2 TESALUNIKA 1:3 - PEJANJIAN EMPAI CERITAU ILUAK

³ Kantin-kantinku, kami maju beterimau-kasia ngan Allah karnau kamu. Nyela, semestiau luak itu, karnau kamu tamba percayau ngan Keristus ngan tamba sangi sayangi.

2 TESALUNIKA 1:3 ပူးပေါင်းရင်းမြစ်များ

LUKAS 15:32

Kitau pantas bereriang, karnau ading kaba la mati, mangku ngulang idup, diau la sesat, mangku baliak agi.’ ”

LUKAS 17:5

Mangku rasul-rasul mintak ngan Tuhan, “Teguakala iman kami.”

YUHANIS 15:2

Bilang cangka di Aku diau nidau bebua diteta'Au, mangku bilang cangka diau bebua diberesiaka, supayau buahau tamba lebat.

RUM 1:8

Dulu sekali aku endak ngiciakka, bansau gegalau deniau la ndengagh kamu percayau ngan Keristus. Mangku aku beterimau-kasia ngan Allah karnau ceritau kamutu.

1 KURINTUS 1:4

Aku maju beterimau-kasia ngan Allah, karnau kamu la nerimau keilu'an Allah karnau la seghundak ngan Yesus Keristus, mangku kamu la njadi kayau ngan gegalaunyau, kayau ngan katau, kayau ngan pengertian.

2 KURINTUS 10:15

Kami nidau muji diri kami ngan kerjau jemau diau adau di luagh batas diau ditetapka Allah batan endak kami. Kami ngaghapka kamu tamba percayau ngan Keristus, mangku kami pacak ngerjauka kerjau diau lebia besak agi di guak kamu. Kerjau itu maju adau dalam batas diau ditetapka Allahtu.

IPISUS 5:20

Luak manau kila maju beterimau-kasiala ngan Allah Bapak dalam namau Tuhan kitau Yesus Keristus.

PILIPI 1:7

Gegalau kamu maju adau di atiku. Nyela, sepantasau aku bepeghasauan luak itu tuadap kamu. Gegalau kamu la nulung aku ngan kerjauku diau dienjuakka Allah ngan aku, empuak masau aku dijilka, empuak masau aku na'anka ngan mbenaghka ceritau iluak itu.

PILIPI 1:9

Aku ndu'aka kamu, mangku kamu tamba nyayangi Allah ngan jemau ngan tamba ngeruani diau benagh ngan bepengertian nian.

1 TESALUNIKA 3:12

Kami bedu'a, supayau Tuhan mbuat kamuni tamba sangi sayangi ngan nyayangi gegalau jemau, mangku kamu nyayangi nian, semegi luak kami nyayangi kamu.

1 TESALUNIKA 3:6

Mbak kini Timutius la baliak jak di kamu ngan ngiciakka ngan kami ceritau diau meriangka, bansau kamu maju percayau ngan sangi sayangi. Diau ngiciakka, bansau kamu maju mbuat ingatan diau iluak ngingatka ceritau kami guak kamu, ngan bansau kamu ghindu endak betemu ngan kami, semegi luak kami ghindu endak betemu ngan kamu.

1 TESALUNIKA 3:9

Kami beterimau-kasia nian ngan Tuhan Allah, karnau kami riang tegalau karnau kamu.

1 TESALUNIKA 4:1

Mangku mbak kini, kantin-kantinku, kami ngajung kamu idup melemakka ati Allah, semegi ngan diau la kami kiciakka ngan kamu senitu. Nyela, kamu la ngerjaukanyau. Anyautu mbak kini ngan kuasau Tuhan Yesus kami ngajung kamu tamba beusaha agi melemakka ati Allah.

2 TESALUNIKA 2:1

Ceritau Tuhan kitau Yesus Keristus datang ngan ceritau kitau ditunggalka ngan Diau, inila diau kami ajungka nian ngan kamu:

2 TESALUNIKA 2:13

Kantin-kantinku diau disayangi Tuhan. Kami sepantasau beterimau-kasia ngan Allah karnau kamu, karnau jak di penembai Allah milia kamu batan endak diselamatka karnau kerjau Rua Allah diau njadika kamu umatAu diau beresia, lagi pulau karnau kamu percayau ceritau diau benagh jak di Allah.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

2 PITRUS 1:13

Semasau aku gi idup, aku meghasau pantas ngingatka gegalaunyautu ngan kamu.

2 PITRUS 3:18

Kamu mesti tamba meghasauka keilu'an Tuhan, Rajau Penyelamat kitau Yesus Keristus, ngan tamba ngeruani Diau. Tepujila Diau mbak kini enggut selelamaunyau. Amin.