2 PITRUS 2:14 - PEJANJIAN EMPAI CERITAU ILUAK

¹⁴ Ughangtu dikuasaui serilau menaugawia, nidau kekela puas mbuat dusau. Ughangtu mikati jemau diau nidau tegua percayau. Ughangtu la tebasi selak. Ughangtu jemau meghakau!

2 PITRUS 2:14 ပူးပေါင်းရင်းမြစ်များ

MATIUS 12:34

Ui, kamu jemau ja'at. Manau ka adau kamu pacak ngiciakka setu diau iluak, amun kamu ja'at. Setu diau dikiciakka mulut, itula diau ngeluagh jak di ati.

MATIUS 23:14

Celakaula kapu dighi, ai guru-guru ukum Taurat ngan jemau Parisi, kapu dighi jemau cak alim. Kapu dighi nipuka randau-randau ngan ngambiak ghumahau, mangku mbunika perembak kapu dighi ngan bedu'a panjang-panjang. Karnau itu ukuman kapu dighi ka beghat.

MATIUS 25:41

Mangku Rajau itu ka bekatau ngan jemau di sebela kidauNyau, ‘Laratla jak di adapanKu! Kamu jemau keparat. Pegila ke dalam api diau nidau ka padam-padam, diau disediauka batan endak Iblis ngan anak-buahau.

MATIUS 5:28

Anyautu mbak kini Aku bekatau ngan kamu: Jemau diau nginak sughang tinau ngan ngibaukanyau, jemautu la menaugawia ngan tinautu dalam atiau.

MARKUS 13:22

karnau ka adau cak penyelamat ngan cak nabi. Ughangtu ka ngerjauka tandau-tandau nyelia, mangku amun pacak, endak nipuka umat Allah pulau.

YUHANIS 5:44

Kapu dighi ndalak puji jak di sughang ngan diau lain, nidau beusaha ndalak puji jak di Allah diau Esa. Luak manau kapu dighi pacak percayau?

RUM 16:18

karnau jemau diau ngerjauka titu ukan bekerjau batan endak Keristus, Tuhan kitau. Jemau itu bekerjau batan endak muaska serilaunyau. Ngan makai katau diau iluak ngan lemak didengagh ughangtu nipuka jemau diau iluak.

1 KURINTUS 11:19

Nyela, sepantasau adau pepecahan di antarau jemau Keristen, supayau kina'an, sapau jak di kamu diau Keristen diau ngenian.

IPISUS 2:3

Sebenaghau senitu gegalau kitau semegi ngan ughangtu. Kitau nuruti serilau manusiau ngan ngerjauka sekendak badan ngan rupu'an kitau diau ja'at. Masau itu kitau jemau diau kenau mara Allah semegi ngan jemau laintu.

IPISUS 4:14

Mangku kitau ukan agi luak budak keciak diau diumbang-ambingka ngan dibatak ke situ ke sini karnau bemecam-mecam ajaghan jak di jemau diau cak calak. Ughangtu nyesatka jemau ngan tipuan.

KULUSI 2:18

Jangan enangka kamu dirugika jemau nerimau hak kamu. Jemautu cak ngensian, cak alim ngan nyemba malaikat. Jemautu geduak, karnau rupu'annyau rupu'an deniau. Diautu nganggap diriau lebia, karnau adau pengina'an.

2 PITRUS 2:18

Ughangtu muji diriau ngan kici'an bigal. Ngan serilau diau nidau senangaian ughangtu mikati jemau diau empai bibas jak di guak jemau diau idupau sesat.

2 PITRUS 2:3

Ughangtu selak, mangku ughangtu ndalak untung jak di kamu ngan ngiciakka ceritau mbu'ung. Anyautu ukuman ughangtu la lamau ditetapka. Ughangtu ka cepat diukum mangku benasau.

2 PITRUS 3:16

Di gegalau suratau diau nulis ceritau itu. Nyela, dalam suratautu adau diau segau dikeruani, mangku jemau diau nidau ngeruaninyau ngan nidau tegua imanau ngubai retiau. Ughangtu ngerjauka titu ngan gegalaunyau diau ditulis dalam Injil, mangku ughangtu ka benasau.

1 YUHANIS 2:16

Karnau gegalaunyau diau adau di deniauni, kendak ati kendak matau, gegalaunyautu asalau jak di deniau, ukan jak di Allah Bapak.

YUDAS 1:11

Ughangtu celakau! Ughangtu ngikuti jalan Kain. Ughangtu endak tanci, mangku ncelakauka diriau ngan sesat luak Biliam. Ughangtu ka benasau karnau melawan luak Kura.

PENGINA'AN 12:9

Mangku nagau besaktu dicapakka keluagh. Diautu ulagh tuau diau dikiciakka Iblis ngan Sitan diau nyesatka gegalau deniau. Mangku diau diumbanka ke deniau. Luak itu pulau anak-buahautu.