2 TIMUTIUS 1:10 - PEJANJIAN EMPAI CERITAU ILUAK

¹⁰ Mbak kini Allah nyatauka keilu'anNyautu ngan kitau, karnau Penyelamat kitau Yesus Keristus la datang. Yesustu la ngalaka kuasau maut ngan ngenjuakka idup selelamaunyau, amun kitau percayau ngan ceritau iluak.

2 TIMUTIUS 1:10 ပူးပေါင်းရင်းမြစ်များ

LUKAS 11:36

Amun gegalau badan terang, nidau bediau diau keleman, mangku gegalaunyautu terang luak disinaghi lampu.”

LUKAS 13:7

Mangku diau ngiciak ngan tukang sayia kebunau, ‘Kina'ila, la tigau taun aku ndala'i bua aghau di batang ini, anyautu nidau bulia sebua kia. Tebangla ajau aghau ini. Batan tuapau diau idup endiak bediau gatiau.’

LUKAS 2:11

Malam ini di kuta Daud la lahir Rajau Penyelamat, Diautu Keristus, Tuhan.

YUHANIS 1:9

Terang diau sebenaghautu datang ke deniau nerangi gegalau manusiau.

YUHANIS 14:6

Katau Yesus, “Akunila jalan ngeruani Allah ngan idup nian. Nidau sughang kia diau pacak njenguak Bapak, amun nidau karnau Aku.

YUHANIS 20:31

Tapitu gegalaunyau diau temasuak di sini la ditulis, supayau kamu percayau, Yesus itula Keristus, Rajau Penyelamat, Anak Allah, mangku supayau kamu bulia idup, karnau percayau ngan Diau.

YUHANIS 4:42

Ughangtu ngiciak ngan tinautu, kataunyau: “Mbak kini kami percayau, ukanau karnau kici'an kaba ajau, anyautu karnau kami la ndengagh ngan la keruan, Diau inila nian Penyelamat deniau.”

YUHANIS 5:40

anyautu kapu dighi enggup datang njenguak Aku, mangku bulia idup itu.

RASUL 13:23

Mangku jak di pengadaunyau Allah la ngenjuakka ngan jemau Israil sughang Rajau Penyelamat luak la dijanjikaNyau. Yesus itula Rajau Penyelamat itu.

RASUL 5:31

Diautu la ditinggika Allah di sebela kananAu, dijadikaNyau Penguasau ngan Rajau Penyelamat, supayau jemau Israil pacak ngubai ngan dusaunyau diabiska.

RUM 16:26

Anyautu mbak kini rencanau itu la dinyatauka karnau perinta Allah, mangku dikiciakka ngan gegalau bangsau jak di tulisan nabi-nabi, supayau ughangtu percayau ngan ta'at ngan Allah.

RUM 2:7

Jemau diau maju ngerjauka diau iluak ngan ndalak setu diau dipuji ngan diregaui ngan ta'an selelamaunyau ka dienjuakkaNyau idup selelamaunyau.

RUM 3:31

Apu retiautu, kitau ncapakka ukum Taurat karnau percayau? Nidau nian! Karnau kitau percayau, kitau maju mbenaghka ukum Taurat.

RUM 6:6

Kitau keruan, bansau carau idup kitau diau lamau la mati serempak ngan Keristus di kayu salip, supayau serilau kitau diau melawan Allah nidau bekuasau agi, mangku kitau nidau agi dikuasaui dusau.

1 KURINTUS 15:26

Musua diau mendian ditunduakka itula maut.

1 KURINTUS 4:5

Itula sebapau, jangan kamu cepat ngakimi jemau, amun lum masaunyau, antak ka Tuhan datang. Diautu ka nginakka gegalaunyau diau dibunika di keleman. Diau ka ngancakka gegalaunyau diau direncanauka dalam ati manusiau. Masau itula bilang jemau ka nerimau jak di Allah pujian diau pantas diterimau.

2 KURINTUS 5:4

Semasau gi adau di anjung di deniauni, kitau nyempit karnau tanggungan diau beghat ini. Kitau endak mendam di ghuma di sergau ukan karnau endak bibas jak di badan kitau di deniauni, tapitu karnau kitau endak ngenauka badan diau jak di sergautu, mangku badan kitau diau pacak mati ini digenti ngan diau idup.

GALATIA 5:4

Amun kamu endak dibenaghka karnau nuruti ukum Taurat, itu mbuktika kamu la beceghai ngan Keristus. Ngan carau luak itu kamu nidau pacak meghasauka keilu'an Allah.

IPISUS 1:18

Aku mintak, supayau Diau mbukakka rupu'an kamu, mangku kamu ngerti setu diau kamu aghapka jak di Allah diau milia kamu. Mangku kamu keruan, bansau Allah kayau nian ngan serbau diau iluak diau disediaukaNyau batan endak umatAu.

IPISUS 1:9

Diau la nyatauka ngan kitau resiau rencanauNyau, karnau Diau endak nyataukanyau. Rencanautu la direncanauka jak di penembai endak diudimi Keristus.

2 TESALUNIKA 2:8

Jemau ja'attu kina'an. Mangku amun Tuhan Yesus datang, Diau ka mbunua Jemau Ja'attu ngan nyawau jak di mulutAu, Diau ka mbenasaukanyau ngan keagunganNyau.

2 TIMUTIUS 1:1

Jak di aku, Paulus, diau dijadika rasul Yesus Keristus karnau kendak Allah, supayau ngiciakka idup diau dijanjika Allah ngan jemau diau seghundak ngan Yesus Keristus

2 TIMUTIUS 1:8

Karnau itu jangan kaba takut nceritauka Tuhan kitau ngan jangan pulau maluan aku dijilka karnau bekerjau batan endak Diau, tapitu kaba mesti ngikut sengsarau karnau ceritau iluak. Allah ka nulung kaba.

2 TIMUTIUS 4:1

Yesus Keristus ka datang agi ke deniau endak ngadili jemau diau idup ngan diau mati. Diau ka datang endak merinta luak rajau. Karnau itu aku mintak nian ngan kaba di adapan Allah ngan Yesus Keristus,

2 TIMUTIUS 4:8

Mbak kini adia menang la nunggu aku, karnau idupku la dibenaghka Allah. Masau aghi kiamat, Tuhan akim diau adil ka nyeraka adiatu ngan aku. Ukan aku ajau diau ka nerimau adiatu, tapitu gegalau jemau diau nungguka nian Tuhan datang.

TITUS 2:11

Keilu'an Allah diau nyelamatka gegalau manusiau la dinyatauka.

TITUS 2:13

Mbak kini kitau dang nungguka aghi diau meriangka diau kitau ngaghapka itu. Aghitu deniau ka nginak keagungan Allah diau Mahabesak ngan Yesus Keristus, Rajau Penyelamat kitau.

TITUS 3:4

Anyautu Allah, Penyelamat kitau, nyayangi kitau, la nyatauka keilu'anNyau ngan kitau.

IBRANI 10:32

Ingatkala senitu, masau kamu empai percayau ngan Yesus, kamu banyak tanggungan. Anyautu kamu maju beta'an.

2 PITRUS 1:1

Jak di Simun Pitrus, budak ngan rasul Yesus Keristus, batan endak jemau diau percayau semegi luak kami, karnau la dibenaghka Allah ngan Yesus Keristus, Rajau Penyelamat kitau.

2 PITRUS 1:11

Mangku kamu ka dienju'i nian hak masuak sergau, itu kerajauan diau selelamaunyau jak di Tuhan ngan Rajau Penyelamat kitau Yesus Keristus.

2 PITRUS 1:3

Allah la makai kuasauNyau endak ngenjuakka ngan kitau gegalaunyau diau kitau enda'au, mangku pacak idup alim. Titu dikerjaukaNyau, karnau kitau keruan Keristus diau la milia kitau endak ngikut meghasauka keilu'an ngan keagunganNyau.

2 PITRUS 2:20

Amun sughang jemau la keruan Tuhan ngan Rajau Penyelamat kitau Yesus Keristus, diau la bibas jak di kuasau deniau diau merusakka manusiau. Anyautu amun diau ngulang agi dikuasauinyau, mangku diau tamba pansan agi jak di senitu.

2 PITRUS 3:18

Kamu mesti tamba meghasauka keilu'an Tuhan, Rajau Penyelamat kitau Yesus Keristus, ngan tamba ngeruani Diau. Tepujila Diau mbak kini enggut selelamaunyau. Amin.

2 PITRUS 3:2

Aku endak, supayau kamu ngingatka kici'an diau la senitu dikiciakka nabi-nabi Allah ngan perinta Tuhan, Rajau Penyelamattu, diau la dikiciakka rasul-rasul ngan kamu.

1 YUHANIS 1:2

Idup itu la diancakka, kamini la ngina'au, mangku mbak kini kami ngiciakka ceritaunyau. Kami ngiciakka ngan kamu idup ngenianau diau selelamaunyau diau adau ngan Allah Bapak. Idup itu la diancakka ngan kami.

1 YUHANIS 4:14

Kami la nginak Anak Allah, mangku kami ngiciakka ngan jemau lain, bansau Diau diajung Allah Bapak njadi Rajau Penyelamat deniauni.

PENGINA'AN 18:1

Udim itu aku nginak sughang malaikat lain agi tughun jak di sergau. Kuasaunyau besak ngan keagungannyau nerangi gegalau deniau.

PENGINA'AN 2:7

Jemau diau betelingau dengaghkala setu diau dikiciakka Rua Allah ngan jemau Keristen! Diau menang ka Kuenjuakka makan bua jak di batang diau ngenjuakka idup diau adau di kebun Pirdaus Allah.’ ”

PENGINA'AN 20:14

Mangku maut ngan bada jemau mati dicapakka ke dalam laut apitu. Itula kematian diau keduau, laut api itula.

PENGINA'AN 22:14

Riangla jemau diau nesa bajuau. Ughangtu bulia hak makan bua jak di batang diau ngenjuakka idup mangku masuak kutatu wuan mukau lawangau.

PENGINA'AN 22:17

Rua Allah ngan buntingtu bekatau, “Mela!” Bilang jemau diau ndengaghkanyau bekatau pulau, “Mela!” Jemau diau aus datangla, mangku jemau diau endak ayiak diau ngenjuakka idup, ngambiakla, nidau nanti dibayighi!