2 PITRUS 1:8 - PEJANJIAN EMPAI CERITAU ILUAK

⁸ Amun gegalaunyautu adau galau di kamu, kamu nidau ka malas, mangku buasil ngan tamba ngeruani Tuhan kitau Yesus Keristus.

2 PITRUS 1:8 ပူးပေါင်းရင်းမြစ်များ

MATIUS 13:22

Benia diau tumban di pugan ghumput bedughi ibarat jemau diau ndengagh kici'an itu. Anyautu diau ghegak ngan idupau, endak idup lemak ngan riang ajau di deniau ini. Mangku kici'an tadi nidau pacak mendam di atiau, mangku endiak bebua.

MATIUS 20:3

Kekirau kindang aghi diau pegi agi, dikina'i adau jemau dang nganggur di pekan.

MATIUS 20:6

Aghi la petang diau pegi agi, mangku nginak gi adau jemau nganggur, mangku diau betanyau ngan ughangtu, ‘Ngapau kamu maju betegak di sini sesaghian, nidau ngerjauka tuapau-apau?’

MATIUS 25:26

‘Ui, kabani anak-bua diau ja'at ngan malas! Kaba la keruan aku ngetam setu diau nidau kutanam ngan ngambiak asilau di bada diau nidau kuamburka benia.

YUHANIS 15:2

Bilang cangka di Aku diau nidau bebua diteta'Au, mangku bilang cangka diau bebua diberesiaka, supayau buahau tamba lebat.

YUHANIS 17:3

Retiau idup empai selelamaunyau itula ngeruani Dighi, Allah diau sebenaghau diau gi sughang itula ngan ngeruani Yesus Keristus diau la Dighi ajung.

YUHANIS 5:42

Aku keruan kapu dighi, Aku keruan kapu dighi nidau nyayangi Allah dalam ati.

RUM 12:11

Rajinla bekerjau, jangan malas. Bekerjaula batan endak Tuhan ngan riang jak di Rua Allah.

1 KURINTUS 15:58

Karnau itu, kantin-kantinku diau kusayangi, kuatkala ngan teguakala iman kamu. Bekerjaula maju batan endak Tuhan ngan ngenianau, karnau kamu keruan, bansau kerjau kamu batan endak Tuhan nidau ka keria ajau.

2 KURINTUS 13:5

Cubau uji diri kamu, apu kamu ngenian idup percayau ngan Keristus. Cengki kamu ka ngeruani, bansau Yesus Keristus adau di ati kamu, lain amun kamu nidau percayau nian.

2 KURINTUS 8:2

Ughangtu la meghasauka penanggungan diau beghat, anyautu ughangtu maju riang nian ngan ngenjuak nidau dikit nulung jemau, empuak serik nian.

2 KURINTUS 8:7

Keilu'an adau galau di kamu. Carau kamu percayau, carau kamu nyatauka pendapat, carau kamu pengertian, carau kamu nulung jemau ngenian, carau kamu nyayangi kami iluak galau. Karnau itu mbak kini iluakla kamu ngerjauka kerjau diau iluaktu pulau.

2 KURINTUS 9:14

Mangku ughangtu ka ndu'aka kamu ngan sayang nian ngan kamu, karnau Allah iluak nian ngan kamu.

PILIPI 1:9

Aku ndu'aka kamu, mangku kamu tamba nyayangi Allah ngan jemau ngan tamba ngeruani diau benagh ngan bepengertian nian.

PILIPI 2:5

Kamu mesti adau rupu'an ngan peghasauan luak Yesus Keristus.

PILIPI 3:8

Gegalaunyau kuanggap rugi, karnau beregaula ngeruani Keristus Tuhanku sangkan gegalaunyautu. Karnau Diautu, mangku aku ninggalka gegalaunyau. Kuanggap gegalaunyautu sesara, supayau aku bulia Keristus

KULUSI 1:10

Mangku kamu pacak idup nurut kendak Allah ngan maju melemakka atiAu, mangku ngan tuapau kila kamu pacak ngerjauka diau iluak ngan tamba ngeruani setu diau benagh ceritau Allah.

KULUSI 2:7

ngan buakagh dalam Diau, mangku tamba bepaut ngan Diau ngan tamba tegua percayau nurut setu diau la diajaghka ngan kamu. Mangku ati kamu mesti banyak beterimau-kasia.

KULUSI 3:16

Ajaghan Keristus mesti bekerjau dalam ati kamu ngan carau diau iluak. Mangku sangi ajaghila ngan sangi retika ngan bepengertian nian. Nyanyikala masmur ngan pujian ngan lagu ruhani batan endak Allah sampai beterimau-kasia dalam ati.

1 TESALUNIKA 3:12

Kami bedu'a, supayau Tuhan mbuat kamuni tamba sangi sayangi ngan nyayangi gegalau jemau, mangku kamu nyayangi nian, semegi luak kami nyayangi kamu.

1 TESALUNIKA 4:1

Mangku mbak kini, kantin-kantinku, kami ngajung kamu idup melemakka ati Allah, semegi ngan diau la kami kiciakka ngan kamu senitu. Nyela, kamu la ngerjaukanyau. Anyautu mbak kini ngan kuasau Tuhan Yesus kami ngajung kamu tamba beusaha agi melemakka ati Allah.

2 TESALUNIKA 1:3

Kantin-kantinku, kami maju beterimau-kasia ngan Allah karnau kamu. Nyela, semestiau luak itu, karnau kamu tamba percayau ngan Keristus ngan tamba sangi sayangi.

1 TIMUTIUS 5:13

Lagi pulau ngan ngeluagh masuak ghuma jemau diau belajagh malas. Mangku lebia ja'at agi diau ngiciakka jemau, ncampuri urusan jemau ngan ngiciakka setu diau nidau pantas.

TITUS 3:14

Jemau kitau mesti belajagh maju ngerjauka setu diau iluak, supayau pacak ncukupi setu diau enda'au diau penting. Mangku idup ughangtu begunau.

PILEMUN 1:6

Kitau la disatuka karnau percayau ngan Keristus. Mangku aku bedu'a, supayau kaba tamba ngerti keilu'an diau dienjuakka ngan kitau karnau seghundak ngan Keristus.

IBRANI 6:12

Kami enggup kamu njadi malas. Kami endak, supayau kamu idup luak jemau diau nunggu ngan ngaligh endak nerimau setu diau dijanjika Allah, karnau percayau ngan Diau.

2 PITRUS 1:2

Aku bedu'a, supayau Allah iluak nian ngan kamu ngan maju ngenjuakka damai, mangku kamu maju tamba keruan Allah ngan Yesus, Tuhan kitau.

2 PITRUS 1:3

Allah la makai kuasauNyau endak ngenjuakka ngan kitau gegalaunyau diau kitau enda'au, mangku pacak idup alim. Titu dikerjaukaNyau, karnau kitau keruan Keristus diau la milia kitau endak ngikut meghasauka keilu'an ngan keagunganNyau.

2 PITRUS 2:20

Amun sughang jemau la keruan Tuhan ngan Rajau Penyelamat kitau Yesus Keristus, diau la bibas jak di kuasau deniau diau merusakka manusiau. Anyautu amun diau ngulang agi dikuasauinyau, mangku diau tamba pansan agi jak di senitu.

2 PITRUS 3:18

Kamu mesti tamba meghasauka keilu'an Tuhan, Rajau Penyelamat kitau Yesus Keristus, ngan tamba ngeruani Diau. Tepujila Diau mbak kini enggut selelamaunyau. Amin.