2 KURINTUS 6:16 - PEJANJIAN EMPAI CERITAU ILUAK

¹⁶ Tuapau ubungannyau Ghuma Allah ngan keramat? Kitau ini Ghuma Allah diau idup. Allahtu bekatau, “Aku ka mendam di guak ughangtu, Aku endak idup seghundak ngan ughangtu. Aku ka njadi Allah ughangtu, mangku ughangtu ka njadi umatKu.”

2 KURINTUS 6:16 ပူးပေါင်းရင်းမြစ်များ

MATIUS 16:16

Simun Pitrus nimbal, “Dighila Almasih, Rajau Penyelamat, Anak Allah diau idup.”

MATIUS 6:24

Nidau sughang kia pacak njadi anak-bua duau jemau, karnau amun luak itu, diau ka sayang ngan diau sughang diau sughang agi nidau. Diau ka setia ngan diau sughang ngan diau sughang agi nidau. Kamu nidau pacak bekerjau batan endak Allah ngan batan endak retau bendau pulau.”

LUKAS 5:36

Mangku Yesus nceritauka cuntau ini, “Nidau bediau jemau diau ngambiak batan penampit jak di kain empai endak nampiti baju diau bughuak, karnau kain empai itu ka cebagh, lagi pulau kain penampit diau dicebaghka jak di kain empai nidau sesuai ngan kain baju diau bughuak tadi.

YUHANIS 14:23

Katau Yesus, “Amun jemau nyayangi Aku, diau ka nuruti kici'anKu. BapakKu ka nyayangi diau, mangku Kami ka njenguak diau ngan mendam ngan diau.

YUHANIS 6:56

Jemau diau makan dagingKu ngan minum daghaKu, diautu seghundak ngan Aku, Aku ngan diau.

RUM 8:11

Amun Rua Allah diau la ngidupka Keristus jak di mati adau dalam kamu, mangku Allah diau ngidupka Keristus jak di matitu ka ngidupka badan kamu pulau, karnau RuaHau adau dalam kamu.

RUM 8:9

Anyautu kamu nidau idup nurut serilau manusiau. Kamuni idup nurut Rua Allah, amun ngenian Ruatu adau dalam kamu. Jemau diau nidau bediau Rua Allah ukan hak Keristus.

RUM 9:26

Mangku, “Di bada jemau dikiciakka, ‘ukan umatKu’, di situ ughangtu ka dikiciakka ‘anak Allah diau idup’.”

1 KURINTUS 10:21

Kamu nidau pacak minum jak di mangkuak Tuhan ngan pulau jak di mangkuak iblis. Mangku kamu nidau kila pacak makan di bada makanan Tuhan ngan pulau di bada makanan iblis.

1 KURINTUS 6:19

Cengki kamu la keruan, bansau badan kamu umpamau ghuma Allah, bada Rua Allah diau dienjuakka Allah ngan kamu, mangku kamutu ukan hak kamu. Kamutu hak Allah.

IPISUS 2:20

Kamu umpamau ghuma diau ditegakka di pelapiak diau dibuat rasul-rasul ngan nabi-nabi ngan Keristus njadi batu pelapiak diau penting sekali.

IPISUS 2:22

Karnau kamu seghundak ngan Keristus, kamu ngikut disusun ngan jemau lain njadi Ghuma Allah bada RuaHau.

IPISUS 3:17

Mangku ati kamu njadi bada Keristus karnau kamu percayau ngan Diau, mangku gegalau kerjau kamu dikerjauka karnau nyayangi.

1 TIMUTIUS 3:15

Mangku amun aku lambat sampai, kaba la keruan, luak manau kitau anak-anak Allah mesti idup. Kitauni anak Allah diau idup diau njadi tiang penegak, njadi pelapiak ajaghan diau benagh jak di Allah.

2 TIMUTIUS 1:14

Ngan kuasau Rua Allah diau adau di kitau kaba mesti njagaui iluak-iluak setu diau iluak diau la dipercayauka ngan kaba.

IBRANI 3:6

Tapi Keristus itu Anak diau ngepala'i ghuma Allahtu ngan ta'at. Mangku kitau inila ghuma Allah, amun kitau tegua ngan maju percayau ka bulia setu diau kitau aghapka.

IBRANI 8:10

“Mangku inila janji diau Kujanjika ngan umat Israil,” katau Tuhan, “Masaunyau ka sampai, Aku ka mbuat ughangtu maju merupuakka perintaKu, mangku ati ughangtu ka maju ngingatkanyau. Aku ka njadi Allah ughangtu, mangku ughangtu ka njadi umatKu.

YAKUBUS 4:5

Jangan kamu sangkau, setu diau ditulis di Injil ca'au ajau, “Rua diau dienjuakka Allah ngan kitau dikenda'iNyau ngan sengit!”

1 PITRUS 2:5

Kamu umpamau batu-batu diau idup. Karnau itu enangka kamu dipakai batan endak negakka ghuma Allah diau ruhani. Ngan carau luak itu kamu njadi imam-imam diau idup beresia batan endak Allah, mangku ngerbanka ngan Allah kerban diau ruhani diau melemakka ati Allah karnau Keristus.

1 YUHANIS 4:12

Nidau bediau sughang kiala diau kekela nginak Allah. Anyautu amun kitau sangi sayangi, Allah maju seghundak ngan kitau, mangku kitau pacak nyayangi nian.

1 YUHANIS 4:15

Amun jemau ngaku'i Yesus itu Anak Allah, Allah idup seghundak ngan diau, diau seghundak ngan Allah.

PENGINA'AN 2:1

“Tuliskala ngan malaikat jemau Keristen di Ipisus: ‘Inila katau Aku, di tangan kananKu adau tujua bintang. Aku bejalan di pugan tujua tiang lampu emastu.

PENGINA'AN 21:3

Mangku aku ndengagh suarau bias jak di kerusi rajautu, kataunyau, “Mbak kini bada Allah di guak manusiau, mangku Diau ka seghundak ngan ughangtu. Ughangtu ka njadi umatAu, mangku Diau ka njadi Allah ughangtu.

PENGINA'AN 21:7

Jemau diau menang ka bulia gegalaunyautu. Aku ka njadi Allahau, diautu ka njadi anakKu.