2 KURINTUS 8:7 - PEJANJIAN EMPAI CERITAU ILUAK

⁷ Keilu'an adau galau di kamu. Carau kamu percayau, carau kamu nyatauka pendapat, carau kamu pengertian, carau kamu nulung jemau ngenian, carau kamu nyayangi kami iluak galau. Karnau itu mbak kini iluakla kamu ngerjauka kerjau diau iluaktu pulau.

2 KURINTUS 8:7 ပူးပေါင်းရင်းမြစ်များ

MATIUS 25:22

Mangku anak-bua diau nerimau duau ribu tanci emas itu datang ngan mbatak untungau duau ribu, kataunyau, ‘Tuan, dighi nyeraka ngan aku duau ribu tanci emas. Kina'ila, aku bulia asil duau ribu agi.’

RUM 15:14

Kantin-kantinku, aku keruan, bansau kamutu iluak. Kamutu pulau la keruan gegalaunyau, mangku pacak sangi ajaghi.

1 KURINTUS 12:13

Luak itu pulau gegalau kitau, empuak jemau Yahudi empuak jemau Yunani, empuak ambau empuak tuan, gegalau kitau la dibaptis ngan Rua diau semegi, supayau kitau njadi sutiak badan Keristus, mangku gegalau kitau dienjuakka Rua diau semegitu.

1 KURINTUS 12:8

Ngan diau sughang Ruatu ngenjuakka kuasau, mangku pacak ngiciak ngan pengertian. Ngan jemau lain Rua diau semegitu ngenjuakka kuasau, mangku diau pacak ngiciakka katau Allah.

1 KURINTUS 13:2

Empuak aku pacak ngiciakka katau Allah ngan ngerti gegalau resiau Allah ngan ngeruani gegalaunyau, empuak aku percayau nian ngan Allah, mangku pacak ngaliaka gunung, anyautu aku nidau nyayangi jemau, dikit kia aku nidau begunau.

1 KURINTUS 13:8

Kasia nidau ka abis. Ngiciakka katau Allah ka udim. Ngiciak basau rua ka mandak. Kepintaran ka lengit pulau.

1 KURINTUS 14:12

Luak itu pulau kamu: Nyela, kamu beusaha bulia kuasau Rua Allah, anyautu kamu mesti beusaha makaiau, supayau begunau batan endak jemau Keristen.

1 KURINTUS 4:7

Sapau njadika kamu lebia jak di jemau lain? Apu ukan gegalaunyau diau adau di kamu kamu terimau? Ngapau kamu geduak, luak setu diau adau di kamutu ukan jak di Allah?

2 KURINTUS 7:7

Aku riang ukan ajau karnau Titus datang, tapitu pulau karnau diau ngiciakka atiau riang karnau kamu. Diau ngiciakka ngan kami, bansau kamu ghindu nian endak betemu ngan aku, bansau kamu la nyesali kerjau senitu, mbak kini endak mbenaghka aku. Karnau itu aku tamba riang nian.

2 KURINTUS 8:6

Karnau itu kami ngajung Titus diau mulai kerjau iluak itu, supayau diudiminyau di guak kamu.

2 KURINTUS 9:14

Mangku ughangtu ka ndu'aka kamu ngan sayang nian ngan kamu, karnau Allah iluak nian ngan kamu.

2 KURINTUS 9:8

Allah bekuasau ngenjuakka ngan kamu setu diau iluak banyak tegalau, mangku setu diau kamu enda'au maju adau galau, lagi ka lebia batan endak bebuat lebia iluak agi.

IPISUS 4:29

Jangan kiciakka kici'an kumua. Kiciakkala katau diau meriangka ngan nulung jemau. Kici'an luak itu nimbulka keilu'an ngan jemau diau ndengaghau.

PILIPI 1:11

Idup kamu ka dipenui ngan kerjau diau benagh diau cuman pacak dikerjauka Yesus Keristus. Mangku Allah diregaui ngan diagungka.

PILIPI 1:9

Aku ndu'aka kamu, mangku kamu tamba nyayangi Allah ngan jemau ngan tamba ngeruani diau benagh ngan bepengertian nian.

2 TESALUNIKA 1:3

Kantin-kantinku, kami maju beterimau-kasia ngan Allah karnau kamu. Nyela, semestiau luak itu, karnau kamu tamba percayau ngan Keristus ngan tamba sangi sayangi.

2 TIMUTIUS 2:1

Timutius, anakku, kaba mesti kuat karnau keilu'an diau dienjuakka ngan kitau karnau seghundak ngan Yesus Keristus.

IBRANI 12:28

Itula sebapau kitau mesti beterimau-kasia ngan Allah, karnau kitau la nerimau bada di manau Allah merinta diau nidau pacak diambiak jak di kitau. Kitau mesti meregaui ngan nyemba Allah ngan takut ngan carau diau dikenda'iNyau diau melemakka atiAu.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

2 PITRUS 3:18

Kamu mesti tamba meghasauka keilu'an Tuhan, Rajau Penyelamat kitau Yesus Keristus, ngan tamba ngeruani Diau. Tepujila Diau mbak kini enggut selelamaunyau. Amin.

PENGINA'AN 3:17

Kaba bekatau, ‘Aku kayau, gegalaunyau la adau, nidau kurang tuapau-apau.’ Kaba nidau keruan, bansau kaba sarau ngan malang, lagi serik, butau ngan telanjang.