2 TESALUNIKA 1:9 - PEJANJIAN EMPAI CERITAU ILUAK

⁹ Ughangtu ka benasau selelamaunyau, dicapakka keluagh jak di guak Tuhan, jak di kuasauNyau diau agung.

2 TESALUNIKA 1:9 ပူးပေါင်းရင်းမြစ်များ

MATIUS 16:27

Karnau Anak Manusiau ka datang agi nanti ngan kuasau Bapa'Au, dikantini malaikat-malaikatAu. Masau itu Diau ka mbalas bilang jemau nurut kerjaunyau.

MATIUS 22:13

Mangku rajautu bekatau ngan anak-buahau, ‘Kebatla keting ngan tangan jemau ini, capakkala diau keluagh ke bada diau keleman. Di situ ka adau tangisan ngan penanggungan.’ ”

MATIUS 24:30

Masau itula Anak Manusiau ka kina'an di langit. Mangku gegalau bangsau di deniau ka nangis. Ughangtu ka nginak Anak Manusiau datang di aban ngan gegalau kuasauNyau ngan keagunganNyau.

MATIUS 25:41

Mangku Rajau itu ka bekatau ngan jemau di sebela kidauNyau, ‘Laratla jak di adapanKu! Kamu jemau keparat. Pegila ke dalam api diau nidau ka padam-padam, diau disediauka batan endak Iblis ngan anak-buahau.

MATIUS 25:46

Mangku ughangtu ka diukum ngan ukuman selelamaunyau. Jemau diau ngerjauka kendak Allah tadi ka riang selelamaunyau.”

MATIUS 26:24

Nyela, Anak Manusiau ka mati nendiau, luak la ditulis dalam Injil. Anyautu celakaula jemau diau njualka Anak Manusiautu. Iluakla diau nidau dilahirka.”

MATIUS 7:23

Masau itula Aku ka nimbali ughangtu, ‘Aku nidau kekela ngeruani kamu. Laratla jak di sini, kamu diau ngerjauka setu diau ja'at.’ ”

LUKAS 13:27

Anyautu tuan itu ka bekatau agi, ‘Aku nidau keruan kamu jak di manau. Pegila jak di sini, kamu diau ngerjauka setu diau ja'at!’

YUHANIS 5:14

La udim itu Yesus betemu ngan jemau tadi di Ghuma Allah ngan bekatau ngan diau, “Mbak kini dighi la ghadu. Jangan dighi mbuat dusau agi, supayau dighi jangan ngalami setu diau lebia pansan.”

PILIPI 3:19

Idup jemau luak itu ka benasau, karnau serilau ughangtu njadi tuanau. Setu diau maluka itu dibanggaka ughangtu. Ughangtu maju merupuakka setu di deniauni ajau.

1 TESALUNIKA 5:3

Amun jemau bekiciak, “Gegalaunyau aman ngan tenang,” mangku masau itula ughangtu benasau. Luak jemau tinau diau kesakitan endak merunggu, ughangtu nidau pacak ngilakkanyau.

2 TESALUNIKA 2:8

Jemau ja'attu kina'an. Mangku amun Tuhan Yesus datang, Diau ka mbunua Jemau Ja'attu ngan nyawau jak di mulutAu, Diau ka mbenasaukanyau ngan keagunganNyau.

TITUS 2:13

Mbak kini kitau dang nungguka aghi diau meriangka diau kitau ngaghapka itu. Aghitu deniau ka nginak keagungan Allah diau Mahabesak ngan Yesus Keristus, Rajau Penyelamat kitau.

IBRANI 10:29

Apau agi jemau diau nijak-nijakka Anak Allah, jemau diau nggelakka dagha pejanjian Allah, itu kematian Keristus diau mberesiaka jak di dusau. Jemau itu nggelakka keilu'an Rua Allah. Beghatla ukuman jemautu.

2 PITRUS 2:17

Guru ja'attu luak matau-ayiak diau keghing, luak aban diau ditiup angin nyaghu. Allah la nyediauka bada diau keleman nian batan endak ughangtu.

2 PITRUS 3:7

Anyautu langit ngan deniau diau adau mbak kini disayia ngan katau Allah, ka dibenasauka pulau ngan api. Diau gi nunggu enggut masau jemau diau nidau keruan Allah diukum ngan dibenasauka.

YUDAS 1:13

Luak umbak besak diau nimbulka buwia diau kumua, luak itula ughangtu mbuwiaka perembak diau maluka. Ughangtu luak bintang diau sesat. Batan endak ughangtu la disediauka Allah bada di keleman nian enggut selelamaunyau.

PENGINA'AN 20:11

La udim itu aku nginak adau kerusi rajau diau putia ngan besak ngan Allah duduak di pucu'au. Langit ngan deniau lengit di adapanNyau mangku nidau bediau agi.

PENGINA'AN 20:14

Mangku maut ngan bada jemau mati dicapakka ke dalam laut apitu. Itula kematian diau keduau, laut api itula.

PENGINA'AN 21:8

Anyautu jemau diau penakut, jemau diau nidau percayau, jemau najis, pembunua, jemau menaugawia, dukun, jemau nyemba diwau, ngan gegalau pembu'ung ka dicapakka ke dalam laut api diau maghak ngan belirangtu. Itula kematian diau keduau.”

PENGINA'AN 22:15

Anyautu anjing ngan dukun, jemau diau menaugawia ngan mbunua ngan nyemba diwau, penipu ngan pembu'ung, gegalau ughangtu nidau pacak masuak.