau litak ngan pacak mati ka diuba Keristus njadi luak badanAu diau agungtu. Diau ka ngerjauka titu, karnau Diau adau kuasau endak nunduakka gegalaunyau.

PILIPI 3:8

Gegalaunyau kuanggap rugi, karnau beregaula ngeruani Keristus Tuhanku sangkan gegalaunyautu. Karnau Diautu, mangku aku ninggalka gegalaunyau. Kuanggap gegalaunyautu sesara, supayau aku bulia Keristus

1 TESALUNIKA 2:16

Lagi ughangtu endak ngalang-ngalangi kami ngiciakka ngan jemau ukan Yahudi ceritau diau pacak nyelamatka ughangtu. Ngan carau luak itu jemau Yahuditu maju namba dusaunyau enggut genap mecamau. Mangku mbak kini ughangtu ditimpau mara Allah.

1 TESALUNIKA 5:4

Anyautu kamuni ukan jemau diau idup di keleman, mangku aghitu nidau nggagauka kamu luak pemaling.

1 TIMUTIUS 6:20

Ui, Timutius, jagauila setu diau la dipercayauka ngan kaba. Jawuhila kici'an diau nidau beresia ngan nidau begati ngan kici'an bebala mbalaka setu diau dikiciakka “kepintaran”.

2 TIMUTIUS 1:14

Ngan kuasau Rua Allah diau adau di kitau kaba mesti njagaui iluak-iluak setu diau iluak diau la dipercayauka ngan kaba.

2 TIMUTIUS 1:16

Kapu Unesipurus la rajin meriangka atiku. Aku bedu'a, supayau Tuhan iluak ngan diau. Empuak aku di jil, diau nidau maluan ngan setu diau kughasauitu.

2 TIMUTIUS 1:18

Diau pulau banyak nulung aku masau di Ipisus. Ceritau itu kaba keruan. Aku bedu'a, supayau Tuhan iluak ngan diau masau aghi kiamat.

2 TIMUTIUS 1:8

Karnau itu jangan kaba takut nceritauka Tuhan kitau ngan jangan pulau maluan aku dijilka karnau bekerjau batan endak Diau, tapitu kaba mesti ngikut sengsarau karnau ceritau iluak. Allah ka nulung kaba.

2 TIMUTIUS 2:9

Ikak ngiciakka ceritau iluaktu aku sengsarau, lagi dirantai luak bandit. Anyautu katau Allah nidau pacak dirantai.

2 TIMUTIUS 4:8

Mbak kini adia menang la nunggu aku, karnau idupku la dibenaghka Allah. Masau aghi kiamat, Tuhan akim diau adil ka nyeraka adiatu ngan aku. Ukan aku ajau diau ka nerimau adiatu, tapitu gegalau jemau diau nungguka nian Tuhan datang.

TITUS 3:8

Kici'an itu benagh. Mangku aku endak, supayau kaba nekanka kici'antu, mangku jemau diau la percayau ngan Allah beusaha nian ngerjauka setu diau iluak. Itula diau iluak ngan begunau batan endak gegalau jemau.

IBRANI 12:2

Mela kitau ngerjauka titu ngan maju merupuakka Yesus. Diau itula mbuat kitau percayau, mangku Diautu pulau nulung kitau maju percayau. Yesustu ta'an sengsarau, nidau nyanauka, bansau mati di kayu saliptu setu diau maluka. Diau cuman ngingatka riang diau ka dighasaukaNyau nanti. Mbak kini Diau duduak di sebela kanan Allah.

IBRANI 2:18

Mangku mbak kini Diau pacak nulung jemau diau dicubaui, karnau Diau pulau la sengsarau ngan dicubaui.

IBRANI 7:25

Itula sebapau selelamaunyau Yesus pacak nyelamatka jemau diau masighi Allah, diantat ngan Diau. Diautu adau selelamaunyau endak mintak ngan Allah batan endak ughangtu.

1 PITRUS 1:5

Gegalaunyautu batan endak kamu, karnau kamu percayau ngan Allah, mangku kamu dijagaui kuasau Allah, supayau kamu nerimau keselamatan diau dinyatauka masau pengabisan saman.

1 PITRUS 4:16

Anyautu amun kamu sengsarau karnau Keristus, nidau nanti maluan. Pujila Allah, karnau kamu dikiciakka jemau Keristen.

1 PITRUS 4:19

Itula sebapau amun adau jemau diau sengsarau karnau Allah ngenda'i luak itu, jemau itu mesti maju ngerjauka diau iluak, mangku nyeraka diriau ngan Allah diau njadikanyau. Diau cetau nepati janjiAu.

YUDAS 1:24

Allah pacak njagaui kamu, supayau jangan bebuat dusau. Diau pacak mbata'i kamu ngan riang ngan nidau becacat ke badaHau diau agung.