2 PITRUS 2:19 - PEJANJIAN EMPAI CERITAU ILUAK

¹⁹ Guru tadi njanjika kebibasan ngan jemau, awuak ughang itula dibudakka kerjau diau merusakka manusiau, karnau amun jemau dikalaka, mangku diau njadi budak setu diau ngalakanyautu.

2 PITRUS 2:19 ပူးပေါင်းရင်းမြစ်များ

YUHANIS 8:34

Yesus bekatau ngan ughangtu, “Percayaula katauKu ini: Jemau diau bebuat dusau jemautu budak dusau.

RASUL 19:16

Mangku jemau diau diarung iblistu nerengkam ughangtu, dibaduki ngan dikalakanyau. Mangku ughangtu belaghi jak di ghumahau ngan telanjang ngan lukau-lukau.

GALATIA 5:1

Kitau mbak kini bibas, karnau Keristus la mbibaska kitau. Karnau itu ta'ankala kebibasan kamu, jangan endak dibudakka agi.

GALATIA 5:13

Kantin-kantinku, nyela kamutu la diajung njadi jemau diau bibas. Anyautu jangan kebibasantu njadi tapakan endak idup nuruti kendak dusau. Tapitu kamu mesti sangi sayangi ngan sangi tulungi.

2 TIMUTIUS 2:26

Ngan carau luak itu jemautu njadi jagau ngan luput jak di jeghat iblis diau la nangkap diau, masau diau ngikuti kendak iblistu.

TITUS 3:3

Karnau senitu kitau pulau idup bigal, nidau ta'at, sesat. Kitau dibudakka bemecam serilau ngan kendak. Idup kitau ja'at, sengit, sangi luatka.

1 PITRUS 2:16

Idupla luak jemau bibas. Jangan makai kebibasan kamutu batan endak nukupi keja'atan. Anyautu idupla luak budak Allah.

2 PITRUS 1:4

Ngan carau luak itula kitau la nerimau janji diau iluak ngan beregau diau la dijanjikaNyau, mangku kamu pacak bibas jak di serilau diau ja'at diau mbenasauka deniau, mangku kamu ngikut meghasauka sipat Allah.

2 PITRUS 2:20

Amun sughang jemau la keruan Tuhan ngan Rajau Penyelamat kitau Yesus Keristus, diau la bibas jak di kuasau deniau diau merusakka manusiau. Anyautu amun diau ngulang agi dikuasauinyau, mangku diau tamba pansan agi jak di senitu.