2 KURINTUS 7:4 - PEJANJIAN EMPAI CERITAU ILUAK

⁴ Aku percayau nian ngan kamu, aku bangga nian karnau kamu. Empuak kami meghasauka banyak penanggungan, atiku diriangka karnau kamu, mangku aku riang nian.

2 KURINTUS 7:4 ပူးပေါင်းရင်းမြစ်များ

RASUL 5:41

Rasul itu pegi jak di pengadilantu ngan riang, karnau pantas sengsarau karnau namau Yesus.

RUM 5:3

Lebia agi kitau riang karnau sengsarau, karnau kitau keruan sengsarautu mbuat kitau tekun.

1 KURINTUS 1:4

Aku maju beterimau-kasia ngan Allah, karnau kamu la nerimau keilu'an Allah karnau la seghundak ngan Yesus Keristus, mangku kamu la njadi kayau ngan gegalaunyau, kayau ngan katau, kayau ngan pengertian.

2 KURINTUS 1:4

Diau neguaka kami ngadapi gegalau tanggungan, mangku kami pacak neguaka jemau diau meghasauka bemecam-mecam tanggungan ngan carau diau semegi luak kami la diteguaka Allah.

2 KURINTUS 10:8

Aku nidau maluan, amun aku lebia mbanggaka kuasau diau dienjuakka Tuhan ngan kami, karnau kuasau itu dienjuakka batan endak neguaka kamu, ukanau batan endak mbenasauka kamu.

2 KURINTUS 11:21

Aku maluan ngaku'i, bansau kami nidau pacak ngerjauka titu. Anyautu setu diau jemau lain beghani mbanggaka, aku mbanggaka pulau. Akuni ngiciak luak jemau bigal.

2 KURINTUS 2:14

Aku beterimau-kasia ngan Allah! Diau maju mbatak kami di jalan menang serempak ngan Keristus. Diau makai kami, supayau ceritau Keristus tesebar ke manau-manau luak embau ghum.

2 KURINTUS 3:12

Karnau kami adau aghapan luak itu, mangku kami beghani ngiciak luak itu.

2 KURINTUS 7:14

Aku la mbanggaka kamu ngan diau. Terimau-kasia kamu nidau maluka aku. Gegalaunyau diau la kami kiciakka ngan kamu benagh. Luak itu pulau setu diau kami banggaka ngan Titus ceritau kamu tenyatau benagh.

2 KURINTUS 8:24

Mangku kami mintak, supayau kamu nyatauka sayang kamu ngan ughangtu, mangku gegalau jemau Keristen keruan, bansau kamu nyayangi ughangtu nian ngan setu diau kami banggaka ceritau kamutu benagh.

PILIPI 1:14

Karnau aku dijilka, banyak jemau Keristen di sini tamba percayau ngan Tuhan, mangku tamba beghani ngiciakka katau Allah ngan nidau takut.

PILIPI 1:20

Aku endak nian ngan ngaghapka, supayau aku maju ngerjauka diau benagh. Aku ngaghapka, supayau luak jak di senitu mangku pulau mbak kini Keristus diregaui ngan gegalaunyau diau kukiciakka ngan kukerjauka, empuak aku idup empuak aku mati.

PILIPI 1:26

Mangku amun aku datang agi nanti guak kamu, kamu diau seghundak ngan Keristus ka tamba bangga karnau aku.

PILIPI 2:17

Berangkali daghaku ka ditumpaka luak dicughuaka di pucuak kerban diau kamu enjuakka ngan Allah karnau percayau. Amun titu ka tejadi nian, aku beterimau-kasia ngan ikut riang ngan kamu.

KULUSI 1:24

Mbak kini aku riang sengsarau batan endak kamu. Mangku ngan sengsarautu aku nepati di badanku setu diau lum ditanggung Keristus batan endak jemau Keristen. Ughangtu umpamau badanAu.

1 TESALUNIKA 2:19

Kamuni ngenian njadi aghapan kami ngan meriangka kami, karnau amun nanti Tuhan Yesus datang ngan kitau ngadapiNyau, kamuni pulau njadi kebanggaan kami.

1 TESALUNIKA 2:2

Kamu keruan, antak ka kami datang, kami la dibuati ngan digelakka jemau di Pilipi. Anyautu empuak banyak jemau melawan kami, Allah mbeghanika kami endak ngiciakka ngan kamu ceritau iluak diau asalau jak di Allah.

2 TESALUNIKA 1:4

Itula sebapau kami muji kamu di guak jemau Keristen. Riang nian kami nceritauka kamu, karnau kamu maju percayau ngan tekun ngan Keristus, empuak kamu diluatka ngan dianiayau.

PILEMUN 1:7

Sayang kaba meriangka ngan neguaka aku. Kaba la meriangka gegalau umat Allah.

YAKUBUS 1:2

Kantin-kantinku, riangla kamu, amun kamu meghasauka banyak cubauan.