2 KURINTUS 8:8 - PEJANJIAN EMPAI CERITAU ILUAK

⁸ Aku ukan ngiciakka titu endak ngajung kamu, tapitu endak nunjuakka jemau lain diau rajin ngenjuak ngan jemau. Mangku aku endak keruan pulau, apu kamu sayang nian.

2 KURINTUS 8:8 ပူးပေါင်းရင်းမြစ်များ

RUM 12:9

Jangan cak nyayangi. Luatka diau ja'at, kerjaukala diau iluak.

1 KURINTUS 7:12

Ngan diau lain aku ngiciakka luak ini – ini katauku, ukan katau Tuhan – amun jemau Keristen la bebunting ngan jemau diau nidau percayau mangku buntingautu tetuju idup ngan diau, tinau itu jangan disagha'i.

1 KURINTUS 7:25

Mbak kini ceritau jemau diau lum nika. Ceritau ughangtu nidau bediau perinta Tuhan. Anyautu karnau pengertian jak di Tuhan ngan aku, aku endak ngiciakka pendapatku diau pacak dipercayaui.

1 KURINTUS 7:6

Diau kukiciakka ini ukan perinta, tapitu petua ajau.

2 KURINTUS 6:6

Kami nunjuakka kami ambau Allah, bekerjau ngan jujur, bepengertian, ngaligh ngan iluak. Kami bepaut ngan Rua Allah ngan nyayangi nian.

2 KURINTUS 8:10

Nurut pendapatku, iluakla kamu ngudimi kerjau diau la dimulai taun empaini. Kamutu diau dulu sekali nembaika kerjautu.

2 KURINTUS 8:24

Mangku kami mintak, supayau kamu nyatauka sayang kamu ngan ughangtu, mangku gegalau jemau Keristen keruan, bansau kamu nyayangi ughangtu nian ngan setu diau kami banggaka ceritau kamutu benagh.

2 KURINTUS 9:2

Aku keruan kamu galak nulung, mangku aku muji kamu di adapan jemau Makedunia. Aku la ngiciakka ngan ughangtu, bansau jak taun empaini kantin kitau di Akaya la siap ngenjuakka tanci. Mangku kerjau kamu mbuat banyak jemau endak nulung pulau.

2 KURINTUS 9:7

Bilang jemau mesti ngenjuak nurut kenda'au, jangan ngan asau-asauan, jangan meghasau tepasau, karnau Allah nyayangi jemau diau ngenjuak ngan riang.

IPISUS 4:15

Anyautu kitau mesti nyatauka setu diau benagh ngan maju sangi sayangi. Mangku gegalau kitau tamba lamau tamba sempernau luak Keristus diau ngepala'i kitau.

IPISUS 6:24

Aku bedu'a, supayau Allah iluak ngan gegalau kamu diau nyayangi Tuhan kitau Yesus Keristus ngan sayang diau nidau ka abis-abis.

IBRANI 10:24

Mela kitau sangi peratika, mangku kitau sangi ingatka endak ngerjauka diau iluak ngan sangi sayangi.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.