2 TESALUNIKA 2:3 - PEJANJIAN EMPAI CERITAU ILUAK

³ Empuak luak manau, jangan kamu ditipuka jemau, karnau antak ka aghitu sampai, banyak jemau ka ngelipat ngan melawan Allah. Mangku ka adau sughang Jemau Ja'at diau ditetapka masuak ke nerakau.

2 TESALUNIKA 2:3 ပူးပေါင်းရင်းမြစ်များ

YUHANIS 17:12

Masau Aku gi adau guak ughangtu, Aku la nyayia ughangtu ngan kuasau namau Dighi, namau diau la Dighi namauka ngan Aku. Aku la njagaui ughangtu, mangku nidau sughang kia jak di ughangtu benasau lain jak di jemau diau semestiau benasau, mangku setu diau ditulis dalam Injil ditepati.

1 KURINTUS 6:9

Cengki kamu keruan, jemau diau nidau nuruti kendak Allah nidau ka bulia hak njadi umat Allah. Jangan kamu tetipu. Jemau diau ngerjauka kerjau ja'at, nyemba patung, menaugawia, sangi ribangka selanangan, sangi ribangka setinauan,

IPISUS 5:6

Jangan kamu tetipu ngan kici'an diau mbu'ung, karnau setu luak itu mbuat Allah mara ngan jemau diau nidau ta'at.

1 YUHANIS 2:18

Ui anak-buaku, aghi kiamat la pasigh. La dikiciakka ngan kamu, bansau Musua Keristus ka datang. Mbak kini la datang banyak jemau diau bemusuan ngan Keristus. Itula tandaunyau, bansau aghi kiamat la pasigh.

1 YUHANIS 4:3

Mangku jemau diau nidau ngaku'i Yesus, jemautu nidau bediau Rua Allah. Diautu adau rua jak di Musua Keristus. Kamu la ndengagh, bansau rua itu ka datang. Mbak kini diau la adau di deniauni.

PENGINA'AN 17:11

Mangku benatang diau la adau, mbak kini nidau bediau agitu, rajau diau kedelapan. Diau pulau sughang jak di tujua rajau tadi, mangku diau ka benasau.

PENGINA'AN 17:8

Benatangtu senitu la adau, mbak kini nidau bediau agi, jerang agi ka nimbul jak di jurang maut mangku ajalau ka benasau. Mangku gegalau jemau di deniau, jemau diau namaunyau nidau ditulis di kitab jemau idup jak deniau adau, ka kemangan nginak benatangtu diau senitu la adau, mangku nidau bediau agi, anyautu ka nimbul agi.