2 KURINTUS 5:9 - PEJANJIAN EMPAI CERITAU ILUAK

⁹ Mangku kami beusaha nian melemakka atiAu, empuak kami mendam di anjung kami di sini, empuak di situ.

2 KURINTUS 5:9 ပူးပေါင်းရင်းမြစ်များ

YUHANIS 6:27

Jangan bekerjau endak ngerjauka makanan diau ka busuak. Bekerjaula ajau endak makanan diau nidau ka busuak ngan ngenjuakka idup empai selelamaunyau. Makanantu ka dienjuakka Anak Manusiau ngan kapu dighi, karnau Diautu la ditetapka Allah Bapak.”

RASUL 10:35

Bilang jemau, amun percayau ngan takut ngan Allah ngan ngerjauka diau benagh, diterimau Allah. Diautu nidau milia rupau.

RUM 14:18

Amun jemau bekerjau batan endak Keristus ngan carau luak itu, jemautu melemakka ati Allah ngan diregaui jemau.

RUM 14:8

Kitau idup, idup batan endak Tuhan. Kitau mati, mati batan endak Tuhan. Empuak idup empuak mati kitauni hak Tuhan.

RUM 15:20

Tujuanku jak di senitu endak ngiciakka ceritau iluak jak di Allah di guak jemau diau lum ndengaghka ceritau Keristustu, karnau aku enggup ndalak untung jak di kerjau jemau.

1 KURINTUS 15:58

Karnau itu, kantin-kantinku diau kusayangi, kuatkala ngan teguakala iman kamu. Bekerjaula maju batan endak Tuhan ngan ngenianau, karnau kamu keruan, bansau kerjau kamu batan endak Tuhan nidau ka keria ajau.

2 KURINTUS 5:6

Mangku kami maju meghasau tegua, empuak kami keruan, semasau kami gi mendam di badan kamini, kami gi jawua jak di ghuma diau ka kami tunggu ngan Tuhan.

2 KURINTUS 5:8

Karnau itu ati kami tegua. Kami endak nian bibas jak di badan kamini, mangku pacak mendam ngan Tuhan.

IPISUS 1:6

Mangku Allah dipuji karnau keilu'anNyau diau agungtu diau dienjuakka ngan kitau karnau Ana'Au Yesus Keristus diau disayangiNyau.

KULUSI 1:10

Mangku kamu pacak idup nurut kendak Allah ngan maju melemakka atiAu, mangku ngan tuapau kila kamu pacak ngerjauka diau iluak ngan tamba ngeruani setu diau benagh ceritau Allah.

KULUSI 1:29

Batan endak itula aku bekerjau mati-matian. Aku beusaha ngan gegalau tenaga diau dienjuakka Keristus ngan aku diau kuat bekerjau di aku.

1 TESALUNIKA 4:1

Mangku mbak kini, kantin-kantinku, kami ngajung kamu idup melemakka ati Allah, semegi ngan diau la kami kiciakka ngan kamu senitu. Nyela, kamu la ngerjaukanyau. Anyautu mbak kini ngan kuasau Tuhan Yesus kami ngajung kamu tamba beusaha agi melemakka ati Allah.

1 TESALUNIKA 4:11

Beusahala idup diau tenang. Jangan ncampuri urusan jemau. Bekerjaula batan pengidupan kamu itula, luak diau la kami ajungka ngan kamu senitu.

1 TIMUTIUS 4:10

Itula sebapau kitau bejuang ngan bekerjau nian, karnau kitau ngaghapka nian Allah diau idup. Diautu pacak nyelamatka gegalau jemau, terutamau jemau diau percayau.

IBRANI 12:28

Itula sebapau kitau mesti beterimau-kasia ngan Allah, karnau kitau la nerimau bada di manau Allah merinta diau nidau pacak diambiak jak di kitau. Kitau mesti meregaui ngan nyemba Allah ngan takut ngan carau diau dikenda'iNyau diau melemakka atiAu.

IBRANI 4:11

Karnau itu mela kitau beusaha bulia bada gheghadutu. Jangan adau diau urung luak ughang senitu ikak nidau ta'at.

2 PITRUS 3:14

Karnau itu, kantin-kantinku diau kusayangi, penarau nantika gegalaunyautu, beusahala nian, supayau kamu idup beresia ngan nidau becacat di adapan Allah ngan maju idup damai ngan Allah.