2 KURINTUS 6:10 - PEJANJIAN EMPAI CERITAU ILUAK

¹⁰ Empuak dimadakka, kami maju riang. Empuak kami serik, kami mbuat banyak jemau kayau. Empuak kami nidau bediau tuapau-apau, kami adau gegalaunyau.

2 KURINTUS 6:10 ပူးပေါင်းရင်းမြစ်များ

MATIUS 5:12

Nabi-nabi timpau senitu la dibuati luak itu. Riangla nian kamu, karnau upa kamu besak di sergau.”

MATIUS 5:4

Riangla jemau diau bingung, karnau diau ka dilemakka.

LUKAS 6:21

Riangla kamu diau lapagh mbak kini, karnau kamu ka dikenyangka. Riangla kamu diau nangis mbak kini, karnau kamu ka tetawau.

YUHANIS 16:22

Luak itula pulau ngan kamu: Mbak kini kamu dukau, anyautu Aku ka betemu agi ngan kamu, mangku ati kamu ka riang, mangku nidau sughang kia pacak ngambiak keriangan kamu.

RASUL 16:25

Kekirau tenga malam Paulus ngan Silas bedu'a ngan benyanyi ngagungka Tuhan. Jemau lain diau di jil pulau ndengaghi ughang duautu benyanyi.

RASUL 3:6

Katau Pitrus, “Aku nidau bediau tanci dikit kiala. Anyautu tuapau diau adau di aku ka kuenjuakka ngan dighi. Ngan kuasau Yesus Keristus, jemau Nasarit itu, bejalanla!”

RASUL 5:41

Rasul itu pegi jak di pengadilantu ngan riang, karnau pantas sengsarau karnau namau Yesus.

RUM 11:12

Jemau Yahudi besala ngan nidau nuruti kendak Allah, mangku Allah iluak nian ngan jemau bangsau lain, apau agi amun jemau Yahudi seilu'an ngan Allah, cengki besakla keilu'an Allah ngan gegalau deniau.

RUM 12:15

Riangla ngan jemau diau riang, nangisla ngan jemau diau nangis.

RUM 15:13

Allah itu bada kamu buaghap. Aku bedu'a, supayau Allah mbuat ati kamu riang ngan meghasau damai karnau kamu percayau, mangku ngan kuasau Rua Allah kamu ka tamba ngaghapka Diau.

RUM 8:32

Allahtu rila nyeraka Ana'Au batan endak kitau galau. Baghia Diau nidau ngenjuakka ngan kitau gegalaunyau diau lainau.

RUM 9:2

Aku bingung nian ngan atiku madak kematila

2 KURINTUS 2:4

Aku nulis ngan kamu ngan atiku madak nian ngan temas sampai banyak numbanka ayiak-matau. Aku nulis itu, ukan supayau kamu njadi bingung, tapitu supayau kamu keruan, bansau aku sayang nian ngan kamu.

2 KURINTUS 4:15

Gegalaunyautu batan endak kamu. Karnau tamba banyak jemau meghasauka keilu'an Allah, tamba banyak pulau du'a beterimau-kasia ngan Allah, mangku Allah diagungka.

2 KURINTUS 4:7

Retau sergau itu adau di kami diau nidau beregautu diau luak guci dibuat jak di tana, mangku nyatau, bansau kuasau injil diau besaktu asalau jak di Allah ukan jak di kamini.

2 KURINTUS 8:9

Kamu keruan, bansau kitau disayangi Yesus Keristus, Tuhan kitau. Empuak Diau kayau, Diau njadi serik batan endak kamu, mangku kamu njadi kayau karnau keserikanNyautu.

IPISUS 3:16

Aku bedu'a, supayau Allah diau kayau ngan agung sekali neguaka ati kamu ngan RuaHau.

IPISUS 3:8

Jak di umat Allah diau inau akuni diau inau sekali. Anyautu Allah la nunjuakka keilu'anNyau ngan aku. Diau pulau ngenjuakka ngan aku kerjau iluaktu endak ngiciakka ngan jemau ukan Yahudi ceritau iluak ngiciakka keilu'an Yesus Keristus diau nidau ka abis-abis.

PILIPI 2:17

Berangkali daghaku ka ditumpaka luak dicughuaka di pucuak kerban diau kamu enjuakka ngan Allah karnau percayau. Amun titu ka tejadi nian, aku beterimau-kasia ngan ikut riang ngan kamu.

PILIPI 4:4

Luak manau kila kamu mesti riang karnau seghundak ngan Tuhan. Sekali agi aku ngiciakka: Riangla kamu!

KULUSI 1:24

Mbak kini aku riang sengsarau batan endak kamu. Mangku ngan sengsarautu aku nepati di badanku setu diau lum ditanggung Keristus batan endak jemau Keristen. Ughangtu umpamau badanAu.

KULUSI 3:16

Ajaghan Keristus mesti bekerjau dalam ati kamu ngan carau diau iluak. Mangku sangi ajaghila ngan sangi retika ngan bepengertian nian. Nyanyikala masmur ngan pujian ngan lagu ruhani batan endak Allah sampai beterimau-kasia dalam ati.

1 TESALUNIKA 1:6

Kamu la menau idup kami ngan idup Tuhan. Empuak kamu sengsarau nian, kamu nerimau ceritau iluak diau kami kiciakkatu ngan riang. Riang itu jak di Rua Allah.

1 TESALUNIKA 5:16

Maju injiakla kamu,

1 TIMUTIUS 4:8

Melatia badan gi dikit gunaunyau. Melatia rua banyak gunaunyau, karnau adau janji batan endak idup mbak kini ngan idup nanti.

1 TIMUTIUS 6:18

Ingatkala jemau, supayau kayau ngan kerjau iluak, mura nulung jemau ngan galak ngenjuak.

IBRANI 10:34

Kamu ngikut meghasauka kemada'an jemau diau dijilka. Masau gegalau retau kamu diambiak jemau, kamu maju riang, karnau kamu keruan, kamu adau setu diau lebia iluak agi diau ka ta'an selelamaunyau.

YAKUBUS 2:5

Kantin-kantinku diau kusayangi, ingatkala, jemau diau dianggap deniau serik dipilia Allah njadi jemau kayau karnau percayau. Jemautu ka bulia bagian di sergau diau dijanjika Allah ngan jemau diau nyayangiNyau.

1 PITRUS 4:13

Anyautu kamu mesti riang, karnau kamu ngikut sengsarau ngan Keristus. Mangku kamu pulau ngikut riang nian, amun keagunganNyau diancakka nanti.

PENGINA'AN 2:9

Aku keruan kaba sengsarau ngan serik, awuak sebenaghau kaba kayau. Aku keruan buru'an jemau diau ngakuak diriau jemau Yahudi, awuak sebenaghau ukan. Ughangtu umat iblis?

PENGINA'AN 21:7

Jemau diau menang ka bulia gegalaunyautu. Aku ka njadi Allahau, diautu ka njadi anakKu.