2 PITRUS 1:9 - PEJANJIAN EMPAI CERITAU ILUAK

⁹ Anyautu jemau diau nidau bediau gegalaunyautu diau luak jemau butau, nidau banyak ngerti. Diau nidau teghingat agi, bansau dusaunyau diau senitu la diabiska.

2 PITRUS 1:9 ပူးပေါင်းရင်းမြစ်များ

MARKUS 10:21

Yesus ngina'i jemautu ngan nyayanginyau, katauNyau, “Cuman semecam agi diau lum kaba kerjauka: Pegila, jualka setu diau adau di kaba, enjuakkala tanciau ngan jemau serik, mangku kaba dapat retau di sergau. La udim itu mela ke sini ngikut Aku.”

LUKAS 18:22

Ndengagh kici'annyautu Yesus bekatau, “Masia adau semecam agi diau mesti kaba kerjauka: Jualkala gegalau retau kaba, enjuakka tanciautu ngan jemau serik, mangku kaba ka bulia retau di sergau. La udim itu datangla ke sini ngikut Aku.”

RUM 6:11

Kamu pulau mesti nganggap diri kamu mati batan endak dusau, tapitu idup batan endak Allah karnau seghundak ngan Yesus Keristus.

GALATIA 5:13

Kantin-kantinku, nyela kamutu la diajung njadi jemau diau bibas. Anyautu jangan kebibasantu njadi tapakan endak idup nuruti kendak dusau. Tapitu kamu mesti sangi sayangi ngan sangi tulungi.

GALATIA 5:6

Karnau amun kitau la idup seghundak ngan Keristus, apu besunat apu nidau besunat, itu nidau bediau retiau. Diau penting, percayau ngan Keristus, mangku itu nyatau ngan sayang kitau ngan jemau.

IPISUS 5:26

Diau ngerjauka titu endak mberesiaka ughangtu ngan ajaghanNyau ngan ayiak baptisan, mangku pacak diseraka ngan Allah.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

IBRANI 9:14

apau agi dagha Keristus. Karnau Rua diau selelamaunyau Keristus nyeraka diriAu njadi kerban diau nidau becacat batan endak Allah. DaghaHautu mberesiaka ati kitau jak di kerjau diau nidau begati, mangku kitau pacak nyemba Allah diau idup.

1 PITRUS 3:21

Gegalaunyautu umpamau baptisan diau mbak kini nyelamatka kamu. Baptisantu ukan batan endak mberesiaka badan jak di gegalaunyau diau kumua, anyautu njadi janji ngan Allah jak di ati keciak diau iluak. Baptisantu nyelamatka kamu, karnau Yesus Keristus la idup jak di mati

1 YUHANIS 1:7

Anyautu amun kitau idup dalam terang, luak Allah adau dalam terang, kitau idup suijauan sughang ngan diau lain, mangku dagha Yesus, Ana'Au, mbasua kitau jak di gegalau dusau.

PENGINA'AN 3:17

Kaba bekatau, ‘Aku kayau, gegalaunyau la adau, nidau kurang tuapau-apau.’ Kaba nidau keruan, bansau kaba sarau ngan malang, lagi serik, butau ngan telanjang.