2 PITRUS 1:3 - PEJANJIAN EMPAI CERITAU ILUAK

³ Allah la makai kuasauNyau endak ngenjuakka ngan kitau gegalaunyau diau kitau enda'au, mangku pacak idup alim. Titu dikerjaukaNyau, karnau kitau keruan Keristus diau la milia kitau endak ngikut meghasauka keilu'an ngan keagunganNyau.

2 PITRUS 1:3 ပူးပေါင်းရင်းမြစ်များ

MATIUS 28:18

Yesus masighi ughangtu ngan bekatau, “Gegalau kuasau di sergau ngan di deniau la diseraka ngan Aku.

RUM 8:32

Allahtu rila nyeraka Ana'Au batan endak kitau galau. Baghia Diau nidau ngenjuakka ngan kitau gegalaunyau diau lainau.

RUM 9:24

kitau diau la dipilia ukan cuman jak di jemau Yahudi, tapitu jak di jemau bangsau lain pulau.

1 KURINTUS 1:9

Allah ka ngerjaukanyau. Diautu pacak dipercayaui nian. Diaula milia kamu njadi seghundak ngan Ana'Au Yesus Keristus, Tuhan kitau.

2 KURINTUS 12:9

Tuhan nimbal, “Aku nyayangi kaba, jadila batan endak kaba. Amun kaba litak, mangku kuasauku ka nyatau nian.” Karnau itu aku riang nian muji kelita'anku, mangku Keristus njagaui aku ngan kuasauNyau.

IPISUS 4:1

Itula sebapau, aku sughang kawalan diau dikawalka karnau bekerjau batan endak Tuhan. Mangku aku mintak nian, supayau kamu diau la dipilia Allah idup sesuai ngan piliantu.

IPISUS 4:4

Cuman adau sutiak badan ngan sutiak Rua. Luak itu pulau kamu dipilia batan endak ngaghapka setu diau semegi.

PILIPI 3:8

Gegalaunyau kuanggap rugi, karnau beregaula ngeruani Keristus Tuhanku sangkan gegalaunyautu. Karnau Diautu, mangku aku ninggalka gegalaunyau. Kuanggap gegalaunyautu sesara, supayau aku bulia Keristus

PILIPI 4:8

Mangku, kantin-kantinku, rupuakkala setu diau begunau ngan pantas dipuji, gegalaunyau diau benagh, diau diregaui, diau adil, diau beresia, diau alap ngan iluak.

KULUSI 1:16

Allah ngajung Diautu njadika gegalaunyau diau adau di sergau ngan di deniau, empuak diau kina'an empuak diau nidau kina'an, lagi pulau gegalau rua diau bekuasau ngan merinta. Gegalaunyautu dijadika karnau Keristus batan endak Keristus.

1 TESALUNIKA 2:12

Kami ngajagh kamu, neguaka ati kamu ngan ngajung kamu, supayau kamu idup melemakka ati Allah. Karnau Allah ngajak kamu njadi angguta umat Allah ngan ngikut meghasauka keagunganNyau.

1 TESALUNIKA 4:7

Allah milia kitau, ukan supayau kitau idup ja'at, tapitu supayau kitau idup beresia.

2 TESALUNIKA 2:14

Batan endak itula kamu diajak karnau ceritau iluak diau la kami kiciakka ngan kamu, mangku kamu ngikut meghasauka keagungan Yesus Keristus, Tuhan kitau.

1 TIMUTIUS 4:8

Melatia badan gi dikit gunaunyau. Melatia rua banyak gunaunyau, karnau adau janji batan endak idup mbak kini ngan idup nanti.

2 TIMUTIUS 1:9

Allahtu nyelamatka kitau ngan milia kitau, supayau njadi umatAu. Titu dikerjaukaNyau ukan karnau setu diau kitau kerjauka, tapitu karnau rencanauNyau ngan keilu'anNyau itula. Keilu'anNyautu dienjuakka ngan kitau karnau Yesus Keristus, antak ka deniauni dijadika.

IBRANI 1:3

Di Diautula tekinak keagungan Allah diau besinagh. Gegalau sipat Allah adau di Diau galau. Diautu pulau nyayia gegalaunyau ngan katauNyau diau bekuasau nian. Diautu dipakuka di kayu salip, mangku dusau manusiau pacak diabiska. Udim itu Diau duduak di sebela kanan Allah diau Mahakuasau di bada diau tinggi.

1 PITRUS 1:15

Anyautu gegalaunyau diau kamu kerjauka mesti suci, luak Allah diau milia kamutu suci.

1 PITRUS 1:5

Gegalaunyautu batan endak kamu, karnau kamu percayau ngan Allah, mangku kamu dijagaui kuasau Allah, supayau kamu nerimau keselamatan diau dinyatauka masau pengabisan saman.

1 PITRUS 2:21

Batan endak itula kamu la dipilia Allah, karnau Keristus la sengsarau batan endak kamu mangku njadi penauan batan endak kamu, supayau kamu ngikut carauNyau.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

1 PITRUS 3:9

Jangan mbalas setu diau ja'at ngan ja'at, apu maki ngan maki. Anyautu balaskala ngan mintak setu diau iluak jak di Allah. Karnau batan endak itula kamu dipilia Allah, supayau kamu nerimau setu diau iluak jak di Diau.

1 PITRUS 5:10

Udim kamu sengsarau jerang, mangku Allah ka ndandani kamu. Diau ka ngenjuakka pelapiak diau kuat ngan neguaka ati kamu, karnau Allahtu iluak. Diautu la milia kamu endak seghundak ngan Keristus, mangku kamu meghasauka keagunganNyau diau nidau ka udim-udim.

2 PITRUS 1:10

Karnau itu, kantin-kantinku, beusahala nian, supayau pilian Allah di kamu tamba tegua. Amun kamu ngerjauka titu, kamu nidau ka ngelipat.

2 PITRUS 1:2

Aku bedu'a, supayau Allah iluak nian ngan kamu ngan maju ngenjuakka damai, mangku kamu maju tamba keruan Allah ngan Yesus, Tuhan kitau.

2 PITRUS 1:5

Karnau itu kamu beusahala nian, supayau kamu maju percayau ngan Keristus. Mangku percayau kamu ditamba ngan kerjau diau iluak. Kerjau diau iluak ditamba ngan ngeruani kendak Allah.

2 PITRUS 1:6

Ngeruani kendak Allah ditamba ngan nguasaui diri. Nguasaui diri ditamba ngan tekun. Tekun ditamba ngan ta'at ngan Allah.

2 PITRUS 1:8

Amun gegalaunyautu adau galau di kamu, kamu nidau ka malas, mangku buasil ngan tamba ngeruani Tuhan kitau Yesus Keristus.

2 PITRUS 2:20

Amun sughang jemau la keruan Tuhan ngan Rajau Penyelamat kitau Yesus Keristus, diau la bibas jak di kuasau deniau diau merusakka manusiau. Anyautu amun diau ngulang agi dikuasauinyau, mangku diau tamba pansan agi jak di senitu.

2 PITRUS 3:18

Kamu mesti tamba meghasauka keilu'an Tuhan, Rajau Penyelamat kitau Yesus Keristus, ngan tamba ngeruani Diau. Tepujila Diau mbak kini enggut selelamaunyau. Amin.