2 PITRUS 1:5 - PEJANJIAN EMPAI CERITAU ILUAK

⁵ Karnau itu kamu beusahala nian, supayau kamu maju percayau ngan Keristus. Mangku percayau kamu ditamba ngan kerjau diau iluak. Kerjau diau iluak ditamba ngan ngeruani kendak Allah.

2 PITRUS 1:5 ပူးပေါင်းရင်းမြစ်များ

LUKAS 16:26

Lagi di entaghau kaba ngan kami adau badas diau dalam nian, mangku jemau jak di sini nidau pacak ke situ, jemau jak di situ nidau pacak ke sini.’

LUKAS 24:21

Awuak kami senitu ngaghapka, bansau Diautu jemau diau ka datang endak mbibaska bangsau Israil. Mangku la duau malam jak gegalaunyautu tejadi.

YUHANIS 6:27

Jangan bekerjau endak ngerjauka makanan diau ka busuak. Bekerjaula ajau endak makanan diau nidau ka busuak ngan ngenjuakka idup empai selelamaunyau. Makanantu ka dienjuakka Anak Manusiau ngan kapu dighi, karnau Diautu la ditetapka Allah Bapak.”

1 KURINTUS 14:20

Jangan kamu berupuak luak rupu'an budak keciak. Amun ngan keja'atan nengkela kamu luak budak keciak, tapitu rupu'an kamu mesti njadi luak rupu'an jemau besak.

IPISUS 5:17

Jangan kamu bigal, anyautu beusahala ngeruani kendak Tuhan.

PILIPI 1:9

Aku ndu'aka kamu, mangku kamu tamba nyayangi Allah ngan jemau ngan tamba ngeruani diau benagh ngan bepengertian nian.

PILIPI 2:12

Kantin-kantinku diau kusayangi, kamu maju ta'at ngan aku, masau aku guak kamu, mangku mbak kini masau aku jawua, kamu mesti lebia ta'at agi. Beusahala maju, supayau keselamatan kamu njadi nyatau. Kerjaukala titu ngan takut ngan meregaui Allah.

PILIPI 4:8

Mangku, kantin-kantinku, rupuakkala setu diau begunau ngan pantas dipuji, gegalaunyau diau benagh, diau diregaui, diau adil, diau beresia, diau alap ngan iluak.

KULUSI 1:9

Itula sebapau jak ndengagh ceritau kamu, kami maju ndu'aka kamu. Kami mintak ngan Allah, supayau kamu dienjuakka pengertian endak ngeruani kendak Allah nian.

KULUSI 2:3

Keristus itula kunci ngeruani gegalau keilu'an ngan pengertian Allah diau lum dikeruani.

IBRANI 11:6

Amun nidau percayau, nidau ka adau Allah riang ngan jemau. Karnau jemau diau datang ngadap Allah mesti percayau, bansau Allahtu adau, ngan ngenjuakka upa ngan jemau diau ndala'i Diau ngenian.

IBRANI 12:15

Jagauila, supayau jangan adau diau njawuaka diriau jak di keilu'an Allah, supayau jangan adau akagh diau beracun tumbua di guak kamu, mangku nimbul kekacauan ngan merusak banyak jemau karnau racunau.

IBRANI 6:11

Kami endak supayau bilang kamu maju ngerjaukanyau nian enggut mati, mangku kamu ka nerimau setu diau kamu aghapkatu.

1 PITRUS 3:7

Mangku kamu pulau diau njadi laki, kamu semestiau idup ngan bini kamu ngan jagau, bansau diautu jemau nidau kuat. Regauila diau, karnau diau pulau luak kamu ka dienjuakka Allah idup selelamaunyau. Kerjaukala itu, mangku nidau bediau diau ngalangi du'a kamu.

2 PITRUS 1:10

Karnau itu, kantin-kantinku, beusahala nian, supayau pilian Allah di kamu tamba tegua. Amun kamu ngerjauka titu, kamu nidau ka ngelipat.

2 PITRUS 1:11

Mangku kamu ka dienju'i nian hak masuak sergau, itu kerajauan diau selelamaunyau jak di Tuhan ngan Rajau Penyelamat kitau Yesus Keristus.

2 PITRUS 3:14

Karnau itu, kantin-kantinku diau kusayangi, penarau nantika gegalaunyautu, beusahala nian, supayau kamu idup beresia ngan nidau becacat di adapan Allah ngan maju idup damai ngan Allah.

2 PITRUS 3:18

Kamu mesti tamba meghasauka keilu'an Tuhan, Rajau Penyelamat kitau Yesus Keristus, ngan tamba ngeruani Diau. Tepujila Diau mbak kini enggut selelamaunyau. Amin.