2 KURINTUS 8:19 - PEJANJIAN EMPAI CERITAU ILUAK

¹⁹ Ukan itu ajau. Diau pulau la dipilia ngantini kami ngerjauka kerjau iluak itu. Diautu nulung kami ngerjaukanyau, mangku Tuhan diregaui ngan diagungka, mangku tebukti kami sukau nulung jemau.

2 KURINTUS 8:19 ပူးပေါင်းရင်းမြစ်များ

RASUL 14:23

Di bilang kumpulan jemau Keristen duau rasultu netapka pengulu-pengulu batan endak ughangtu. Mangku sampai puasau ngan bedu'a rasultu nyeraka pengulutu ngan Tuhan diau ughangtu percayauitu.

RASUL 15:22

Mangku rasul-rasul ngan pengulu-pengulu jemau Keristen ngan gegalau jemau percayau mutuska endak milia bebeghapau ughang jak di ughangtu diau ka diajung ke Antiukia serempak ngan Paulus ngan Barnabas. Mangku ughangtu milia Silas ngan Yudas diau pulau dikiciakka Barsabas. Ughang duautu diregaui nian di guak jemau percayau di Yerusalim.

RASUL 15:25

Itula sebapau kami la buijau, mangku gegalaunyau tetuju galau endak milia bebeghapau ughang ngajung ughangtu pegi njenguak kapu dighi serempak ngan kantin kitau Paulus ngan Barnabas diau kami sayangi.

RASUL 19:22

Mangku diau ngajung duau ughang anak-buahau, Timutius ngan Irastus, dulu pegi ke Makedunia, penarau diautu gi mendam di Asia.

RASUL 19:29

Gegalau kuta itu kacau-balau, mangku ughangtu rami-rami pegi ke balai petemuan. Ughangtu nangkap Gayus ngan Aristarkus, jemau Makedunia, kantin Paulustu, mangku ditaghiak ke balaitu.

RUM 5:11

Ukan itu ajau. Kitau riang pulau karnau keilu'an Allah itu, mangku kitau la seilu'an ngan Diau karnau Tuhan kitau Yesus Keristus.

RUM 5:3

Lebia agi kitau riang karnau sengsarau, karnau kitau keruan sengsarautu mbuat kitau tekun.

2 KURINTUS 4:15

Gegalaunyautu batan endak kamu. Karnau tamba banyak jemau meghasauka keilu'an Allah, tamba banyak pulau du'a beterimau-kasia ngan Allah, mangku Allah diagungka.

2 KURINTUS 8:11

Mbak kini udimila kerjautu. Kerjaukala titu nurut luak manau kamu pacak ngan sukau. Kamu mesti riang ngudiminyau luak kamu riang merencanaukanyau senitu.

2 KURINTUS 8:12

Amun kamu sukau ngenjuak, mangku Allah ka nerimau enju'an kamutu nurut setu diau adau di kamu, ukan nurut setu diau nidau bediau di kamu.

2 KURINTUS 8:20

Kami sepadau nian, supayau jangan adau jemau diau nyalaka kami nyampaika kumpulan tanci diau banyak itu.

2 KURINTUS 9:2

Aku keruan kamu galak nulung, mangku aku muji kamu di adapan jemau Makedunia. Aku la ngiciakka ngan ughangtu, bansau jak taun empaini kantin kitau di Akaya la siap ngenjuakka tanci. Mangku kerjau kamu mbuat banyak jemau endak nulung pulau.

2 KURINTUS 9:8

Allah bekuasau ngenjuakka ngan kamu setu diau iluak banyak tegalau, mangku setu diau kamu enda'au maju adau galau, lagi ka lebia batan endak bebuat lebia iluak agi.