2 TESALUNIKA 1:10 - PEJANJIAN EMPAI CERITAU ILUAK

¹⁰ Gegalaunyautu ka tejadi, amun Diau datang nanti endak diagungka umatAu ngan diregaui bilang jemau diau percayau. Kamuni pulau ka temasuak umatAu, karnau kamu percayau ngan ceritau diau kami kiciakka ngan kamu.

2 TESALUNIKA 1:10 ပူးပေါင်းရင်းမြစ်များ

MATIUS 16:27

Karnau Anak Manusiau ka datang agi nanti ngan kuasau Bapa'Au, dikantini malaikat-malaikatAu. Masau itu Diau ka mbalas bilang jemau nurut kerjaunyau.

MATIUS 16:28

Keruanila, jak di kamuni di sini adau diau nidau ka mati, amun lum nginak Anak Manusiau datang luak rajau.”

MATIUS 24:36

“Nidau bediau diau keruan, kebilau masaunyau ngan aghiau. Malaikat di sergau nidau keruan, Anak Allah pulau nidau, cuman Bapak ajau keruan.

MATIUS 25:31

“Amun Anak Manusiau datang luak Rajau dikantini gegalau malaikat, mangku Diau ka duduak di bada duduak rajau diau agungtu.

MATIUS 7:22

Masau aghi kiamat banyak jemau ka bekatau ngan Aku, ‘Tuhan, Tuhan, ngan namau Tuhan kami la ngiciakka katau Allah. Ngan namau Tuhan kami la melaratka iblis. Lagi ngan namau Tuhan kami la banyak mbuat tandau nyelia.’

LUKAS 10:12

Ingatkala, masau aghi kiamat banyakla tanggungan jemau kuta itu sangkan jemau Sudum.”

YUHANIS 11:4

Yesus ndengagh ceritau itu, Diau bekatau, “Idapan ini nidau ka mbatak nyawau. Ini tejadi, mangku Allah diagungka, Anak Allah pulau diagungka.”

YUHANIS 17:10

Gegalaunyau diau Kuempu itu, Dighi ngempuau pulau, mangku gegalaunyau diau Dighi empu itu, Aku ngempuau pulau. Aku la diagungka ughangtu.

1 KURINTUS 1:6

Itu tandaunyau, bansau ceritau Keristus la meghesap dalam ati kamu.

1 KURINTUS 3:13

Mangku kerjau bilang jemau ka kina'an, masau Keristus ngulang datang nanti, karnau ka dinyatauka ngan api. Aghi itu kerjau bilang jemau ka diuji ngan api, mangku keruan regaunyau.

GALATIA 1:24

Mangku ughangtu muji Allah karnau aku.

IPISUS 1:12

Mangku kami diau dulu sekali ngaghapka Keristustu ngagungka Allah karnau Diau agung.

IPISUS 1:14

Rua itula njamin kitau ka nerimau setu diau la dijanjika Allah ngan umatAu. Mangku kitau yakin, bansau kitau ka ditebus nian ngan dijadikaNyau umatAu, supayau Allah dipuji karnau keagunganNyau.

IPISUS 1:18

Aku mintak, supayau Diau mbukakka rupu'an kamu, mangku kamu ngerti setu diau kamu aghapka jak di Allah diau milia kamu. Mangku kamu keruan, bansau Allah kayau nian ngan serbau diau iluak diau disediaukaNyau batan endak umatAu.

IPISUS 1:6

Mangku Allah dipuji karnau keilu'anNyau diau agungtu diau dienjuakka ngan kitau karnau Ana'Au Yesus Keristus diau disayangiNyau.

IPISUS 2:7

Allah ngerjauka titu, supayau masau diau ka datang manusiau pacak nginak keilu'an ati Allah diau dinyatauka ngan kitau karnau Yesus Keristus.

IPISUS 3:10

Diau ngerjauka titu, supayau mbak kini jak di jemau Keristen gegalau pengulu ngan penguasau di awang-awang ka ngeruani gegalau pengertian Allah.

IPISUS 3:16

Aku bedu'a, supayau Allah diau kayau ngan agung sekali neguaka ati kamu ngan RuaHau.

1 TESALUNIKA 1:5

Kami ngiciakka ceritau iluak itu ngan kamu ukan ngan katau ajau, tapitu pulau ngan kuasau Rua Allah. Kami percayau nian ceritau iluak itu benagh. Kamu keruan, luak manau kami idup guak kamu batan endak nulung kamu.

1 TESALUNIKA 2:1

Kantin-kantinku, kamuni pulau la keruan, bansau banyak asilau, masau kami datang guak kamu.

1 TESALUNIKA 2:12

Kami ngajagh kamu, neguaka ati kamu ngan ngajung kamu, supayau kamu idup melemakka ati Allah. Karnau Allah ngajak kamu njadi angguta umat Allah ngan ngikut meghasauka keagunganNyau.

1 TESALUNIKA 2:13

Adau semecam agi diau mbuat kami beterimau-kasia ngan Allah. Masau kami ngiciakka ngan kamu ceritau jak di Allah, kamu ndengagh ngan nerimau ceritautu, ukan luak kici'an manusiau, tapitu luak ceritau jak di Allah. La nyela nian katau Allah. Diautu dang bekerjau dalam ati kamu diau percayau.

2 TESALUNIKA 1:12

Ngan carau luak itula Tuhan kitau Yesus diagungka karnau kitau, mangku kamu pulau dipuji Yesus karnau keilu'an ati Allah ngan Tuhan kitau Yesus Keristus.

2 TESALUNIKA 2:13

Kantin-kantinku diau disayangi Tuhan. Kami sepantasau beterimau-kasia ngan Allah karnau kamu, karnau jak di penembai Allah milia kamu batan endak diselamatka karnau kerjau Rua Allah diau njadika kamu umatAu diau beresia, lagi pulau karnau kamu percayau ceritau diau benagh jak di Allah.

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

2 TIMUTIUS 1:12

Itula sebapau aku nanggungka gegalaunyautu, tapitu aku nidau maluan, karnau aku keruan diau kupercayauitu. Aku yakin, bansau setu diau la dipercayauka ngan aku pacak Diau jagaui enggut aghi kiamat.

2 TIMUTIUS 1:18

Diau pulau banyak nulung aku masau di Ipisus. Ceritau itu kaba keruan. Aku bedu'a, supayau Tuhan iluak ngan diau masau aghi kiamat.

2 TIMUTIUS 4:8

Mbak kini adia menang la nunggu aku, karnau idupku la dibenaghka Allah. Masau aghi kiamat, Tuhan akim diau adil ka nyeraka adiatu ngan aku. Ukan aku ajau diau ka nerimau adiatu, tapitu gegalau jemau diau nungguka nian Tuhan datang.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.