2 TESALUNIKA 1:7 - PEJANJIAN EMPAI CERITAU ILUAK

⁷ Mbak kini kitau diau sengsarau. Allah ka mbibaska kitau nanti, masau Tuhan Yesus tughun jak di sergau ngan malaikatAu diau bekuasau.

2 TESALUNIKA 1:7 ပူးပေါင်းရင်းမြစ်များ

MATIUS 16:27

Karnau Anak Manusiau ka datang agi nanti ngan kuasau Bapa'Au, dikantini malaikat-malaikatAu. Masau itu Diau ka mbalas bilang jemau nurut kerjaunyau.

MATIUS 16:28

Keruanila, jak di kamuni di sini adau diau nidau ka mati, amun lum nginak Anak Manusiau datang luak rajau.”

MATIUS 25:31

“Amun Anak Manusiau datang luak Rajau dikantini gegalau malaikat, mangku Diau ka duduak di bada duduak rajau diau agungtu.

MATIUS 25:41

Mangku Rajau itu ka bekatau ngan jemau di sebela kidauNyau, ‘Laratla jak di adapanKu! Kamu jemau keparat. Pegila ke dalam api diau nidau ka padam-padam, diau disediauka batan endak Iblis ngan anak-buahau.

MATIUS 26:64

Yesus nimbal, “Dighitu la ngiciakkanyau. Anyautu percayaula, mulai mbak kini kapu dighi ka nginak Anak Manusiau duduak di sebela kanan Allah diau Mahakuasau mangku datang ngan aban di langit.”

MARKUS 14:62

Yesus nimbal, “Akula Diau. Kapu dighi ka nginak Anak Manusiau duduak di sebela kanan Allah diau Mahakuasau mangku datang ngan aban jak di langit.”

MARKUS 8:38

Kinak luak itu, amun jemau maluan ngaku'i Aku ngan kici'anKu di pugan jemau idup mbak kini diau nidau ta'at ngan bedusau, Anak Manusiau pulau ka maluan ngaku'i jemautu, masau Diau datang nanti ngan kuasau Bapa'Au dikantini malaikat-malaikat suci.”

LUKAS 16:25

Abraham nimbal, ‘Ingatkala anakku, seumur idup kaba la meghasauka gegalaunyau diau lemak. Lasarus meghasauka gegalau diau madak. Mbak kini diau riang di sini, kaba sengsarau.

LUKAS 17:30

Luak itula pulau nanti, masau Anak Manusiau dinyatauka.

YUHANIS 1:3

Gegalaunyau dijadikaNyau, mangku amun ukan Diau, sutiak kia nidau njadi.

YUHANIS 1:51

Mangku Yesus bekatau agi, “Percayaula nian ngan katauKu ini: Kaba ka nginak langit tebukak ngan malaikat-malaikat Allah nayiak tughun ke Anak Manusiau.”

RASUL 1:11

sampai bekatau, “Ui jemau Galilia, ngapau kamu ncungak ke langit? Yesus ini diau kamu kina'i tuangkat ke sergautu, ka ngulang agi ngan carau luak diau la kamu kina'i tadi.”

RASUL 3:19

Karnau itu ubaila perembak ngan dusau kapu dighi, datangla ngan Allah, mangku dusau kapu dighi diabiskaNyau.

RUM 8:17

Mangku karnau kitau ana'Au, kitau pulau behak nerimau setu diau dijanjika Allah batan endak ana'Au. Kitau ka nerimau pulau luak Keristus setu diau la disediauka Allah batan endak Diau. Karnau, amun kitau sengsarau ngan Diau, kitau pulau ka diagungka ngan Diau.

1 KURINTUS 3:13

Mangku kerjau bilang jemau ka kina'an, masau Keristus ngulang datang nanti, karnau ka dinyatauka ngan api. Aghi itu kerjau bilang jemau ka diuji ngan api, mangku keruan regaunyau.

2 KURINTUS 4:17

Mangku tanggungan diau mbak kini kami ghasauka nidau sebeghapau. Itu ka ngasilka keriangan selelamaunyau diau jawua lebia besak, amun dibandingka ngan penanggungantu.

IPISUS 1:2

Aku bedu'a, supayau Allah Bapak kitau ngan Tuhan Yesus Keristus iluak ngan kamu ngan ngenjuakka damai.

KULUSI 1:16

Allah ngajung Diautu njadika gegalaunyau diau adau di sergau ngan di deniau, empuak diau kina'an empuak diau nidau kina'an, lagi pulau gegalau rua diau bekuasau ngan merinta. Gegalaunyautu dijadika karnau Keristus batan endak Keristus.

1 TESALUNIKA 3:13

Ngan carau luak itula Tuhan neguaka ati kamu, mangku kamu beresia, nidau becelakau di adapan Allah Bapak kitau, masau Yesus Tuhan kitau datang ngan gegalau jemau percayau.

2 TIMUTIUS 2:12

Amun kitau beta'an, kitau ka merinta ngan Diau. Amun kitau nidau endak ngaku'i Diau, Diau pulau nidau ngaku'i kitau.

TITUS 2:13

Mbak kini kitau dang nungguka aghi diau meriangka diau kitau ngaghapka itu. Aghitu deniau ka nginak keagungan Allah diau Mahabesak ngan Yesus Keristus, Rajau Penyelamat kitau.

IBRANI 10:27

Diau adau batan endak jemau itu ukuman Allah diau nakutka ngan api besak kematila diau mutungka jemau diau melawan Allah.

IBRANI 12:29

Karnau Allah kitau luak api diau mutungka.

IBRANI 4:1

Itula sebapau iluakla kitauni sepepadau, supayau jangan sughang kiala jak di kamu diau ketinggalan, empungan gi adau janji bulia bada gheghadu.

IBRANI 4:11

Karnau itu mela kitau beusaha bulia bada gheghadutu. Jangan adau diau urung luak ughang senitu ikak nidau ta'at.

IBRANI 4:9

Mangku batan endak umat Allah gi adau aghi gheghadu, aghitu aghi ketujua.

IBRANI 9:28

Luak itu pulau Keristus ngerbanka diriAu cuman sekali ajau endak ngabiska dusau banyak jemau. Mangku Diau ka datang agi ukan endak nanggungka dusau agi, tapitu endak nyelamatka jemau diau nunggu Diau datang.

1 PITRUS 3:22

ngan la nayiak ke sergau. Mbak kini Diau duduak di sebela kanan Allah ngan merinta gegalau malaikat ngan penguasau ngan rua.

2 PITRUS 3:7

Anyautu langit ngan deniau diau adau mbak kini disayia ngan katau Allah, ka dibenasauka pulau ngan api. Diau gi nunggu enggut masau jemau diau nidau keruan Allah diukum ngan dibenasauka.

YUDAS 1:7

Ingatla pulau kuta Sudum ngan Gumura ngan dusun-dusun di ngepungannyau. Jemau kuta itu ngerjauka setu diau semegi ngan malaikat tadi. Ughangtu ngerjauka setu diau ja'at ngan menaugawia ngan ndalak kepuasan diau nidau pantas. Ughangtu la diukum ngan api diau nidau padam-padam, njadi peringatan batan endak gegalau jemau.

PENGINA'AN 1:7

Kina'ila, Diau datang ngan aban! Gegalau matau ka nginak Diau ngan pulau jemau diau la nuja ngan mbunua Diau ngan gegalau bangsau diau adau di deniauni ka nangis berandaian karnau Diau. Nyela nian, amin!

PENGINA'AN 14:10

mangku jemautu ka minum jak di anggur Allah, diautu anggur maraHau diau nidau beundak. Mangku jemautu ka disiksau dalam api ngan belirang di adapan malaikat suci ngan Anak Bebiritu.

PENGINA'AN 14:13

Mangku aku ndengagh suarau jak di sergau ngiciak, “Tuliskala! Mulai mbak kini riangla jemau mati diau mati la percayau ngan Tuhan.” “Nyela!” Katau Rua Allah, “Mangku ughangtu pacak gheghadu jak di kerjaunyau diau ngeriakatu, karnau asil kerjau ughangtu ka maju ngikut ughangtu.”

PENGINA'AN 20:11

La udim itu aku nginak adau kerusi rajau diau putia ngan besak ngan Allah duduak di pucu'au. Langit ngan deniau lengit di adapanNyau mangku nidau bediau agi.

PENGINA'AN 21:4

Diau ka ngusu'i gegalau ayiak-matau jak di matau ughangtu, mangku jemau nidau ka mati agi. Nidau bediau agi kemada'an ngan berandaian, karnau gegalaunyau diau lamau la lalu.”

PENGINA'AN 22:16

“Aku, Yesus, la ngajung malaikat endak ngiciakka gegalaunyautu ngan kamu batan endak jemau Keristen. Akunila pengadau Daud, bintang timur diau terang nian.”

PENGINA'AN 22:6

Mangku malaikattu bekatau ngan aku, “Kici'an ini benagh ngan pacak dipercayaui. Tuhan Allah ngenjuakka RuaHau ngan nabi-nabi. Diau la ngajung malaikatAu endak ngancakka ngan buda'Au setu diau laka tejadi.”

PENGINA'AN 22:9

Anyautu diautu ngiciak ngan aku, “Jangan kaba luak itu! Akuni budak semegi luak kaba ngan kantin-kantin kaba ngan nabi-nabi ngan gegalau jemau diau nuruti ceritau kitab ini. Sembala Allah!”

PENGINA'AN 6:11

Ughangtu padau sughang dienju'i selambagh baju putia mangku dikiciakka ngan ughangtu, bansau ughangtu mesti gheghadu dikit agi, enggut genap itungan kantinau sekerjau diau ka dibunua pulau luak ughangtu.