2 PITRUS 1:4 - PEJANJIAN EMPAI CERITAU ILUAK

⁴ Ngan carau luak itula kitau la nerimau janji diau iluak ngan beregau diau la dijanjikaNyau, mangku kamu pacak bibas jak di serilau diau ja'at diau mbenasauka deniau, mangku kamu ngikut meghasauka sipat Allah.

2 PITRUS 1:4 ပူးပေါင်းရင်းမြစ်များ

RUM 9:4

Jemau Israil dipilia Allah, la dijadika ana'Au. KuasauNyau la dinyatauka ngan ughangtu. Diautu la bejanji ngan ughangtu, la dienjuakka ukum Taurat, la dikiciakka carau sembayang ngan janji-janjiAu.

2 KURINTUS 1:20

Gegalau janji la “au” galau dalam Keristus. Karnau itu kitau ngiciakka “nyela nian” endak ngagungka Allah karnau Diau.

2 KURINTUS 3:18

Mangku di kitauni kina'an keagungan Tuhan, karnau rupu'an kitau nidau tetutup, mangku kitau maju diubai njadi luak Diau. Tamba lamau kitau tamba besinagh karnau keagungan diau asalau jak di Tuhan diautu Rua.

2 KURINTUS 6:17

Karnau itu, “Tinggalkala jemau diau nidau keruan Allah, jawuaka diri kamu jak di ughangtu. Jangan ngecakka setu diau aram, mangku Aku ka nerimau kamu.

GALATIA 3:16

Janji-janji Allah dijanjikaNyau ngan Abraham ngan jemau pengadau Abraham. Di Injil nidau ditulis, “ngan pengadau-pengadau Abraham”, retiau banyak jemau. Diau ditulis di situ, “ngan jemau pengadau kaba”, retiau gi sughang ajau, diautu Keristus.

GALATIA 6:8

Amun jemau beperembak nurut serilaunyau, asilau kematian. Amun jemau beperembak nurut bimbingan Rua Allah, asilau idup selelamaunyau jak di Rua itu.

IPISUS 4:13

Ngan carau luak itu gegalau kitau njadi seghundak, karnau kitau semegi percayau ngan Keristus ngan ngeruani diau benagh ceritau Anak Allah. Mangku kitau njadi jemau percayau diau la wagat diau tamba lamau tamba sempernau luak Keristus.

KULUSI 3:10

Mbak kini kamu la adau idup empai. Kamu manusiau empai diau maju diempaika njadi luak gambaran Allah, mangku kamu keruan Allah luak Diau sebenaghau.

IBRANI 12:10

Bak kitau di deniauni ngajagh kitau masau jerang ajau, nurut setu diau dighasauka iluak. Anyautu Allah ngajagh kitau batan endak keilu'an kitau, mangku kitau njadi beresia luak Diau.

IBRANI 9:15

Karnau kerjau Keristustu Allah mbuat pejanjian diau empai, mangku jemau diau la dipilia Allah pacak nerimau setu diau la dijanjikaNyautu. Keristus la mati endak mbibaska jemau jak di salahau diau dibuat masau pejanjian diau dulu masia dipakai.

YAKUBUS 1:27

Keta'atan agamau diau ngenian nurut Allah Bapak, itu nulung jemau anak umang ngan randau diau sengsarau ngan njagaui diri, mangku jangan dirusakka deniau.

2 PITRUS 1:1

Jak di Simun Pitrus, budak ngan rasul Yesus Keristus, batan endak jemau diau percayau semegi luak kami, karnau la dibenaghka Allah ngan Yesus Keristus, Rajau Penyelamat kitau.

2 PITRUS 3:13

Anyautu kitauni nantika setu diau la dijanjika Allah, langit diau empai ngan deniau diau empai. Di situ kendak Allah ka dituruti galau.

2 PITRUS 3:9

Tuhan nidau lambat nepati janjiAu, empuak adau diau nganggap luak itu. Anyautu Diau ngaligh ngan kamu, karnau Diau endak, supayau jangan adau diau benasau. Diau endak, supayau gegalau jemau ngubai jak di dusaunyau.

1 YUHANIS 2:25

Mangku inila janjiAu: idup selelamaunyau.

1 YUHANIS 3:2

Kantin-kantinku diau kusayangi. Mbak kini kitau anak Allah. Anyautu lum kina'an, luak manau kitau nanti. Mangku kitau keruan, amun Keristus datang, kitau ka njadi luak Diau, karnau kitau ka nginak Diau luak manau Diau sebenaghau.