2 KURINTUS 7:1 - PEJANJIAN EMPAI CERITAU ILUAK

¹ Kantin-kantinku diau kusayangi. Gegalau janji itu batan endak kitau. Karnau itu mela kitau mberesiaka diri kitau jak di gegalaunyau diau ngumuhi ati ngan rua kitau. Kitau mesti takut ngan Allah, mangku kitau pacak idup beresia batan endak Allah.

2 KURINTUS 7:1 ပူးပေါင်းရင်းမြစ်များ

MATIUS 12:33

“Batang diau kamu katauka iluak ngasilka bua diau iluak. Batang diau kamu katauka nidau iluak ngasilka bua diau nidau iluak. Bilang batang dikeruani jak di buahau.

MATIUS 5:48

Kamu mesti sempernau luak Bapak kamu di sergau.”

MATIUS 5:8

Riangla jemau diau beresia atiau, karnau diau ka keruan Allah.

RASUL 9:31

Mangku jemau percayau di gegalau Yudia, Galilia ngan Samaria njadi tenang. Rua Allah nulung ughangtu njadi kuat ngan tamba banyak, karnau ughangtu idup takut ngan Tuhan.

RUM 5:20

Mangku ukum Taurat dienjuakka Allah, mangku pelanggaran tamba banyak. Anyautu tamba jemau banyak bedusau, tamba Allah banyak nyayangi jemau.

1 KURINTUS 6:20

Kamu la dibeli, regaunyau la dibayighi galau. Karnau itu regauila Allah ngan badan kamu.

2 KURINTUS 1:20

Gegalau janji la “au” galau dalam Keristus. Karnau itu kitau ngiciakka “nyela nian” endak ngagungka Allah karnau Diau.

IPISUS 2:3

Sebenaghau senitu gegalau kitau semegi ngan ughangtu. Kitau nuruti serilau manusiau ngan ngerjauka sekendak badan ngan rupu'an kitau diau ja'at. Masau itu kitau jemau diau kenau mara Allah semegi ngan jemau laintu.

1 TESALUNIKA 3:13

Ngan carau luak itula Tuhan neguaka ati kamu, mangku kamu beresia, nidau becelakau di adapan Allah Bapak kitau, masau Yesus Tuhan kitau datang ngan gegalau jemau percayau.

1 TESALUNIKA 4:7

Allah milia kitau, ukan supayau kitau idup ja'at, tapitu supayau kitau idup beresia.

1 TESALUNIKA 5:23

Aku bedu'a, supayau Allah ngenjuakka kamu damai ngan njadika kamu jemau diau idup nian batan endak Allah. Aku bedu'a, supayau Allah njagaui gegalau idup kamu, rua ngan jiwa kamu, mangku amun Tuhan kitau Yesus Keristus datang agi, kamu nidau bediau cacatau.

IBRANI 12:23

Kamu ngikut tunggalan diau riang nian, tunggalan anak-anak tuau diau namaunyau la ditulis di sergau. Kamu betunggal ngan jemau senitu diau la disempernauka. Kamu ngadap Allah, akim gegalau manusiau.

IBRANI 12:28

Itula sebapau kitau mesti beterimau-kasia ngan Allah, karnau kitau la nerimau bada di manau Allah merinta diau nidau pacak diambiak jak di kitau. Kitau mesti meregaui ngan nyemba Allah ngan takut ngan carau diau dikenda'iNyau diau melemakka atiAu.

IBRANI 4:1

Itula sebapau iluakla kitauni sepepadau, supayau jangan sughang kiala jak di kamu diau ketinggalan, empungan gi adau janji bulia bada gheghadu.

IBRANI 6:9

Kantin-kantinku diau kusayangi, empuak kami ngiciak luak itu, kami percayau ngan kamu. Kami yakin, bansau kamu ka milia jalan diau iluak mangku kamu ka selamat.

YAKUBUS 4:8

Pasighila Allah, mangku Allah masighi kamu. Beresiakala tangan kamu, ui, kamu diau bedusau! Beresiakala rupu'an kamu diau nidau tetap.

1 PITRUS 1:15

Anyautu gegalaunyau diau kamu kerjauka mesti suci, luak Allah diau milia kamutu suci.

1 PITRUS 1:17

Amun kamu bedu'a, kamu ngiciakka Allah itu Bapak. Allah ngukum gegalau jemau nurut peremba'au sesughangan, nidau milia rupau. Mangku kamu mesti meregaui Diau, selamau kamu gi adau di deniau ini.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

1 PITRUS 2:11

Kantin-kantinku diau kusayangi. Kamu jemau pendatang ngan perantau di deniau ini. Karnau itu aku mintak nian, supayau kamu jangan nuruti serilau manusiau diau maju beperang melawan rua.

1 PITRUS 5:10

Udim kamu sengsarau jerang, mangku Allah ka ndandani kamu. Diau ka ngenjuakka pelapiak diau kuat ngan neguaka ati kamu, karnau Allahtu iluak. Diautu la milia kamu endak seghundak ngan Keristus, mangku kamu meghasauka keagunganNyau diau nidau ka udim-udim.

1 YUHANIS 1:7

Anyautu amun kitau idup dalam terang, luak Allah adau dalam terang, kitau idup suijauan sughang ngan diau lain, mangku dagha Yesus, Ana'Au, mbasua kitau jak di gegalau dusau.

1 YUHANIS 1:9

Anyautu amun kitau ngaku'i gegalau dusau kitau ngan Allah, Diau ka nepati janjiAu ngan ngerjauka setu diau adil, mangku Diau ka ngabiska dusau kitau ngan mbasua kitau jak di gegalau perembak diau ja'at.

1 YUHANIS 3:3

Gegalau jemau diau ngaghapka Keristus njagaui diriau, supayau beresia jak di dusau, suci luak Diau pulau.