2 KURINTUS 9:13 - PEJANJIAN EMPAI CERITAU ILUAK

¹³ Karnau keilu'an diau kamu nyataukatu banyak jemau Keristen di Yudia ka muji Allah, karnau nginak kamu ta'at ngan ceritau iluak jak di Keristus diau kamu ikutitu. Ughangtu ka muji Allah pulau, karnau kamu iluak ngan ngenjuak setu diau adau di kamu ngan gegalau jemau.

2 KURINTUS 9:13 ပူးပေါင်းရင်းမြစ်များ

MATIUS 5:16

Luak itu pulau terang kamu mesti besinagh di guak jemau, supayau ughangtu nginak perembak kamu diau iluak, mangku ngagungka Bapak kamu di sergau.”

MATIUS 9:8

Masau jemau banyak nginak setu diau tejaditu, ughangtu takut galau mangku ngagungka Allah, karnau Allah ngenjuakka kuasau besak ngan manusiau.

LUKAS 6:46

“Ngapau kamu mantau aku, ‘Tuhan, Tuhan!’, anyautu nidau ngerjauka setu diau Kukiciakka ngan kamu?

YUHANIS 15:8

Amun kamu bebua banyak, kamu njadi anak-buaKu nian. Ngan carau luak itu BapakKu diagungka.”

RASUL 11:18

La udim ndengagh kici'annyautu, ughangtu mandak bebala, mangku ngagungka Allah kataunyau, “Amun luak itu, jemau ukan Yahudi pulau dienjuakka Allah masau ngubai jak di dusaunyau mangku bulia idup.”

RASUL 4:21

Rumbungan sidangtu nidau dapat salahau endak ngukum Pitrus ngan Yuhanis. Ughangtu tamba ngancam duau rasultu mangku dilepaskanyau. Jemau banyak ngagungka Allah karnau kejadian itu.

RUM 10:16

Anyautu nidau gegalau jemau nerimau ceritau itu. Yesaya la ngiciak, “Tuhan, sapau ka percayau ngan kici'an kamu?”

RUM 12:8

Jemau diau pacak muji jemau mesti muji nian. Jemau diau pacak ngenju'i jemau mesti ngenjuak nian ngan sepantasau. Jemau diau pacak mimpin mesti mimpin nian. Jemau diau pacak nyialka jemau mesti nyialkanyau ngan riang.

RUM 15:31

Bedu'ala, supayau jemau di Yudia diau nidau percayau nidau ngancam aku, supayau kerjauku batan endak Yerusalim diterimau jemau Keristen di situ ngan riang.

RUM 16:26

Anyautu mbak kini rencanau itu la dinyatauka karnau perinta Allah, mangku dikiciakka ngan gegalau bangsau jak di tulisan nabi-nabi, supayau ughangtu percayau ngan ta'at ngan Allah.

2 KURINTUS 10:5

Kami merusakka setu diau dibuat jemau geduak endak melawan setu diau benagh ceritau Allah. Kami na'an gegalau rupu'an jemau ngan mbuatau ta'at ngan Keristus.

2 KURINTUS 2:12

Masau aku la sampai di Teruas endak ngiciakka ceritau iluak jak di Keristus, Tuhan la mbukak jalan ngan aku endak bekerjau di bada itu.

2 KURINTUS 8:4

ughangtu mintak nian ngan kami, amun bulia ngikut nulung ngenju'i umat Allah di Yudia.

2 KURINTUS 9:14

Mangku ughangtu ka ndu'aka kamu ngan sayang nian ngan kamu, karnau Allah iluak nian ngan kamu.

GALATIA 1:24

Mangku ughangtu muji Allah karnau aku.

1 TIMUTIUS 6:12

Bejuangla nian batan endak setu diau kaba percayaui, mangku kaba dapat upa idup selelamaunyau. Batan endak itula Allah milia kaba, masau kaba ngaku'i di mukau jemau banyak, bansau kaba percayau nian.

1 TIMUTIUS 6:13

Mangku mbak kini di adapan Allah diau ngidupka gegalaunyau ngan di adapan Yesus Keristus diau ngaku'i ceritau diau benagh di mukau Puntius Pilatus, aku ngajung kaba nian,

IBRANI 10:23

Mela kitau maju ngaghapka setu diau la kitau aku'i, karnau Allah diau la njanjikanyau pacak dipercayaui.

IBRANI 13:16

Mangku majula kerjauka diau iluak ngan sangi tulungi, karnau itula kerban diau melemakka ati Allah.

IBRANI 3:1

Kantin-kantinku jemau Keristen, kamu pulau dipilia Allah. Rupuakkala nian ceritau Yesus. Diautu diajung Allah njadi Imam Besak di agamau diau kitau percayaui.

IBRANI 4:14

Mela kitau maju ngandalka ngan kepercayauan kitau, karnau kitau adau Imam Besak diau agung diau la sampai guak Allah, diautu Yesus, Anak Allah.

IBRANI 5:9

Mangku la udim Diau njadi sempernau, Diau pacak nyelamatka enggut selelamaunyau jemau diau nurutiNyau.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

1 PITRUS 4:11

Jemau diau beketuba mesti ngiciakka katau Allah. Jemau diau nulungi jemau mesti ngerjaukanyau ngan kekuatan jak di Allah, mangku Allah maju diregaui karnau Yesus Keristus. KuasauNyau ngan keagunganNyau nidau ka udim-udim selelamaunyau. Nyela nian.