2 PITRUS 3:15 - PEJANJIAN EMPAI CERITAU ILUAK

¹⁵ Tuhan kitau ngaligh. Anggapla masau ini diau dienjuakka ngan kitau, supayau pacak selamat. Paulus, kantin kitau diau disayangi, la nulis pulau luak itu ngan kamu. Diau nulis titu nurut pengertian diau dienjuakka Allah ngan diau.

2 PITRUS 3:15 ပူးပေါင်းရင်းမြစ်များ

LUKAS 21:15

Akunila ka ngenjuakka ngan kamu katau-katau ngan kepintaran, mangku nidau sughang kia jak di musua kamu pacak melawan ngan nyalaka kamu.

RASUL 15:25

Itula sebapau kami la buijau, mangku gegalaunyau tetuju galau endak milia bebeghapau ughang ngajung ughangtu pegi njenguak kapu dighi serempak ngan kantin kitau Paulus ngan Barnabas diau kami sayangi.

RASUL 7:10

dilepaskaNyau jak di gegalau sengsaraunyau, dienjuakkaNyau pengertian, masau ngadap Piraun, rajau Mesirtu. Mangku Piraun ngenjuakkanyau kuasau nguasaui nenggeri Mesir ngan ngurus gegalau istana Pirauntu.

RASUL 9:17

Mangku Ananias pegi ke situ masuak ghumatu, ditepiakkanyau tanganau di pucuak palak Saulus. Katau Ananias, “Tuhan Yesus diau kaba kinak di tenga jalan masau kaba endak ke sini, Diau ngajung aku njenguak kaba, supayau kaba pacak nginak agi ngan dikuasaui Rua Allah.”

RUM 2:4

Apu kamu nganggap mura karnau Allah iluak, ngaligh ngan lambat ngukum? Cengki kamu keruan, bansau Allah iluak karnau Diau endak, supayau kamu ngubai jak di dusau-dusau kamu.

1 KURINTUS 12:8

Ngan diau sughang Ruatu ngenjuakka kuasau, mangku pacak ngiciak ngan pengertian. Ngan jemau lain Rua diau semegitu ngenjuakka kuasau, mangku diau pacak ngiciakka katau Allah.

1 KURINTUS 2:13

Mangku, amun kami ngiciakka Allah ngan jemau diau adau Rua Allah, kami nidau ngiciakkaNyau nurut rupu'an jemau, tapitu nurut ajaghan Rua Allah.

1 KURINTUS 3:10

Ngan pengertian diau dienjuakka Allah, aku luak tukang negakka ghuma la mbuat pelapiak batan endak ghuma itu, mangku jemau negakka ghuma di pucuak pelapiaktu. Bilang jemau mesti ngeruani, luak manau negak di pucu'autu.

IPISUS 3:3

Allah la nyatauka resiau rencanauNyau ngan dikiciakka ngan aku. Ceritau itu tadi la kutuliska dikit.

1 TIMUTIUS 1:16

Anyautu Allah nyialka aku, mangku Yesus Keristus pacak nyatauka gegalau kengalighanNyau ngan aku, jemau diau paling bedusauni. Mangku aku njadi penauan batan endak jemau diau ka percayau nanti ngan bulia idup selelamaunyau.

YAKUBUS 1:5

Amun adau jemau jak di kamu diau kurang bepengertian, jemautu mesti mintak ngan Allah, mangku Allah ka ngenjuakka pengertian ngan diau, karnau ngan bilang jemau Allah ngenjuak ngan riang, nidau ngungkit.

YAKUBUS 3:17

Anyautu jemau diau adau pengertian jak di sergau, diau penting sekali supayau jemautu tulus, mangku galak bedamai, galak begaul ngan belagham. Diau nyialka jemau nian ngan ngerjauka diau iluak, diau nidau mihak ngan nidau cak iluak.

1 PITRUS 3:20

diautu rua jemau diau nidau ta'at ngan Allah timpau Nua. Masau itu Allah nunggu ngan ngaligh, masau Nua mbuat kapalau. Cuman jemau diau adau di kapaltu, gegalaunyau delapan ughang, diau diilakka karnau ayiak merampus.

2 PITRUS 3:2

Aku endak, supayau kamu ngingatka kici'an diau la senitu dikiciakka nabi-nabi Allah ngan perinta Tuhan, Rajau Penyelamattu, diau la dikiciakka rasul-rasul ngan kamu.

2 PITRUS 3:9

Tuhan nidau lambat nepati janjiAu, empuak adau diau nganggap luak itu. Anyautu Diau ngaligh ngan kamu, karnau Diau endak, supayau jangan adau diau benasau. Diau endak, supayau gegalau jemau ngubai jak di dusaunyau.